¹ Cacitikile panuma fye ya nshita iinono ukuti Yesu alitampile ukwendauka ukushinguluka mu misumba iya pusapusana na mu mishi, alebila elo nokulanda pa mbila nsuma iyapa bufumu bwakwa Lesa. Na bekumi nababili nabo bali naye, ² pamo pene naba namayo bamo abo aposeshe ku mipashi yakukowela elo na malwele:Maria uo balikukuta ati Mandalena, muli uyo uo atamfishemo ifbanda cine lubali; ³ Yoanna, umukashi wakwa Chuza, kapitao wakwa Herodi; Susanna; elo nabambipo abengi, abo, pa fintu ifyobakwete, balikupela ifyo balikubulisha. ⁴ Ulo cinkupiti wabantu alikulongana, elo na bantu balikwisa kuli ye balikufuma mu musumba no musumba, alandile umulumbe: ⁵ ''Umulimi umo aile mukubyala imbuto shakwe. Ulo abyele, shimo shaponene mumbali ya nshila elo balishinyantawile ku makasa, elo ne fyoni fya mu mulu fyalishile kushonaula. ⁶ Shimo shaponene pa mabwe, elo bwangu bwangu shamena, palya pene fye shafota, pantu tashakwete umutonshi. ⁷ Shimo nasho shaponene mu myunga, elo imyunga yalikulile nasho pamo elo noku tabililila. ⁸ Nomba shimo shaponene mu mushili uwabune elo shalitwele ne fisabo ifyfikile naku mwanda umo ubwingi'' Panuma Yesu alandile ifi fyonse, abilikishe ati, ''Uyo onse uuli na matwi, naomfwe.'' ⁹ Abasambi bakwe balimwipwishe umwalolele ili pinda. ¹⁰ Alandile ati, ''Amano yakwishiba ifya nkama fya bufumu bwakwa Lesa yalipelwa kuli mwe, nomba kuli bambi Nandila mu mapinda, 'pakuti ulo babona tababwenekeshe, ukumfwa baleumfwa nomba tabeshibile umo filolele.' ¹¹ Lelo umu emulolele ili ipinda: Imbuto lishiwi lyakwa Lesa. ¹² Shilya ishaponene mu mbali ya nshila ni balya abomfwa, nomba eluntu Satana aisa elo no kupita amashiwi ukufuma mu mitima yabo pakuti besumina elo nokupusuka. ¹³ Ishaponene pa mabwe ni abo, uluntu baumfwa ishiwi lya kwa Lesa, balipokelela ne nsansa. Nomba ico tabakwata imishila; balasumina pa nshita fye iinono, elo inshta ya matunko nga yaisa bawa noku bwekela ku numa. ^{14 15} Shilya imbuto ishaponene mu myunga ni balya abantu abamfwa amashiwi yakwa Lesa, nomba mukuya kwa nshita, icebo capitwa nama sakamika elo ne fyuma elo namangalo bwa bwikashi buno, elo ne fisabo fyabo tafikoma. Nomba imbuto shilya ishaponene mu mushili uwabune, abo ni balya abantu, abomfwa ishiwi lyakwa Lesa mu cishinka elo no mutima uwabune, nokulisunga bunebune elo nokutwala ifisabo ifingi mu cishinka. ¹⁶ ''Takwaba nangu umo uusanika icisaniko elo nokufimbapo icipe nangu ukubika mwifungu lya busanshi. Lelo, abika pacakubikapo icisaniko pakuti onse uwaingila mu ng'anda alumona ulubuto. ¹⁷ Pantu takwaba nangu cimo icafisama ico icishakeshibikwe, nangu takwabaicintu ica mubumfisolo icishakeshibikwe elo nokwisa pa lubuto. ¹⁸ Eico kanshi mukutikishe, kuli uyo ukwata, bakamubikilapo