¹ Panshita iyo, uluntu amakana ya bantu abengi balongene pamo icakuti balikuinyantaula, atampilepo ukweba abasambi bakwe ati, ''Mulekucengela nakatutumushi kaba Falise, ico ebu bumbi munda. ² Nomba takwaba icintu nangu cimo ico icitakafisamuke, elo takwaba nangu cimo icafisama icitakeshibwe. ³ Eico kanshi ico conse ico mukalandila mu mfinshi cikesa pa bwelu, elo nafyonse ifyo walandila mukati ka kutwi mukati ka ndelu fikomfwika pa mutenge wa mayanda. ⁴ Nebo ndelanda kuli mwe nati, mwe banandi, mwilakutina abo abepaya umubili, elo panuma ya ifyo tapali nafimbi ifyo benga cita. ⁵ Nomba Ndemicenjesha pao mwingatina. Mulekutina uyo, panuma aipaya, alikwata na maka ayakuposa webo ku mbo. Ee, Ndeyeba nati, mulekumutina. ⁶ Bushe inseba shisano taba shishitisha fye pa tu ndalama tubili utunono? Lelo tapaba nangu lumo uluseba ulwalabwa pa meso yakwa Lesa. ⁷ Nomba no mishishi ya mumutwe wenu yalipendwa. Mwilakutina. Mwalichindamishapo ukucila pa nseba. ⁸ Nalanda kuli mwe nati, uyo onse uulanda ifyabune pali nebo ku bantu, no Mwana wa Muntu naye akamulumbula pali ba malaika bakwa Lesa, ⁹ nomba uyo onse uunkana pa menso yabantu naye akakanwa pa menso yaku bamalaika bakwa Lesa. ¹⁰ Onse uwalanda ishiwi ilyabubi pa Mwana wa Muntu, akabelelwa uluse, nomba onse uwatuka Umupashi wa Mushilo, takabelelwe uluse. ¹¹ Uluntu bakamileta muma synagogue mukulubulula, kuli bakateka, elo naba buteko, mwilakusakamana nokuti ninani uulemilandilako noku mipokplola, ¹² pantu Umupashi wa Mushilo uli noku misambilisha pa nshita ilya ine ifyo muli nokulanda.'' ¹³ Eluntu umuntu umo umo ukufuma mu cintu bwingi alandile kuli ye ati, ''Kasambilisha, ebako wesu angakanyeko ifyuma fyandi.'' ¹⁴ Yesu alandile kuli ye ati, '' We mwaume, bushe ninani ambikile kapingula nangu kabanya pakati kobe na wenu?'' ¹⁵ Alandile kuli bo ati, ''Mulekucenjela pakuti mwaisunga nokutaluka ku mibele yabukaitemwe, pantu umweo wa muntu tababa mukukwatisha ifyuma.'' ¹⁶ Eluntu Yesu abebele ipinda, nokulanda ati, ''Mwibala lya muntu umo umukankala mwali ifilyo ifingi, ¹⁷ elo atontokanya, nokulanda ati, 'Bushe findo nalacita, pantu ntakwete incende apakubika ifisabo?' ¹⁸ Alandile ati, 'Ifi efyo nalacita. Nalatobolola amatala yandi elo nokukula ayakulu, elo umo emo nkabika ifilimwa fyandi elo ne fipe fimbi. ¹⁹ Nkalabisha umutima wandi ati, ''We mutima, ulikwete ifipe ifingi ifyo usungile ukufika pa myaka iingi. Ulekwikala fye, nokulya, nokukunwa, ulekusekelela.''' ²⁰ Nomba Lesa alandile kuli ye ati, 'We mupuka wa muntu we, lelo line ubushiku umweo obe ulepokwa, elo ne fi fintu wasunga, busha fikaba fyakwa nani? ²¹ Efyo cili naku muntu uuleisungila umwine ifyuma elo ninnshi te mu kankala kuli Lesa.'' ²² Yesu alandie ku basambi bake ati, ''Eico kanshi Nalanda kuli mwe ukuti, mwilakusakamana palwa mikalile yenu, ifyo mulelya; nangu palwa mibili yenu, ifyo mulefwala. ²³ Pantu umweo walicila ifilyo, elo no mubili walicila pa fifwalo. ²⁴ Mulekubona ba mwankole, ukuti bena tabyala nangu ukusombola. Tabakwata umwakusungila nangu ubutala, nomba Lesa alabalisha. Ala mwebo mwalicindama ukucila p afyoni! ²⁵ Bushe ninani pali mwe nangu wingasakamikwa uwingasakamana ukuilundilako inshiku sha mweo wakwe? ²⁶ Nga cakutila webo kuti wafilwa ukubomba akantu akakucepa ifi, bushe nindo usakamanina pa fyshala? ²⁷ Boneni amaluba--ifintu yakula. Tayabomba nangu ukupikula. Lelo Ndelanda kuli mwe nati, nangu fye ni Solomoni mululumbi lwakwe lonse tatalile ukufwala ukubati ni aya amaluba. ²⁸ Nga Lesa kuti afwika ifyani fya mumabala, ifyo ifyabapo lelo, elo mailo fyaposwa mu mulilo, findo ifingacila paku fwika mwe, Alale mwe bacisumino icinono! ²⁹ Mwilakufwaya ati nindo mulelya nangu nindo mulenwa, elo mwilakusakamana. ³⁰ Pantu ifyalo fyonse ifya pano pa calo fila fwaya ifi fintu, elo na Wishinwe alishiba ukuti mulafifwaya. ³¹ Nomba mulekufwaya ubufumu bwakwe ubwamu