¹ Nomba mulukuta lwa mu Antioke, mwalipo bakasesema elo naba kasambilisha, Barnaba, Simon(Uukutwa Nigere), Lusia umwina Siren, Maneni(Uwalikusungwa pamo na Herodi tetraki), elo na Saul. ² Ulo bali balepepa kuli Shikulu elo nokufunga ukulya, Umupashi wa Mushilo walandile ati, ''Mfumishenipo Barnaba elo na Saulo, ukuti babombe umulimo uo nabakutile.'' ³ Panuma balipwile ukufunga ukulya, elo balibatambalikilepo amaboko, baliba tumine. ⁴ Eico Barnaba elo na Saulo balisumine ku Mupashi wa Mushilo elo balile naku Selusia; ukufuma kulya balile no bwange ukuya ku Cyprus. ⁵ Uluntu bali mu musumba wa Salami, balikubila icebo cakwa Lesa muma Sinagoga yaba Yuda. Kabili bali na Yoani Maliko pamo nga kafwa wabo' ⁶ Uluntu baile no kupitana pa cihi conse ica Pafos, balisangeneko umuntu umo uwalikubomfya amanga, ali ni kasesema uwabufi uwa ba Yuda, uwe shina lya ku Ba Yesu. ⁷ Uyu camanga ali ikuminishe ku mulashi, Segi Pauli, uwali umuntu uwa kusalapuka. Uyu muntu alikutile Barnaba elo na Saulo, pantu alikufwaya ukumfwa icebo cakwa Lesa. ⁸ Nomba Elimas ''camanga'' (efyo ishina lyakwe lyali ku pilibulwa) alikubatalikisha; alyeseshe ukufunya umulashi ku cisumino. ⁹ Nomba Saulo uukutwa Paulo, aliswilwemo no Mupashi wa Mushilo, alimulolekeshe. ¹⁰ elo aliladile kuli ye atl, ''Webo wa mwana wa ciwa, uliswilemo ubufi ubwamisango yonse elo na bu ncitatubi. Webo uli mulwani wa bololoke. Webo bushe tawakatale ukuleka ukupondamika inshila ishakololka, bushe ukaleka? ¹¹ Nomba bona, ukuboko kwakwa shikulu kulipali we, elo walasanguka impofu. Webo tawabone akasuba pa nshita iinono.'' Ulo lwine fye aliponene pali Elimas fubefube elo ne mfinshi; alitampile ukuya aleshinguluka alikwipusha na bantu abakuti ba mwikateko pa kuboko. ¹² Panuma umulashi abwene ifya citikile, alisumine, pantu alipapukile pama sambililo yakwa Shikulu. ¹³ Nomba Paulo pamo nabanakwe balininine ubwange ukufuma ku Pafos elo baishile ku Pega mu Pafilya. Nomba Yoani alibashile elo alibwekelemo ku Yelusaleem. ¹⁴ Paulo elo pamo naba nakwe balifumine ku Pega elo balishile ku Pega elo balifikile ku Antioki waku Pisidia. Kulya eko baile mwi Sinagogi pa bushiku bwapa Chibelushi elo nokwikalako. ¹⁵ Panuma yakubelenga amafunde elo naba kasesema, bantungulushi ba muma sinagogi baliba tumine amashiwi nokulanda ati, ''Mweba bwanayina nga cakuti muli na mashiwi ya kukoselesha abantu kuno, yalandeni.'' ¹⁶ Eico Paulo alingile elo nokucebusha no kuboko kwakwe; alandile ati, ''Mwe baume bamu Israeli elo na mwebo mwe bacindika Lesa, kutikeni. ¹⁷ Lesa wa aba abantu abena Israeli alisalile ifikolwe fyesu elo elo alilengele abantu ukusanduluka uluntu balikwikala mu Egipito, elo nokuboko ukwa kusumbulwa ali bafumishe muli cilya icalo. ¹⁸ Ukufika fye napa myaka amakumi yane alikwikala nabo mu mumatololo. ¹⁹ Panuma aonaula imitundu cinelubali mu calo camu Kanani, alipele abantu besu icalo cabo noku cipyana. ²⁰ Ifi fintu fyonse fyacitikile ukucila napa myaka imyanda ine na makumi yasano. Panuma yaifi fintu