na fimbi, nomba kuli uyo uutakwata, nototwine uto atontonkanya atia alikwata bakamupokolola.'' ¹⁹ Eluntu ba nyina nabawabo baishile kuli ye, nomba balifililwe ukufika apo ali pamulandu wa bantu ubwingi. ²⁰ Bamwebele ati, ''Banoko elo nabawenu baliminine panse, balefwaya ukukubona.'' ²¹ Nomba Yesu ayasukile elo nokubeba ati, ''Bamayo elo nabawesu ni abo abomfwa ishiwi lyakwa Lesa elo nokulicita.'' ²² Lelo ubushiku bumo aninine mu bwange pamo nabasambi bakwe, elo nokubeba ati, ''Natulekuya kubushilya bwa bemba.'' Balile kubushilya. ²³ Nomba ulo balikuya Yesu alipnene mutulo. Ipunga ilikulu lyaishile ulo bali palibemba, elo no bwange bwabo batampile ukwingilamo amenshi, elo bali bwafya ubukulu. ²⁴ Eluntu abasambi bakwa Yesu baile kuli ye elo nokumwalamusha, balelanda ati,''Kanabesa! Kanabesa! Twalafwa! Aalamukile elo nokukalipila umwela elo no kwima kwamaba, elo kwalilekele, elo no lushi lwaliwile. ²⁵ Eluntu alandile kuli bo ati, ''Nge cisumino cenu cili kwisa?'' Nomba bali nomwenso elo nokupapa, elo balikuipusha ati, ''Bushe muntu wa musango ndo, uyo uweba ne punga elo na menshi, elo fyamumfwila?'' ²⁶ Bafikile ku citungu ica Gerasenes, uyo uwaba ukulola ku mumana ukufuma ku Galilee. ²⁷ Uluntu Yesu apatukile pa mulundu, bakumenye ku muntu umo uwafumine mu musumba uwali nengulu ishingi. Panshita iitali talikufwala ififwalo, elo talikwikala mu ng'anda nomba alikwikala fye mu nshishi. ²⁸ Uluntu abwene Yesu, alilile umusowa elo nokuwila mupepi naye elo abilikishe ishiwi ilikulu nokulanda ati, ''Nindo ulefwaya ukucita kuli ne, Yesu, we Mwana wakwa Lesa uwapulamo? Ndekupapata, mwincusha.'' ²⁹ Pantu Yesu alikaliple umupashi wakukowela ukufuma muli ulya muntu. Pantu inshita ishingi calikumulampa panshi, elo nangu bamukakille ne minyololo elo namumakoli elo nokumulonda, alikuputula iminyololo elo nokutungululwa ne ngulu ukuya mu matololo. ³⁰ Eluntu Yesu ashipwishe ati, ''Bushe niwebo nani ishina lyobe?'' Alandile ati, ''Icikunka,'' pantu ingulu ishingi shalingile muli ye. ³¹ Shalitwalilile fye ukumupapata nokuti eshitwala kumbo. ³² Lelo ibumba ilikulu ilyankumba lyalikulya bushilya bwa lupili. Ingulu sha mupapatile nokuti ahileke shilekuya mu nkumba, elo ashipele insambu. ³³ Eico ingulu shalifumine mu muntu ulya elo nokuya kwingila mu nkumba, elo ne nkumba shabutukile kumutentemuko nokuya mu mumana elo nokunwina. ³⁴ Uluntu abalikucema inkumba babwene ifyacitikile, balibutukile nokufumako elo nokuya kushimika pafyacitikile mu musumba elo na mumushi. ³⁵ Eico kanshi abantu baile kulya nokuya kubona ifyacitikile, elo baishile kuli Yesu elo nokusangana ulya muntu uo ingulu shafuminemo. Aikele pa makasa yakwa Yesu, alifwele elo namano yakwe ayatuntulu; elo