1
Lelo panuma ya ifi fintu, Yesu alisontele amakumi cine lubali nabambi, elo elo nokubatuma babili babili pa ntanshi yakwe kuli cila musumba elo ne ncende uko ye umwine ali nokuya.
2
Alandile kuli bo ati, ''Ubusomboshi bulifulile, nomba abakubomba balicepele. Eico kanshi mwipushe Shikulu wabusomboshi ukutuma abakubomba mubusomboshi.
3
Kabuyeni palwenu. Boneni, namituma ukabati ni mpanga pakati ka mimbulu.
4
Mwipita icola ca ndalama, nagu icola capa lwendo, nangu indyato, elo mwiposha nangu umo mu musebo.
5
Yonse ing'anda iyo mwaingilamo, pakutampa mulekulanda ati, 'Leketi umutende ube nenu!'
6
Nga cakuti umuntu uwamutende ali apo, umutende wenu wenu ukaba pali ye, nomba nga cakuti tapali iyo, ukamibwelelela.
7
Mwikale mu ng'anda umo mwine, ukulya elo nokunwa ifintu ifyo bamipekaninisha ku ntanshi yenu, pantu umubonga alilinga amalipilo yakwe. Mwilakwendauka in'anda ne ng'anda.
8
Onse umusumba uo mwaingilamo, elo nokumipokelela, mulekulya ifyo bamipekaninisha
9
elo mulekuposha nabalwele abali uko. Mulekulanda kuli bao ati, 'Ubufumu bwakwa Lesa mulishile mupepi nenu.'
10
Monse mu musumba umo mwaingila elo tabamipokelele, akuyeni mutumisebo elo nokulanda ati,
11
'Kabili nolukungu ulwa mumusumba wenu ulo ululambatile kumaksa yesu twamikuntila! Nomba mwishibe ici: Ubufumu bwakwa Lesa bulishile mupepi.'
12
Ndelanda kuli mwe ukuti pa bushiku ubwabupingishi Lesa akakanda ulya musumba ukucila pali Sodoma.
13
Alale ubulande kuli we, Kolasini! Alale we bulanda kuli we, Betisaida! Nga cakutila ati imilimo iikukulu iyacilwe muli we nga yabombelwe muli Tyre elo na Sidoni, nga balilapila akale nokupilibuka mukufwala insalu sha bulanda elo nokuisuba imitoi.
14
Nomba pa bushiku bwa bupingushi ubupingulo bukashalilapo pali Tyre elo na Sidoni ukucila pali we.
15
Webo, Kapenamu, bushe webo utontonkanya ukuti ukasumbulwapo ukufika ku mulu. Awe iyo, ukatentemwinwa panshi ku mbo.
16
Uyo uumfwa kuli mwe alamfwa nakuli ne, elo noyo onse uwamikana akana nebo, elo nowakana nebo akana uyo uwantumine.''
17
Aba makumi cine lubali balibwelele ne nsansa, nokulanda ati, ''Shikulu, nasho ingulu shalikutunakila mwishinalyenu.''
18
Yesu alandile kuli bo ati, ''Nalitambile uko Satana aponene ku mulu ukubati ni nkuba.
19
Boneni, Namipela amaka ayakunyanta pa nsoka elo naba kaling'ongo, elo napamaka yonse ay mulwani, elo tapabe icintu nangu cimo mu nshila iili yonse icikamicena.
20
Nangu cingaba ifyo mwisekelela pali ifi fine fye, ifyakuti ne ngulu shalikumyunfwila, nomba musansamukishe pakuti na mashina yenu yalilembelwe mu mulu.''
21
Napali ilya ine inshita imo ine Yesu alisansamukile mu maka mu Mupashi a Mushilo, elo alandile ati, ''Ndmilumbanya, Tata, Shikulu wa mu mulu elo ne calo, pantu ifintu walififisa ku bamano elo nokumfwa elo wafisokolwela kuli abo abashasambilila, ukubati bana abanono. Ee, Tata, pantu ico cali icakusekesha mu kumona kwenu.
