¹ Nomba Saulo, ena ali twalilile fye ubukali elo nokulekulanda ifintinya fya kufwaya ukulekwipaya abasambi bakwa Shikulu, alile naku ku mukulu wakuba shimapepo ² elo nokwipusha amakalata yaku piita ukuya nayo ku Damasko, epakuti nga cakuti asanganako abaume nangu abanakashi, abalikukonka Inshila Yesu alanga akabekate nokubaleta ku Yelusaleemu. ³ Ulo ali pabulendo, icacitikile cakuti lulya lwine apalamina ku Damasko, kwaishile ulubuto nokushinguluka pali ye apo ali ukufuma ku mulu; ⁴ elo aponene panshi elo aumfwile ishiwi lilelanda ku ye ati, ''Shauli, Shauli, cindo ico ulempakashil?'' ⁵ Saulo alyasukile ati, ''Bushe niwebo nani shikulu?'' Shikulu alimwasukile ati, Ninebo Yesu, uuntu ulepakasa; ⁷ nomba ima, ulekuya wingile mu musumba, elo balaya kukweba ifyakucita.'' ⁶ Abo abantu abaendele na Saulo balitaleme shilili, ishiwi lyena balikulyumfwa, nomba tababwenepo nangu umo uwalikulanda. ⁸ Saulo alyalamukile panshi, elo uluntu aiswile amenso, tawlikumona icintu nangu cimo; eico balimwikete pa kuboko elo noku mutwala ku Damasko. ⁹ Alikele inshiku shitatu ukwabula ukumona, elo talile akantu nangu ukunwa. ¹⁰ Nomba mwali no musambi mu Damasko uwe shina lya Anania. Shikulu alandile kuli ye um ciloto ati, ''Anania!'' Ayasukile ati, ''Moneni, Ndi pano, Shikulu.'' ¹¹ Shikulu aladile kuli ye ati, ''Alamuka, elo ulekuya ukulola ku musebo uuntu bakuta Ukololoka, elo pa ng'anda yakwa Yuda wipshepo umuntu uufumine ku Tasisi uwe shina lya Saulo, pantu alepepa. ¹² Ali mwene mu cimonwa umuntu uweshina lya Anania aleisa elo no kutambalika amaboko pali ye, epakuti enga mona.'' ¹³ Nomba Anania alyasukile ati, ''Shikulu, Nebo nalyumfwa ifintu ifingi pali uyu muntu, ne fintu ifingi ifyo acita ku ba mushilo bobe mu Yelusaleem. ¹⁴ Alipoka insambu ku bakulu baku ba shimapepo ishakwikata umuntu uuli onse kuno ulekuta pe shina lyobe.'' ¹⁵ Nomba shikulu alandile kuli ye ati, ''Kabiye, panut ndimusalile ukuba icibombelo candi, ukupiita ishina lyandi nokuli twala ku bena fyalo elo ku mfumu elo naku bana ba Israeli; ¹⁶ pantu ndi noku mulanga ifyo ali no kupita mukucula pa mulandu fye we shina lyandi.'' ¹⁷ Eico Anania alile, elo nokuya kwingila mu ng'anda. Alitambalikile na maboko pali ye, no ku mweba ati, ''Munyina Saulo, Shikulu Yesu, uyo uwakumonekele pa musebo uluntu walikwisa, euntumine pakuti wingatampako ukumona elo no kwisushiwamo Mupashi wa Mushilo.'' ¹⁸ Apo pene ifintu ifyali kwati mamba fya ponene nokufuma mumenso yakwa Saulo, ¹⁹ elo alile elo nokukwata amaka. Alikele nabasambi mu Damasko pa nshiku ishingi. ²⁰ Apopene fye alitampile ukushimika palwa kwa Yesu mu ma sinagogi, nokulekulanda ati ni Mwana Lesa. ²¹ Nabonse abalikumukutika balipapukile elo nokulelanda ati, ''Bushe te uyu muntu uwali kucusha nokonaula abali mu Yelusaleem abali kukuta pali ili ishina?'' Nakuno kwine eshile fye kubekata pakuti abatwale kuba kulu bakuba shimapepo.'' ²² Nomba Saulo ena alikonyepo fye pa maka, elo alibalengele ukwikatwa ubulanda kumitima yaba Yuda abalikwikala mu