1
Kumacaca pa bushiku bwakutampa umulungu,abanakashi balishile ku manda, baletele amafuta acena icabune ayo bateyenye.
2
Basangene icilibwe bali cikunkulwishepo pa nindi.
3
Baingile mukati, nomba tabasangenemo umubili wakwa Shikulu Yesu.
4
Icacitikile cakuti, ulo bacili bali fulungene pa cacitikile, apopene abaume babili baiminine mupepi nabo ninshi bali ne mikansu iyakubengeshima.
5
Awe abanakashi umwenso wabekata elo bakontamina panshi, elyo abume babeba ati, ''Cindo mulefwaila umumi mu bafwa?
6
Talimo muno, pantu alishikukile! Ibukisheni ifyo alikumyeba uluntu ali namwe mu Galilee,
7
alikulanda ati Umwana wa Muntu aali pelekwa mu minwe yaba masambi elo nokutanikwa, elo pa bushiku bwakulenga shitatu akashikuka nakabili.''
8
Abanakashi balibukisheamashiwi yakwe
9
elo babwelele ukufuma ku manda elo nokweba ifi fintu fyonse kuli balya ikumi na umo elo na bonse.
10
Nomba Maria Mandalena, Yoana, Maria nyina wakwa Yakobo, elo nabambipo abanakashi abo bali nabo baebele ifi fintu ku basambi.
11
Nomba ili lyashi lyamonele ilya cabecabe ku basambi, elo tabasumine nefya landile abankashi.
12
Lelo Petelo alifukukile elo noku butukila ku manda, elo, alikonteme elo nokulengela mukati, amwane insalu bamulaikilemo shili fye sheka. Petelo eluntu abwekelemo ku ng'anda kwakwe, aletontinkanya nindo yacitikile.
13
Moneni, babili aba muli bo bulya bwine bushiku balikuya ku mushi we shina lya Emmaus, apali intamfu amakumi mutanda ukufuma ku Yelusalemu.
14
Balikulanshanya pa fintu fyonse ifya citikile.
15
Ica citikile cakuti, ulo balikulanshanya elo nokuipusha, Yesu umwine fye absangana elo no kwendela pamo nabo.
16
Nomba amenso yabo yalikupilwe tabamwishibile iyo.
17
Yesu alandile kuli bo ati, ''Nindo mwebo babili mulelandapo ulo mule enda?'' Baliminine palya pene no bulanda.
18
Umo pali bo, ishina lyakwe ni Kleofa, amwasukile ati, ''Bushe ni webo fye weka muno mu Yelusalemu uuteshibile pa fintu ifyacitka mulya shin shine inshiku?''
19
Yesu alandile kulibo ati, ''Nga fintu ndo?'' Balimwasukile ati, ''Ifintu fya pali Yesu umwina Nasaleti, uwali ni kasesema, uwamaka icine cine elo alilanga napali Lesa elo napa menso ya bantu bonse,
20
elo ifyo abakulu ba kuba shi mapepo elo naba kateka bamuposele elo kumu pingwila ukufwa elo balimutanikile.
21
Nomba twalikusubila ati eumo uwali noku lubula Israeli. EE, elo nefya konkelepo, lelo e bushiku bwakulenga shitatu apo ifi fintu fya citikile.
22
Nomba nabo, bamo abanakashi aba mwibumba lyesu nabo balitupapwishe, ulo baciya ku manda ku macha.
23
Uluntu taba cisanganamo icitumbi cakwe, bacibwela, nokulanda ati bacimona ba malaika abo aba cibeba ukuti ali umulole.
24
Bamo abume aba mwibumba lyesu baciya ku manda, elo umo mwine abanakashi bacilandila. Nomba taba mumwene.''
25
Yesu alandile kuli bo ati, ''Mwe baume abongwa mwe elo abakulema imtima pa kusumina muli ba kasesema bonse ifyo balaanda!