22
''Ifintu fyonse fyalipelwa kuli Ne ukufuma kuli Tata, elo takwaba nangu uwaishiba Umwana kano fye Wishi elo takwaba nangu umo uwaishiba Wishi kano fye Umwana elo nakuli abo Umwana asala ukubasokolwela.''
23
Eluntu apilbukile ku basambi uko bali beka nokubeba ukuti, ''Balishuka ni abo bantu ababona ifyo mwe mubona.
24
Ndelanda kuli mwe nati, abengi bakasesema elo ne mfumu balikukabila ukubona ifintu ifyo mwe mulebona, elo tabafibwene, elo nokufwaya ukumfwa ifinfu ifyo mwe mule umfwa, elo tabafyumfwile.''
25
Boneni, kasmblisha wa mafunde umo aiminine pakuti enga mwesha, nokulanda ati, ''Kasambilisha, bushe ifyo ningacita findo pakubona umweo wamuyayaya?''
26
Yesu alandile kuli ye ati, ''Bushe findo fyalembwa mu mafunde? Findo ifyo ubelengamo?''
27
Amupele ubwasuko elo nokulanda ati, ''Uli nokutemwa Shikulu Lesa obe no mutima obe onse, no mweo obe onse, na maka yobe yonse, elo na mano yobe yonse, elo no mwinamupalamano ukubati niwe mwine.''
28
Yesu alandile kuli ye ati, ''Wayasuka fye bwino. Ulekucita ifi, elo ukaba no mweo.''
29
Nomba ye kasambilisha, pakufwaya ukuiwaminisha, alandile kuli Yesu ati, ''Bushe umwina mupalamano wandi ninani?''
30
Yesu amwasukile elo nokulanda ati, ''Umuntu umo alikufuma Yelusaleemu ukuya ku Yeliko. alikumenye bapompwe, abo abamupokolwele ifipe fyonse, elo noku mupuma, elo nokumusha alifwilepo nakafwa kanono.
31
Cali fye nkuma shimapepo umo alikuya mu nshila imo ine, elo uluntu amubwene, apilitile ku bushilya bumbi nokumusha.
32
Cimo cine umwina Levi naye, uluntu afikile pa ncende ilya elo nokumubona, apitile fye naye wine ku mbali.
33
Nomba umwina Samaria umo, ulo ali palwendo, afikile apo ali. Uluntu amubwene, aliketwe ubulanda. Alimupalamine elo nokumukuakila ifibenga, aitilapo amafuta elo no mwangashi.
34
Alimubikile napanama yakwe, elo amutwala naku ng'anda ya malalo, elo nokumutangata.
35
Ubushiku ubwakonkelepo afunishe ba denarii babili, elo elo nokupela umwine wa ng'anda, elo nokulanda, 'Umusunge, elo indalama isho ukabomfya, uluntu nkabwela, nkesa kukubwesesha.'
36
Bushe pali aba bantu batatu uo muletontonkanya ukuba umwina mupalamano wa ulya basanshile kuli bapompwe?''
37
Ayasukuile ukuti, ''Ni ulya uwa mulangile uluse.'' Yesu alandile kuli e ati, ''Kabuye elo nokucita cimo cine.''
38
Lelo ulo bali mu bulendo, alingile mu mushi umo ifi, elo no mwanakashi umo uweshina lya Malita alimupokelele mu ng'anda yakwe.
39
Alikwete nkashi yakwe ueshina lya Maria, uyo uwaikele pa makasa yakwa Shikulu Yesu elo noku amashiwi yakwe.
40
Nomba Malita ye alikupitana fye pakupekanya ifilyo. Aishile kuli Yesu elo nokumweba ati, ''Shikulu, bushe mwe tamusakamene ukuti nkashi yandi andekele fye neka ukulekupekanya? Eico kanshi mwebeni ese angafweko.''
41
Nomba Shikulu Yesu amwasukile elo nokumweba ati, ''Malita, Malita, ulepitana elo nokusakamikwa ne fintu ifingi,
42
nomba kuli fye icintu cimo ico icilefwaikwa. Maria alisalilepo icabune nganshi, ico icitakapokwe ukufuma kuli ye.''