Damasko pa kubashimikila ati Yesu e Kristu. ²³ Panuma ya nshiku ishingi, aba Yuda balipangene pamo pakuti bamwipaye. ²⁴ Nomba amapange Saulo alishibile amapange yabo. Balikulonda apakwingilila ponse mu musumba akasuba no bushiku pakuti benga mwipaya. ²⁵ Nomba abasambi balimupitile elo noku mufyushisha no kumupusha pa cibumba, no kumutula panshi mu mutonga. ²⁶ Uluntu aishile mu Yelusaleem, Saulo alyeseshe ukuilunda ku basambi, nomba bonse balikumutina, tasumine ati alimutumwa. ²⁷ Nomba Barnaba alimupitile elo noku mutwala ku basambi, elo nokubeba iyo Saulo amwene Shikulu pa nshila elo nokutla ati Shikulu alilandile kuli ye, elo nefyo alandile pe shina lyakwa mushipa mu Damasko. ²⁸ Alisangwa nabo, ukulekuya elo no kushinguluka Yelusaleem. Alikulanda mukushipa palwe shina lyakwa Sshikulu Yesu ²⁹ elo alikutalikana naba Yuda abaliklanda ici Griki; nomba balikonyepo fye no kufwaya uku mwipaya. ³⁰ Uluntu ba munyina baishibile pali ici, bali mutwele Kaesaria elo noku mutuma ukuya ku Tasisi. ³¹ Eic uluntu, ulukuta monse mu Yudea, Galile, elo namu Samaria lwakete umutende elo no ku mwinina; elo, no kwendela mu katina kakwa Shikulu elo namu kukoleshiwa na Mupashi wa Mushilo, ulukuta lwalikule na mumpendwa. ³² Nomba caishile kuba ifi, ulo Petelo apitile nokushinguluka mu citungu conse, alishile ku kumanya abantu abamushilo abakwa lesa abali kwikala mu musumba wa Lidia. ³³ Uko eko asangene umuntu umo uo bali kukuta ati, Aneya, uwalikusendama fye pa myaka cine konse, konse pantu ali no bulebe. ³⁴ Petelo alandile kuli ye ati, ''Aneya, Yesu Kristu akuposha. Alamuka elo funga ne mpasa yobe,'' elo apo alya lamukile no kwiminina. ³⁵ Eico abantu bonse abali kwikala mu Lidia Elo na mu Sharon balimwene uyu muntu elo balisumine na muli Shikulu. ³⁶ Nomba mu Yoppa mwaliko umutumwa umo uwe shina lya Tabita(ilya lola mu kuti ''Doka''). Uyu umwanakashi aliswilemo ne milimo iyabune elo nemilime iyaluse iyo ali kucitila abalanda. ³⁷ Eico icacitikile cakuti muli isho inshiku alilwele elo no kufwa; uluntu ba musambikile, balimulalikile mu muputule wapa mulu. ³⁸ Ico Lida ali mupepi naku Yopa, elo nabatumwa balyumwile ati Petelo ali kulya, bali tumine abantu babili kuli ye, noku mupapata ati, ''Isa kuli fwebo ukwabula ukufilwa.'' ³⁹ Petelo alimine no kuya nabo. uluntu afikile, balimutwele ku mupule uwapa mulu, elo naba mukamfwilwa bonse bataleme pali ye balelosha, balemulangisha ne nsalu elo ne mingila iintu Doka alikubila ulo ali nabo. ⁴⁰ Petelo alyebele bonse ukufuma mu muputule, afukeme panshi, elo nokupepa; elo apilibukila ku citumbi, no kulanda ati, ''Tabita'' alamuka.'' Eluntu aiswile amenso no kulolesha, elo amwene Petelo alikeleko. ⁴¹ Petelo eluntu amutambikile ukuboko elo noku mwimya; elo uluntu akutile abantu bakwa Lesa abamushilo elo naba mukamfwilwa, abapele kuli bo umulole. ⁴² Ili ilyashi lyashibikilwe monse mu Yopa, elo na bantu abengi balisumine muli Shikulu. ⁴³ Ica citikile ca kuti Petelo alikele inshiku ishingi mu Yopa no muntu uweshin lya Simon, kaluka.