¹ Paulo elyo aile ku Debe elo ku Lustika, umusambi uwalekutwa Timoti alikulya, ali umwana wa mwanakashi umu Yuda kabili uwasumina, nomba wishi ena ali mu Greek. ² Ababwananyina banse aba mu Lustika elo na ikomiamu balikubalanda ifyabune. ³ Paulo alikufwaya ukuti akaye naye, eico alimupitile elo nokumu sembulula pamulandu na ba Yuda abali muli shilya incende, pantu bonse balishibile ukuti wishi ali mu Griki. ⁴ Ulo balikuya ukupita mu mumisumba, balikushimikila ku nkuta amafunde ayo bali nokukonka, amafunde ayo ayalembelwe nabasole elo nabakulu mu Yelusaleemu. ⁵ Eico inkuta shalikosele mu cisumino elo shalikulunduluka mu mpendwa cila bushiku. ⁶ Paulo elo nabanakwe balikupita mu fitungu fya Phrygia elo na Galatiya, Pantu Mupashi wa Mushilo alibakenye ukubila Imbila Nsuma mu ciputulwa ca Asia. ⁷ Uluntu baishile mupepi naku Misia, balikufwaya ukuti balekuya mu Bitinia, nomba Umupashi wakwa Yesu walibakenye. ⁸ Eico ulo bapitile mu calo ca Misia, baishile kufika ku musumba wa Troasi. ⁹ Imonwa camonekele kuli Paulo mu nshita yabushiku: Mu cimonwa amona umuntu uwaku Mesodonia aliminine palya, alemupapata elo aleweba ati, ''Mwise kuno ku calo ca Mesodonia mwise mutwafweko.'' ¹⁰ Uluntu Paulo amwene ici icimonwa, apopene twalimine nokuya ku Mesodonia, twalishininkishe ukuti Lesa alitwitile ukuya kubila Imbila Nsuma ku Mesodonia. ¹¹ Ulo twafuma no bwato ku Troa, Twalungamafye ku Samotulake, elo ubushiku bwakonkelepo twaile ku Napolis. ¹² Ukufuma kulya twaile ku Filipi, umusumba uwalumbukile mu citungi ici ica Mesadonia elo na mucalo ica Roma, elo tawikelemo inshiku ishingi. ¹³ Pa bushiku bwa Chibelushi twaile kunse ya musumba kululamba lwa mumana uko twalikutontonkanya ati ekwakupepela. Taikele kulya nokulanda kubanakashi abangene pamo. ¹⁴ Umwanakashi umo uwe shina lya Lidia, uwalikushitisha insalu ishakukashikila afumine ku musumba wa Tyatira, uwalikulumbanya Lesa, alikumfwa kuli fwebo. Lesa amunasha umutima no kumfwa kufyo Paulo alikulanda. ¹⁵ Uluntu ye elo naba mu ng'anda yakwe babatishiwilwe, alitupatikishe nokutweba ati, ''Nga cine muletontonkanya ukuti nandibo ndisumine icinecine muli Shikulu, twendeni elo nokwikala ku ng'anda kwandi.'' Elo nafwe epakuya kwakwe. ¹⁶ Icacitikile cakuti, ulo twalikuya ku ncende iyo balikupepelapo, umukashana umo uwali no mupashi uwakukowea alitukumenye. Alisambeshe ba Kanabesa bakwe ku mulandu nolubuko lwakwe. ¹⁷ Uyu mukashana alikukonka Paulo elo nafwe elo alebilikisha ati, ''Aba bantu babomfi bakwa Lesa Mukulu.'' Ebalebila Imbila Nsuma iyakuminga inshila yakupusukilamo. ¹⁸ Alikucita ifi fine pa nshiku ishingi. Nomba Paulo, asuka afulilwa umukashana, apilibuka elo nokukalipila umupashi wakukowela ati, ''Ndekweba mwishina ilyakwa Yesu Kristu ukufuma muli uyu umukashana.'' Elo apo pene fye walimufuminemo. ¹⁹ Uluntu bamulopwe bakwe bamwene ukuti isubilo ilyakupanga indalama nomba lyapwa, baikete Paulo elo na Sailas elo nokubatantanya ukubatwala pacisankano kuli bashi cilye. ²⁰ Uluntu babatwele