¹ Calicitikile ubushiku bumo ulo Yesu alikupepa mu ncende omio. Uluntu apwile, umo pa basambi alandile kuli ye ati, Shikulu tusambilisheni ukupepa ngs filya Yoani asambilishe abasambi bakwe.'' ² Yesu alndile kuli bo ati, 'Uluntu mulepepa mulekulanda ati, 'Tata ishina lyenu lilekucindikwa nga ily mushilo. Ubufumu bwenu bwise. ³ Mutupele icakulya cesu ica cila bushiku. ⁴ Mulekutubelela uluse ku masmbi yesu, nga filya fine tubelela uluse balya abatulufyanya. Mwitutwala mu matunko.'' ⁵ Yesu alandile kuli bo ati, '' Bushe pali mwebo ninani uwingakwata umunakwe, elo nokuya kuli pakati kabushiku, elo kulanda kuli ati, 'We munandi, ngashimako imikate itatu, ⁶ pantu umunandi apa pene afika ukufuma pa lwendo, elo nshikwete ifyakumu ifyakumupekanishisha'? ⁷ Eluntu uuli mukati uwingamwasuka noku mweba ati, 'Wilakuncupa. Icbi ciliselwe akale, elo nabana bandi pamo, tuli mubusanshi. Nebo nshaalamuke elo noku kupela umukate.' ⁸ Nebo nde myeba nati, nangu nga cakuti talamukile elo nokukupela umukate pantu fye uli munakwe, nomba pa mulandu wamupatikisha obe uwakubulamo insoni, akalamuka elo nokukpela imkate iyingi ulingan nefyo ule fwaya. ⁹ Nandibo ndelanda kuli mwebo ati, ipusheni, elo cikapelwa kuli mwebo; fwayeni elo mukasangana; konkosheni elo mukeswilwa. ¹⁰ Pantu umuntu onse uwipusha alapokelela; elo umuntu uufwaya alasangana; elo no muntu uukonkonsha, baka mwiswila. ¹¹ Nani wishi palimwebo, nga umwana wenu alomba isabi, uwingamupela insoka mucifulo icakumupela isabi? ¹² Nangu cakuti alomba ilini, uwingamupela kaling'ongo. ¹³ Eico, nga mwebo mwebabi mwalishiba ukupela ifyabupe ifyabune kubana benu, nga wishinwe uwa mumu lu taka cishepo apakulu kukupa umupashi wamushilo kuba mulomba?'' ¹⁴ Nomba yesu alikufumya icibanda cabucibulu. uluntu iciwa cafumine, umuntu uwali cibulu alilandile, nebumba lyalisungukile. ¹⁵ Nomba abantu balandile ati, Ni zeelsebuli, kateka wa fiwa, emo akufumishe ifibanda.'' ¹⁶ Bambi balemwesha no kufwaya icishibilo ca mumulu. ¹⁷ Nomba yesu alishibile amatotonkanyo yabo,, elo alandile kulibo ati, ubufumu bonse ubwalekanika ubwine kuti bwapomonya, elo ne ng'anda iyakulepukamo pakati ilawa. ¹⁸ Nga satana alekanika umwine ek,ngo bufumu bwakwe kuti bwaiminina shani? Apo mwalanda ati mfumu sha ifiwa muli zeelsebuli. ¹⁹ Nga mfumishe fiwa muli zeelsebuli, nimuli nani abakukonka bafumisha? Pamulandu wa ifi, bakaba abakumipingula. ²⁰ Nomba nga mfumya fiwa ku munwe wakwalesa, elo ubufumu bwa kwa lesa buleisa pali mwe. ²¹ Uluntu umuntu uwamaka uuipangeshe alonda ing'anda yakwe, ninshi ifipe fyape filicingililwe, ²² nomba umuntu uwakucilapo amaka nga amucimfya, uyo umuntu uukwatishe amaka alipitile ifyanso fyakwe ifyo ulya acetekelemo elo nokumupitila ifipe fyakwe. ²³ Uyo uutaba nandi ninshi taba nandi, elo uutalongana nandi alasalangana. ²⁴ Uluntu umupashi wakukowela wafuma muntu, ulapita muncende umutaba amenshi elo nokufwaya ukwakutushisha. Nga tausangene nangu pamo, ula ilabisha auti, 'Nalabwelelamo fye ku ng'anda uko nafumine.' ²⁵ Panuma yakubwelelamo, wasangana ing'anda taisolelwe elo na nokwanshikwa bwino. ²⁶ Eluntu yabwelelamo elo nokuya kupita naimbi imipashi cine lubali iyakucilapo ukubipa elo elo yaisa yonse mu kwikala muli ye. Elo namu kulekelesha imibele ya uyo muntu yaisakubipisha ukucila napakutampa.'' ²⁷ Cacitikile ukuti, ulo alandile ifi fintu, umwanakashi umo alisanswile ishiwi ukucila pe bumba elo nokulanda kuli Yesu ati, ''Lyashuka ilyo ifumo ilyakwimitile elo na mabele ayo aykonseshe.'' ²⁸ Nomba alandile ati, ''Palibufi, abapalwa niabo abomfwa ishiwi lyakwa Lesa elo nokulisunga.'' ²⁹ Ulo amabumba yalikufulilako, Yesu atampile ukulanda ati, ''Ino ninkulo ya bubi. Ilefwaya icakumwenako, nanguline