baliketwe umwenso. ³⁶ Eluntu balya bantu ababweneko babebele ifyo ulya muntu uwali ne ngulu apolele. ³⁷ Eluntu abantu bonse aba mucitungu ica Gerasenes baipwishe Yesu ukufuma kuli bo, pantu baliswilemo no mwenso. Nao aninine mu bwange nabo babweleleko. ³⁸ No untu uo bafumishemo ngulu aileko nokumupapata pakuti enga musumunisha ukuya naye, nomba Yesu amutumine kumbi, elo nokumweba ati, ³⁹ ''Bwekelamo kwenu elo uye ulondolole ifintu fyonse ifyo Lesa akucitila.'' Ulya muntu alile pa lwakwe, nokulondolola mu musumba onse ifyo Yesu amucitile. ⁴⁰ Lelo uluntu Yesu abwelele, ibumba lyalimupokelele, pantu bali kumucetekela ukwisa. ⁴¹ Moneni, umuntu uweshina lya Jairo, uwali ni umo pa ntungulushi sha mu sinagogi, aishile elo nokuwila pa makasa yakwa Yesu, elo nokumupapata ukwisa ku ng'anda kwakwe ⁴² pantu umwana wakwe fye umo umwanakashi, uwali ukufika ku myaka ikumi limo na ibili, ali mupepi nokufwa. Ul Yesu acili mu nshila ukuya, nebumba lya bantu lyakusankana nokumushinguluka. ⁴³ Lelo no mwanakashi ali kulya uwaliswa umulopa pa myaka ikumu limo na ibili elo aliposele ne ndalama shakwe shonse, elo takwali nangu umo uwamuposeshe. ⁴⁴ Aishile ku numa yakwa Yesu elo nokwikata pa lutwe lwe laya lyakwe, elo apo pene no mulopa walilekele ukuswa. ⁴⁵ Yesu alandile ati, ''Bushe ninani uwanjikata?'' Eluntu bonse balikene, Petelo amwebele ati, ''Kanabesa, ibumba lya bantu bonse lilikushingulukile elo baleisa baleitunina kuli we.'' ⁴⁶ Nomba Yesu alandile ati, ''Umuntu umo alinjikete, pantu ndishibile ukuti amaka yambi yafumamo muli ne.'' ⁴⁷ nomba uluntu umwanakashi abwene ati tekuti abutuke ukwakubula ukwishibikwa, alishile alekanka elo nokwisa ku ponena pali ye. Pa menso yabantu bonse nokulondolola icalengele ukuti amwikate elo apolele palya pene. ⁴⁸ Eluntu Yesu alandile kuli ye ati, ''We mwana. icisumino cobe cakulenga ukuba bwino. Kabiye mu mutende.'' ⁴⁹ Ulo acili alelanda, umo alifumine ku ng'anda ya ntungulushi yamu sinagogi, nokulanda ati, ''Umwana obe afwa.'' Wikonkanyapo ukucusha kasambilisha.'' ⁵⁰ Nomba uluntu yesu aumfwile ifyo, ayasukile Jairo ati, ''Witutuma; webo sumina fye, elo kabili alepola.'' ⁵¹ Uluntu afikile ku ng'anda tasuminishe umuntu nangu umo ukwingila naye mu ng'anda, kano fye Petelo elo na Yoani elo na Yakobo, na wishi wa mwana elo na nyina. ⁵² Lelo bonse balikumulilila, nomba abebele ati, ''Mwilakulila; tatwile alele fye.'' ⁵³ Nomba balikuseka pantu balishibile ati alifwile. ⁵⁴ Nomba alimwikete pa kuboko elo nokupunda ati, ''We mwana, alamuka!'' ⁵⁵ Umupashi wakwe walibwekelemo, elo alyalamukile apo pene. Abebele nokuti bamufwailepo fimo ifyakuti alye. ⁵⁶ Abafyashi bakwe balipapile, nomba alibakonkomeshe ukuna ukwebako nangu umo pa fya citika.