¹ Abengi na babomba umulimo wa kubika pamo ifyacitika pakati kesu, ² nga fintu fyapelwa kuli fwebo kuli abo abali abantanshi ku bunte elo kabili ababomfi aba cebo. ³ Eico cili bwino nakuli nebo , pantu nalifwailishe fyonse fye ukutula pa kutendka ,nalalemba kulingana nefyo fya tantikwa ,we Teofili umucindami, ⁴ pakuti wishibe no kushininkisha ukuti ifyo wafundilwe fya cinshinka. ⁵ Munshiku sha kwa Herodi imfumu a Yudea kwaliko shimapepo umo uwalikwitwa Sakaria uwamuciputwaca ca kwa Abiya; ali no mukashi wakwe uwa lupwa lwakwa Aaromi. ⁶ Bonse babili bali abalunami ku cinso ca kwa Lesa elo na mumafunde ya kwa Shikul. ⁷ Lelo tabakwetepo umwana pantu Elisabeti wali ing'umba,elo bonse babili bali ne nshiku ishingi. ⁸ Nomba ulo cafikile uluntu Sakaria wali mu ceni ca kwa Lesa, walikubomba umulimo wa bushimapepo ukukonka ne ciputulwa ca kwe . ⁹ Ukukonka no lutambi ulo balikusalilamo ukubona nani walabomba ,eico walisalilwe ukupitila mu ku pendula ukuti wingengila mwitempele lya kwa Shikulu mukufutumuna ububani . ¹⁰ Cinkupiti wa bantu ali panse wali kupepa panshita wali kufutumuna ububani. ¹¹ Nomba malaika wa kwa Shikulu wa moneke kuli yee no kwimanina lubali ku kulyo kwa bulambo bwa kufutumwinapo. ¹² Ulo Sakaria wa mumwene ,walitinine elo no mwenso walyumfwile. ¹³ Lelo malaika walandile kuli yee , ''witina , Sakaria , pantu ipepo lyobe lilyumfwikile , umukashi obe Elisabeti ali no kukufyalila umwana umwaume .Ukesa ku mwinika ne shina lya Yoani. ¹⁴ Ukasekelela no kusansamuka ,elo na bengi ba kasekelela pa kufyalwa kwa kwe. ¹⁵ Pantu ena akaba uukalamba pa cinso ca kwa Shikulu.Takalekunwa mwangashi nagula ica kunwa icikola , elo kabili akesuswiwamo na Mupashi wa Mushilo ulo acili munda ya kwa nyina. ¹⁶ Abengi aba mubena Israele akabapilibwila kuli Shikulu Lesa wabo. ¹⁷ Akatangilila Shikulu mu mupashi na maka aya kwa Eliya , kukupilibula imitima ya shibo ku bana elo nabacintomfwa ku kuba na mano aya bulngami-kukubapekanya kuli shikulu nga abantu abaipekanya kuli yee.'' ¹⁸ Sakaria walandile kuli malaika ati, '' Bushe nalaishiba shani pali ici? Pantu nd mwaume uukotele elo no mukashi wandi nao inshiku shilifulile.'' ¹⁹ Malaika wamwaswike no kulanda kui yee ati, ''Ninebo Gabriele, uwiminina pa cinso ca kwa Lesa .Bantumine ku kulanda naiwe , ukukletela ili ishiwi ilisuma. ²⁰ Mona! walaba cibulu,tawakulalanda, mpakafye ubushiku ulo ifi fintu fikacitika. Neci ni pamlandu wa kukana cetekela amashiwi yandi,ayo ayafishinka panshita iyalinga.'' ²¹ Nomba abantu bana balikulolefye Sakaria.Bali abasunguka pafyo wa sendele inshita iitali mwitempele. ²² Lelo ilyo wafumine panse, talikulanda nabo. Baishibe ukuti alimwene icimonwa ulo waciba mwi tempele. Watwalilila ukubacebula elo watwalilila no kuba cebulu. ²³ Ilyo inshiku shakwe ishakubombela mwi tempele shapwile, waile ku ng'anda ku mwakwe. ²⁴ Panoma ya inshiku ishi, umukushi wakwe Elizabeti walimitile