tayakamone icishibilo kano fye icakwa Yonah. ³⁰ Pantu nga filya fine Yonah aishile kuba icilangililo kubena Niniveh, efyo no Mwana wa Muntu akesa kuba icilangililo ku nkulo ino. ³¹ Na Mfumu waku kapinda ka kukuso akesa kwima pa bupingulo pamo nabantu bankulo ino elo nokubapela umulandu, panu aishile ukufuma ku mpela ya calo ku kumfwa amano yakwa Solomoni, elo moneni, uyo uwa kucila pali Solomoni ali pano. ³² Abantu baku Niniveh bakeminina pa bupingishi pamo na bantu ab ino nkulo elo bakaipela imilandu, pantu bena balilapile ku kubila ukwa kwa Yonah, elo moneni, uwakucila pali Yonah ali pano. ³³ Takuli nangu umo, panuma ulo asonteka icisaniko, acibika mu ncende iyakufisama nangu mu museke, nomba alingile ukubika pa cakubikapo, epakuti abo abaleingila balemona ulubuto. ³⁴ Ilinso lyobe ecisaniko mubili obe. Amenso yobe nga yatuntulu, ninshi nomubili obe onse uli mu lubuto. Nomba amenso yobe nga cakuti ya lwele, ninshi umubili obe onse uli mu mfinshi. ³⁵ Eico kanshi, mulekucenjela pakuti ulubuto ululi muli mwe lwiba imfinshi. ³⁶ Nga uluntu umubili wenu onse waisulamo ulubuto, ukwakubulapo nangu pamo apakubula imfinshi, eluntu umubiliobe obe onse ukaba ukubati uluntu icisaniko casasha ulubuto lwaciko pali webo.'' ³⁷ Uluntu apwile ukulanda, umu Falise alipwishe Yesu ukuya kulya naye ku ng'anda kwakwe, kanshi Yesu alile elo nokwikala mu kulya. ³⁸ Umu Falise alipapukile pa kumona ukuti Yesu tasambile pakutampa ulo talati ukulya. ³⁹ Nomba Shikulu alandile kuli ye ati, ''Lelo ukubako, mwebo mwebo mweba Falise musamfya kunse yankombo elo ne nsani, nomba mukati mena mwalisula ubupondo elo no bufi. ⁴⁰ Mwe bantu bakutumpa mwe! Bushe uyo uwapangile tal ewapangale na mukati? ⁴¹ Peleni kubalanda ifyo ifyaba mukati, elo eluntu ifintu fyonse fikaba ifya bune kuli mwebo. ⁴² ''Nomba alale ubulanda kuli mwebo mweba Falise, pantu mutula cimo pe kumi lyonse elo no musalu uwa mufilime fyonse, nomba ulakana umulinganya elo ne citemwiko cakwa Lesa. Mulingile ukulekucita ifi elo nokutemwa Lesa, ukwabula ukufilwa ukucita ne fintu fimbi nafyo fine. ⁴³ Alale webulanda kuli mwebo aba Falise, pantu mwebo mwatemwa ifipuna fyakuntanshi muma sinagogi elo elo nokumicindika paku miposha mu mishika. ⁴⁴ Alale we bulanda, pantu mwaba nge nshishi ishitamoneka ishakuti abantu balendapo ukwakubula ukwishiba.'' ⁴⁵ Naumo uwaishibishe amafunde alandile kuli ye ati, ''Kasambilisha, mukulanda ifyo nafwebo bene watutuka.'' ⁴⁶ Yesu alandile ati, ''Alale we bulanda kuli mwebo, ba kasmbilisha wa mafunde! Pantu mubika abantu mu fisendo ifyo iflema ukupita, nomba mwebo ifisendo tamufikatako nangu munwe nangu umo. ⁴⁷ Alale webulanda kuli mwebo, pantu mukula inshishi shakuba kasesema, elo ninshi niba shinwe eba bepeye. ⁴⁸ Eico muli bakambone elo nokusuminisha imilimo imilimo yakuba shinwe, pantu necine ebabepeye elo mwabakulila ne nshishi. ⁴⁹ Pantu pali uyu umulandu nakabili, Lesa namano yakwe alanda ati, ''Nkatuma kuli bo bakasesema elo nabasole, elo bakabapela imilandu elo nokwipayapo bamo pali bo.' ⁵⁰ Ino inkulo, eluntu, ikalimunwe pa mulopa wakuba kasesema uwasumine ukutampila apo icalo catampile, ⁵¹ ukutampila pa mulopa wakwa Abeli ukushinta napa mulopa wakwa Zecharia, uyo uo baipaile pakati kacipailo elo ne ng'anda yakwa Lesa. Ee ndelanda kuli mwebo nati, ino nkulo ikapelelwapo umulandu. ⁵² Alale we bulanda kuli mwebo mwebaishibisha amafunde, pantu mwalipiita imfungulo yakwishiba; tekuti mwingilemo mwebene, elo mwalicilinganya nabo abaleingila.'' ⁵³ Panuma Yesu afumine kulya, bakalemba elo naba Falise balitampile ukumutalikisha elo nokumutalikisha pa fintu ifingi, no ⁵⁴ kwesha balikumufwailikisha apakuti bengamwikatilapo mu milandile yakwekwakwe.