¹ Yesu naye alandile ku basambi ati, ''Kwalipo umuntu umo umkankala uwakwete kangalilila, elo baishile ku mweba ukuti kangalila wakwe aleposaika ifyuma fyakwe. ² Eico ulya muntu umukankala alimukutile ele nokumweba ati, 'Bushe findo ifi nde umfwa pali we? Londolola pa mibombele yobe muli bukangalila, pantu webo tekuti utwalilile ukuba kangalilila.' ³ ''Kangalila ailabishe umwine ati, 'Bushe findo ifyo ningacita, apo kanabesa alempokolola incinto iyakubukangalila? Nebo ntakwata amaka ayakulima, elo ndeumfwa insoni ishakupapata. ⁴ Ndishibile ifyo nalacita, pakuti nga cakuti bamfunya pa ncito ya kubukangalila, abantu bakampokelela mu mayanda yabo.' ⁵ Eluntu kangalila akutile cila muntu uwakwte inkongole ishakwa kanabesa wakwe, elo nokwipusha uwatamiplepo ati, 'Bushe ni nkongole wakwatila kanabesa wandi? '' ⁶ Alandile ati, 'Mwanda umo uwamatepe ya mafuta.' ''Alandile kuli ye ati, 'Bula ipepala lya nkongole, ikala panshi usakauke, elo ulembe amakumi yasano. ⁷ ''Eluntu kangalila alandile naku mubiye ati, 'Bushe ni shinga inkongole wakwata?' ''Alandile ati, 'Umwanda umo uwa masaka yang'anu.' Alandile kuli ye ati, 'Bula ipela lyobe ilya nkongole, elo ulebe amakumi cine konsekonse.' ⁸ Kanabesa eluntu atashishe kangalila pantu abombele mu bucenjeshi. Pantu abana aba muli cino calo balicilapo ubucenjeshi mu kucita ifintu nabantu babo ukucila ifyab abana ba mulubuto. ⁹ Ndelanda kuli mwe ati, ipangileni mwebena abanenu mu fyuma ifya pano calo epakuti uluntu fikapwa, kuti bamipokelela mu mekashi umuyaya. ¹⁰ Uyo onse uwaba ne cishinka mutuntu utunono wacishinka namufingi, elo uyo uushakwata icishinka mutuntu utunono ninshi taba ne cishinka na mufingi. ¹¹ Nga cakuti tawakwata icishinka mu kubomfya ifyuma ifyakubula ubulungami, bushe nina uukakucetekela mu fyuma ifacishinka. ¹² Nga cakuti tawakwata icishinka mukubomfya ifipe fyabantu bambi, bushe ninani uukakupela indalama ishobe fye. ¹³ Takwaba umubomfi uwingabombela bakanabesa babili, pantu kuti apatapo umo elo nokutemwapo umo, nangu nga teifyo kuti aipeleshapo kuli umo elo nokulekelesha umbi. Tekuti ubombela Lesa elo ne fyuma.'' ¹⁴ Lelo aba Falise, abo abatemenwe indalama, balyumfwile ifi fyonse ifintu, elo bamutumfishe. ¹⁵ Alandile kuli bo ati, ''Mulaitunga ukuba abalungami pa menso ya bantu, nomba Lesa alishiba imitima yenu. Conse ico icaitutmuna mu menso ya bantu cena ca muselu ku menso yakwa Lesa. ¹⁶ Amafunde yakwa Mose elo naba kasesema eko fyali ukushinta nolo Yoani aishile. Ukufuma pali ilya nshita ukya naku ntashi, imbila nsuma iya bufumu bwakwa Lesa ilabilwa, elo nabinse balafwaya ukuipatikishako. ¹⁷ Nomba caliba ica kwanguka umulu elo ne calo ukupita ukucila pe toni ilya cilembo ico ica lembwa pankalata ya mafunde ukonaulwa. ¹⁸ Uyo onse uwalekana no mukashi wakwe elo nokupa umbi ninsh acita ubucende, elo noyo naye uwaupa uyo uo baleka ku mulume wakwe naye ninshi acita ubucende. ¹⁹ Lelo kwaliko umukankala umo ifi uwalikufwala insalu ishakolokondwe elo ishakuyemba elo alikupakisha cila bushiku mu fyuma fyakwe. ²⁰ Kalombalomba umo uwalikukutwa Lazalo balimulalikle pa mpongolo yakwe, alikwete ifibenga umubili onse, ²¹ elo alikupempembela iyalikupona kwi tebulo ilya mukankala. Ififine ne mbwa shalikwisa mukumumyanga pa fibenga. ²² Calishile kufika ulo kalombalomba afwile elo baishile ku mupita kuli ba malaika elo noku mubika pa mbali yakwa Abramu. Umuntu ulya umukankala naye alifwile elo balimushikile, ²³ elo ku mbo, alikucula, alinamwine amenso elo abwene Abramu akatamukila elo na Lazalo pambali yakwe. ²⁴ Elo alilile nokubilikisha elo nokulanda ati, 'Tat Abramu, ngufwlako uluse elo utme Lazalo, pakuti atubike umunwe wakwe mu menshi elo nokutalalikako ululimi lwandi, pantu nebo ndiculile nganshi muno mulubingu lwa mulilo. ²⁵ ''Nomba Abaramu alandile kuli ye ati, 'We mwana, ibukisha ukuti ulo wali no mweo walipokelele ifintu fyobe ifyabune, elo Lazalo mu musango umo wine alipokelele ifintu ifyabubi. Nomba lelo alesansamuka kuno, elo nobe uli mukucula. ²⁶ Kanshi teico ceka, umupaka uukulu walibikwa pakati, pakuti abo bonse abalefwaya ukucilukila uko ukufuma kuno nokwisa kuli we tekuti, elo takuli nangu umo uwingesa ukufuma uko nokwisa kuli fwe.' ²⁷ Umuntu umukankala alandile ati, ''Ndemipapata, Tata Abramu, ukuti mwingatuma ku ng'anda yakwa Tata-- ²⁸ pantu ndikwete ba ndume bandi basano--pakuti engaya kuba cenjeshako, pakuti nabo bekesa kuba kuli cino icifulo icabucushi.' ²⁹ ''Nomba Abramu alandile ati, 'Balikwete Mose elo naba kasesema; nabalekumfwa fye kuli bo.' ³⁰ Umuntu umukankala alyasukile ati, 'Awe, Mwe Tata Abramu, nomba nga cakuti umo kuti aya ukufuma kubakufwa, kuti balapila. ³¹ ''Nomba Abaramu alandile kuli ye ati, 'Nga cakuti teti bomfwe kuli Mose elo nakuli ba kasesema, tekuti banake nangu fye umo abuka kubakufwa.''