mulu, elo ifi fyonse ifintu bakamilundilapo. ³² Mwilakutina, mwe mukuni uunono, pantu Shinwe alitemenwe nganshi ukupela mwe ubu ubufumu. ³³ Ushitishe ifyuma fyobe fyonse elo elo nokufipa ku balanda. Mulekuipangila ifikwama ifyo ifitangatibuka--mulekusungisha mu mulu umo tacipwa, umo umo pompwe tangesa mupepi, elo nefipempele tekuti fyonaule. ³⁴ Pantu uko usungila icipao, uko kwine eko no mutima obe ukaba. ³⁵ ''Mulekufwalila, elo nefisaniko filekwaka, ³⁶ elo muekua ukubati ni balya abantu alefwaya kanabesa wabo uluntu abwela musefya ubwinga, epakuti uluntu waisa elo nokukonkosha, kuti bwangu bwangu ba mwiswilako icibi. ^{37 38} Bakushuka abo ababomfi abo kanabesa wabo akasangana balelola uluntu akesa. Icine fye ndelanda kulimwe nati, akafwalila elo akabateka kwi tebulo, elo akesa elo noku batangata. Nga cakuti kanabesa akabwela pakati ka bushiku, nangu pamacha, elo nokubasanga abaiteyanya, awe ninshi balipalwa abo ababomfi. ³⁹ Nomba umfwikisheni ici, icakuti nga cakuti umwine wa ng'anda alishibile inshita pompwe aleishilapo, nga tekuti aleke ing'anda yakwe ukuitoba. ⁴⁰ Mulekuba abauiteyanya namwe, pantu tamwishibile inshita uluntu Umwana wa Muntu aleisa.'' ⁴¹ Petelo alandile ati, ''Shikulu, bushe mulenda fye ili pinda kuli fwe fwenka, nangu nakuli bonse?'' ⁴² Shikulu alandile ati, bushe kanshi ninani kangalila wa cishinka uo shikulu wakwe akabika pababomfi banankwe nkubapa icipimo ca filyo pa nshita iyakulinga? ⁴³ Wakupalwa ni uyo umubomfi uo shikulu wakwe akasangana alecita ifyo uluntu akesa. ⁴⁴ Icine fye Ndelanda kuli mwe ukuti akamubika nokulolekesha pa fipe fyakwe fyonse. ⁴⁵ Nomba nga cakuti umubomfi ulya alanda mu mutima wakwe ati, 'Shikulu awayawaya ukubwela,' elo atampa nokupuma aba bomfi abaume elo nabanakashi elo nokulya elo nouknwa elo nokukolwa, ⁴⁶ shikulu waulya umubomfi akasa mu kasuba uluntu takenekele elo na mu nshita iyakuti teshibile elo akamuputaula mu tupinfya elo nokumusalila incende pamo nabatasumina. ⁴⁷ Ulya mubomfi, uwaishibile ukukabila kwakwa wishikulu elo akana ukuiteyanya nangu tacitile ukukonka nokukabila kwakwe, akapumaulwa impumo ishingi. ⁴⁸ Nomba uyo uutaishibile elo nokucita ifyakuwaminwa ukupumwa, ye akapumwa ne mpumo ishinono. Nomba abo bonse abo bapela ifingi, kuli bo kuka fwaikwa ifingi, elo naye uo papele ifingi pakumuceteketela, fingi fikepushiwa ukufuma kuli ye. ⁴⁹ ''Naishile mukuposa umulilo pno pa calo, elo nga caliwama autampako ukupya akale. ⁵⁰ Nomba Ndikwete ulubatisho lwakubatishiwamo, elo Ndi pamfiwe ukuti mpaka cipwile limo! ⁵¹ Bushe muletontonkanya ukuti naisa mukuleta umutende muno mu calo? Awe, Ndemyeba, naisa mukuleta ukulekana. ⁵² Pantu ukutampa luno ukya nakutanshi kukaba abantu basano mu ng'anda imo abakulekana--batatu abantu bakapatana naba wabo babili, elo abantu babili bakapatana nabawabo batatu. ⁵³ Bakalekana, wishi bakapatana no mwana elo umwan na wishi, nyina bakapatana no mwana umwanakashi elo umwana naye na nyina, umupongoshi umwanakshi bakapatana no mupokongoshi wakwe umwanakshi elo umupongoshi naye no mupongoshi umwanakashi.'' ⁵⁴ Yesu alikulanda ku mabumba nakabili ati, ''Uluntu mubona ikumbi lyafuma kumasamba, apo pene mulalanda ati, 'Imfula yalaisa,' nokucitika fyacitika. ⁵⁵ Uluntu umwela waku masamba ulepupa, mulanda ukuti, 'Kwala ukukaba ukwacipesha mano,' nokucitika cacitika. ⁵⁶ Mweba bumbi munda mwe, mwebo mwalishiba ukupilibula imimonekele ya calo elo nemyulu, nomba cindo calenga ukuti mwilekufilwa ukupilibula ino nshita? ⁵⁷ Bushe cindo mutapingwila icintu icabune mwe bene? ⁵⁸ Pantu uluntu muleya no mulwani obe kuli kapingula, ulo muleya munshila esha namaka ukumfwana naye pakutila takutwele kuli kuli kapingula, elo pakuti kapingula naye takutwele kuli kapokola, elo kapokola naye nakutwele mu cifungo. ⁵⁹ Ndelanda kuli mwe nati, tawakatele ukufuma mulya mpaka fye ukapwishe ukulipila naka ndalama kakulekelesha.''