kuli bakapingula ba milandu, balandile abati, ''Aba bantu baleleta icimfulunganya mu musumba wesu. Aba ba Yuda. ²¹ Balesambilisha n misango iyakupusana iyo ishasuminishiwa kuli fweba Roma ukupokelela nangu ukubomfya.'' ²² Eluntu ibumba lyaiminamo nokupumaula Paulo elo na Silasi; bakapingula ba milandu balepawile amalaya ayo bafwele elo elo nokweba abantu ukuti babapume ukubomfya amembya. ²³ Uluntu bapwile ukubalopaula, babaposele mu cifungo elo nokukonkomesha malonda wa cifungo ukubasunga bwino. ²⁴ Panuma yakupokelela ici cipope malonda wacifungo abaposele mukamuputule kapakati elo nokukakila amolu yabo mu makoli. ²⁵ Pakati kabushiku Paulo elo na Sailasi balikupepa nokwimba inyimbo kuli Lesa, elo abafungwa bambi balikukutikako fye kuli bo. ²⁶ Apopene icinkukuma icikulu capita, icakuti ne mifola ya cifungo yalisunkene; elo apo pene ne fibi fyonse fyalisukile, elo ne minyololo ya bonse yakakulukile. ²⁷ Malonda wa cifungo alisantamukile mutulo elo nokumona ifibi fya mucifungo fili ifyakwisuka; abulile ulupanga lwakwe elo nokufwaya ukuipaya pantu alikutontonkanya ukuti abafungwa bonse balibutukile. ²⁸ Nomba Paulo abilikishe neshiwi ilikulu nokulanda ati, ''Wiicita icintu nangu cimo, pantu bonse emotuli.'' ²⁹ Malonda wacifungo epakukuta abakuleta imisaniko elo nokubutukila mukati elo, ninshi alekanka, awila mupepi pali Paulo elo na Sailasi, ³⁰ elo nokubafumya panse elo nokubeba, ''Mukwai, bushe nindo ndigile ukucita pakupusuka?'' ³¹ Balandile kuli abati, ''Sumina muli Shikulu Yesu elo ukapusuke, webo elo naba ng'anda yobe.'' ³² Balandile ishiwi lyakwa Lesa kuli ye, pamo nabonse abali mu ng'anda. ³³ Eluntu malonda wa cifungo ilya ine inshita ya bushiku abapitile, elo nokubasamfya ifilonda, elo ye elo nabonse abali mu ng'anda balibatishiwilwe palya pene. ³⁴ Kanshi uluntu aletele Paulo elo na Sailasi mu ng'anda elo nokubapekanishisha ifilyo, alisansansamukile nganshi pamo nabonse abali mu ng'anda, ye pakusumina muli Lesa. ³⁵ Lelo uluntu akasuba katulile, bakapingula wa milandu batumine amushiwi kuli ba malonda, nokutila, ''Lekeni balya bantu balekuya.'' ³⁶ Malonda wa cifungo alandile aya amashiwi kuli Paulo, nokumweba ati, Bakapingula wa milandu batuma amashiwi kuli nebo ati milekeko mulekuya. Nomba eico kanshi fumeni, elo muye mu mutende.'' ³⁷ Nomba alandile kuli bo ati, ''Balitupumine palwalala ukwakubula ukutulubulwisha, nngu line tuli bena Roma--elo baliposele mu cifungo. Tali nomba balefwaya ukutufunya mu cifungo mu bumfisolo? Awe! Mubebe abene bakaputula ba milandu ebo bese batufunye.'' ³⁸ Ba malonda batwele aya amashiwi kuli bakapingula bamilandu, elo uluntu baumfwile ukuti Paulo elo na Silasi bali bena Roma, balitinine. ³⁹ Bakapingula wa milandu balishile elo nokulomba ubwelelo kuli bo elo noku bafunya, noku bakonkomesha ukuya nokufuma mu musumba. ⁴⁰ Kanshi Paulo elo na Sailasi bafumine mu cifungo elo baile kuli Lidia. Uluntu Paulo elo Sailasi bamwenae ba munyina, balibakoseleshe elo eluntu bafumine mu musumba.