26
Bushe tacali icabune Kristu ukucula muli fi ifintu, elo no kwingila mu bukata bwakwe?''
27
Eluntu ukutampila pali Mose elo ukushinta nakuli ba kasesema bonse, Yesu alilondolwele kuli bo pa fintu ifya pali ye mu malembo yonse.
28
Ulo bapalamine ku mushi uko bali kuya, Yesu acita kwati alepitilila ukuya ku ntanshi.
29
Nomba bali mupatikishe ati, ''Ikaleni na fwebo, pantu ubushiku bwalaila elo na akasuba kali mu kuwa.'' Kanshi Yesu alingile no kwikala nabo.
30
Ifya citikile fya kuti, uluntu aikele nabo pa kulya, abulile umukate, aupaala, elo ausunaula, no kubapela.
31
Eluntu nomba amenso yabo yaisukile, elo ba mwishibile, elo ali lubile ukufuma ku cinso cabo.
32
Balandile kuli cila umo ati, ''Bushe te mitima yesu ya cilpya muli fwebo, ulo acila twiswila ifya lembwa?''
33
Balimine apo pene noku bwelela ku Yelusaleemu. Basangene balya ikumi na umo elo nabali nabo,
34
nokulanda ati, ''Shikulu alibukile mu cine, elo ali monekele na kuli Simoni.''
35
Elo balondolwele ifintu fyonse ifya citikile ulo bacilaya, elo nefyo Yesu aciba monekela mukusunaula umukate.
36
Ulo bali kulanda ifi fintu,Yesu aiminine pakati kabo, elo nokubeba ati, ''Umutende ube na mwebo.''
37
Nomba bali tinine, elo baiswilemo umwenso, elo ati nalimo ba mona icibabanda.
38
Yesu alandile kuli bo ati, ''nindo mwasakamanina? Nindo amepusho yaisulila mu mitima yenu?
39
Moneni iminwe yandi elo na makasa, nokuti ati ninebo. Ngikateni elo mu mone. Pantu icibanda tacikwata umubili elo na mafupa, nge fyo mwamona nebo ndi kwete.''
40
Uluntu alandile if,i abalangile amapi yakwe elo nama makasa.
41
Nalo lwine tabasumine pa mulanda ne nsansa, elo bali papile. Yesu alandile kuli bo ati , ''Bushe tamukwetepo ifya kulya?''
42
Bamupele icipimfya ce sabi ilya kocewa,
43
elo abulie no kulya pa menso yabo.
44
Alandile kuli bo ati, ''Uluntu nali na mwebo, nali mwebele ati fyonse ifyalembwa mu mafunde yakwa Mose elo naba Kasesema elo namu Malumbo fifwile uku fikilisha.''
45
Eluntu aiswile amatontonkanyo yabo, no kuti bafwile ukumfwikisha amalembo.
46
Alandile kuli bo ati, ''Kanshi efyo calembwa, ukuti Klistu alingile ukucula elo nokubuka ku bafwa pa bushiku bwa kulenga shitatu.
47
Ukulapila elo no kubelelwa uluse filingile ukubilwa mwi shina lyakwe ku fyalo fyonse, ukutampila mu Yelusaleemu.
48
Nimwebo ba kambone ba ifi fintu fyonse.
49
Moneni, Ndemitumina ifyo Tata amilaile. Nomba ikaleni mu musumba panka mu kufwikwe amaka ukufuma ku mulu.''
50
Eluntu Yesu abatungulwile mpaka bafika na mupepi naku Betani. Aimishe amaboko yakwe elo no ku bapaala.
51
Ifyacitikile fya kuti, ulo acili alebapaala, alibashile aelo bamusenda na mu mulu.
52
Eico bali mupepele elo noku bwekelamo ku Yelusaleemu ne nsansa.
53
Balikusangwa ilingi mwi tempele, noku lumbanya Lesa.