elo pa myeshi isano waleka no kumoneka. Alalanda ati, ' ²⁵ ''Ifi efyo shikulu wancitila ulo anangulukila pakuti afumye ukusekwa ku bantu pali ine.'' ²⁶ Mu mwenshi ulenga mutanda,malaika Gabriele watuminwe na Lesa ku musumba wa mu Galile ku ncende iitwa Nasareti. ²⁷ Kuli nacisungu uwakobekalwe ku mwaume uweshina lya Yusefu, uwali wa mulupwa lwakwa Davidi, ne shina lyakwa nacisungu ni Maria. ²⁸ Waishile ku mukashana no kulanda ukuti, ''umutende, kuli iwe wewasenaminwa apakalamba! Shikulu ali naiwe.'' ²⁹ Lelo wena wasakamana pa mashiwi waufwile elo walatontonkanya ukuti ngo uku kuposha kwapilibula cinshi. ³⁰ Malaika walandile kuli ena, ''Wiumfwa mwenso, Maria, pantu ulisangile ukusenaminwa na Lesa. ³¹ Mona, ulinokwimita mwifumo lyobe no kufyala umwana umwaume. Ukalakumwita ishina lya ku 'Yesu'. ³² Akaba umukalamba elo akalaitwa umwana wa wapulamo. Shikulu Lesa akamupa icipuna ca bufumu bwacikolwe Davidi. ³³ Akateka aba n'ganda ya kwa Yakobo umuyayaya, elo takwakabe ne mpela kubufumu bwakwe.'' ³⁴ Maria walandile kuli malaika,''Nga ifi fikacitika shani, pantu nebo nshaishibepo mwaume nelyo umo?'' ³⁵ Malaika walimwashike elo wamweba ati, ''Mupashi wamushilo akesa pali we, elo na amaka ya Wapulamo yakesa pali we. Eico uukafyalwa wa mushilo akalaitwa umwana wa kwa Lesa. ³⁶ Mona, lupwalobe Elizabeti naowine ulimite umwama mwaume mu bukote bwakwe. Uno nomba mweshi wa kulenga mutanda kuli yee, uyo uwalikwitwa in'gumba. ³⁷ Pantu takulipo nangu kamo akakushupa Lesa''. ³⁸ Maria watile , ''Moneni, ndi mubomfi wakwa Shikulu . Nacibe kuli ne mukukonka na mashiwi.'' Elo malaika wamushile. ³⁹ Elo Maria waimine munshiku shine isho mukwangufyanya walolele ku calo ca mpili , ku musumba wa mu Yudeya. ⁴⁰ Waingile mu ng'anda ya kwa Sakaria no kuposha Elizabeti. ⁴¹ Nomba ifyacitike fya kuti ulo Elizabeti waumfwile umutende , umwana munda yakwe walitolweke , elo Elizabeti waiswilemo no Mupashi wa Mushilo. ⁴² Elo wasanswile ne shiwi ilikulu wati nokuti ,'' Walipalwa pa banakashi , bwalipalwa no bufyashi bwamwifumo lyobe . ⁴³ Elyo cindo cacitika kuli nebo ? ⁴⁴ Mona , ulofye ngufwile ukuposha kobe mumatwi yandi , umwana mwifumo lyandi wacitoloka ku nsansa. ⁴⁵ Walipalwa we mwanakashi we wasumina kuti kukaba ukufikilisha kwa fintu ifyo waebwa ukufuma kuli shikulu.'' ⁴⁶ Maria elo walandile at , ''Umutima wandi walumbanya Shikulu, ⁴⁷ elo no mupashi wandi wasansamukile muli Lesa wandi kalubula. ⁴⁸ Pantu alilolekeshe pamubelo wandi uwafye umubonfi wakwe kanakashi. Moneni , ukufuma nombaline inko shonse shikanjita uwapalwa. ⁴⁹ Pantu uwamaka ancitila ifikalamba , elo ne shina lyakwe lya mushilo. ⁵⁰ Uluse lwakwe lwa ku nkulo ne nkulo kuli abo abamutina. ⁵¹ Alanga amaka no kuboko kwa kwe ; alisalanganya abo abali ne cilumba palwamitontokanishishe ya mitima yabo. ⁵² Aliponya ishamfumu pafipuna fyabo ifyo bufumu elo waimya na abafye. ⁵³ Alikusha abansala ne fisuma , lelo abakankala wabatamfya ukwabula nelyo kamo. ⁵⁴ Wapela no bwafwilisho kuli Isreale umubomfi wakwe , ku kwibukisha ukulanga uluse. ⁵⁵ (ngafintu walandile ku fikolwe fyesu) kuli Abrahamu no bufyashi bwakwe umuyayaya.'' ⁵⁶ Maria waikele nankwe mupepi ne myeshi itatu elo wabwekele ku ng'anda yakwe. ⁵⁷ Nomba inshita ya kupapa kuli Elizabeti, yalifikile elo wapapile umwana umwaume. ⁵⁸ Abena mupalamano elo nabacilupwa lwakwe baumfwile ukuti Shikulu nalanga uluse lwakwe ulukalamba pali yee , balisansamukile pamo naye. ⁵⁹ Nomba icacitike pabushiku ubwalenga cine konse konse baishile ku kusembulula umwana . Balikufwaya ukumwinika ishina lya ''Sakaria,''ilyali ilya kwa wishi. ⁶⁰ Lelo nyina wayaswike no kulandaati, ''Awe.Alainikwa ishina lya ku yoani . '' ⁶¹ Elo balandile kuli ye,'' Tapaba nangu umo pali balupwa lobe uwitwa ili shina.'' ⁶² Bacebwishe wishi no kumulanga ifilangililo pakuti beshibe ishina alikufuya ukwinika umwana. ⁶³ Wishi walombale icakulembapo elo walembapo , '' ukuti ishina lyakwe ni Yoani .'' Elo bonse bapapafye pali ici . ⁶⁴ Palyapanefye akanwa kakwe kaliswike elo no lulimi lwakwe lwalikakwilwe. Walilandile no kulumbanya Lesa . ⁶⁵ Umwenso waishile kuli bonse abena mupalamamo ababashingulwike abo balikwikala nabo mupepi. Elo neli lyashi lyonse lyabafye panga yonse mu calo ca mpili ica Yudeya. ⁶⁶ Nabonse abamufwiileleko balikutontonkanya mumitima yabo , ''Nga uyu mwana akaba uwamusango nshi?'' Pantu ukuboko kwa kwe Shikulu kwali pali yee. ⁶⁷ Wishi Sakaria waiswilamo na Mupashi wa Mushilo elo walasesema, akolanda ati, ⁶⁸ ''Alumbanishiwe shikulu, Lesa wa kwa Israele, pantu alishile kupempula elo no kwafwa ukulubula abantu bakwe. ⁶⁹ Atwimisha ulusengo lwepusukilo mu ng'anda ya mubonfi wakwe Davidi. ⁷⁰ (ngamuntu walandile kale pa tunwa twabamushilo ba kasesema bakwe), ⁷¹ ukutupususha ku balwani besu elo na kumaboko ya bonse abatupata ⁷² Akacite ici kukulanga uluse ku fikolwe fyesu elo no kwibukisha icipangano cakwe ica mushilo, ⁷³ umulapo untu walandile ku cikolwe cesu Abrahamu . ⁷⁴ Walapila ukuti utupe fwebo, abo walubwile ukufuma ku maboko ya balwani besu, kuti twamubombela ukwakubulo mwenso ⁷⁵ muli bumushilo elo na mubulungani pa cinso cakwe inshiku shesu shonse. ⁷⁶ Ee, elo na iwe, we mwana, uketwa kasesema wa Wapulamo, pantu webo ukatangilila pa cinso cakwa Shikulu kukupekanya inshila shakwe, na kukupekanya abantu ku kwisa kwa kwe, ⁷⁷ kukupela ubwishibilo bwepusukilo ku bantu bakwe ukupuitila mukubelelwa uluse ku membu shabo. ⁷⁸ Ici cili no kucitika pamulandu ne cikuku ca luse lwakwe Lesa wesu, pantu alatupempula nga akasuba akatula mu mulu, ⁷⁹ ku kusanikila kuli abo abaikala mu mfifi elo na mu cinshingwa ca mfwa. Akacita ici mu kutungulula amakasa yesu munshila ya mutende.'' ⁸⁰ Nomba umwana walikulile elo wakosa na ku mupashi, elo kabili waikele mu matololo pankafye ulo ubushiku bwafikile ubo aisokolwelemo kuli Israele.