fyonse, Lesa alibapele abakubapingula mpaka pali kasesema Samueli. ²¹ Uluntu abantu baipwishe ukuti babapele imfumu, elo Lesa alibapele Shauli umwana wakwa Kishi, umwana mwaume ukufuma mu mukowa wabena Benjamini, ukuba imfumu pa myaka amakumi yane. ²² Panuma Lesa amufumishepo pa bufumu, alimishe Davidi ukuba imfumu. Nimunshita yakwa David emo Lesa alandile ati, 'Nebo nasangana David mwana Yesse ukuba umuntu uwakuba kwati mutima wandi, uyo uulecita conse ico njdefwaya ukuti acite. ²³ Ukufuma mufikolwe fya uyu wine muntu Lesa aleta ku bena Israeli umulubushi, Yesu, ngefyo alaile ukucita. ²⁴ Ifi fyatampile ukucitika, uluntu panuma Yesu talaisa, Yoani pakutampa alibilikishe ulubatisho lwaku lapila ku bantu bonse abamu Iraeli. ²⁵ Ulo Yoani ali mukupwisha umulimo wakwe, alandile ati, 'Bushe mwebo mutontonkanya ati ninebo nani? Nebo tene. Nomba umfweni, uyo uuleisa panuma ya nebo, uo insapato sha kumaksa yakwe ntalingile ukukakula. ²⁶ Ba munina, mwe bana ba mulupwa lwakwa Abrahamu, elo nabo abali muli mwe abo abapepa Lesa, kuli fwebo ili ilyashi lye pusukilo lya tuminwe. ²⁷ Pantu kuli abo abekala mu Yelusaleem, elo ne ntungulushi shabo, taba mwishibile, elo elo balifikilishe yakuba kasesema ayo balikubelenga cila chibelushi paku mupela umulandu. ²⁸ Nangu line tabasangene umulandu uwabune uwaku mwipailapo, balipwishe Pilato uku mwipaya. ²⁹ Uluntu bapwile ifintu fyonse ifyo ifya lembelwe pali ye, bali mufumishe pa musalaba elo noku mulalika mukabuli. ³⁰ Nomba Lesa alimubushishe ku bafwa. ³¹ Balimubwene pa nshiku ishingi kuli abo abafumine naye ku Galile ukuya ku Yelusaleemu. Aba bantu nomba ebakambone ku bantu. ³² Eico tulemyeba imbila nsuma ya bune iyakuti ifyo Lesa alaile kuli batata ³³ alifikilishe kuli fwebo, abana babo, pa kukusha Yesu. Pamo nge fyo calembwa mu Malumbo ya bubili: 'Niwebo umwana wandi, lelo naba ninebo Wiso.' ³⁴ Icishinka cakweba ati alimubushishe kuba kufwa pakweba ati umubili wakwe wibola, Lesa alilanda muli iyi inshila: 'Ndi nokumipela ifya mushilo elo namapalo acine ayo ayalailwe kuli Davidi.' ³⁵ Emulandu wine alandile nakabili Mumalumbo yambi, 'Tamwa kasuminishe uwamushilo wenu ukumona ukubola.' ³⁶ Pantu ulo Dabidi abombele ukufwaya kwa kwa Lesa munkulo yakwe, aliponene mutulo; alalikilwe kuli bawishi nomubili wakwe wabwene ukubola. ³⁷ Lelo uyo Lesa aimishe tabwene ku bola iyo. ³⁸ Eico lekeni cishibikwe kuli imwe, bawesu, ukuti ukupitila muli uyu muntu emo cali kubililwa kuli imwe ukulekelelwa kwa masambi. ³⁹ Onse uwa cetekela muli yee aba uwakulungamikwa ukufuma muli fyonse fintu ifyo amafunde yakwa Mose tekuti yamulungamike mwebo. ⁴⁰ Eico nomba cenjeleni ukuti icintu bakasesema balikulandapo cicitikilwa kuli mwebo. ⁴¹ Boneni, mwebamisula, elo sungukeni kabili nomba nokonaika; Pantu nkoleta umulimo munshiku shenu, umulimo uyomutakatale amusumina, nangufye umuntu aubila shani kuli mwebo.''' ⁴² Uluntu Paulo na Barnaba bafumineko, abantu balibapapatile pakuti bengalanda aya amashiwi yamo yene nakabili pa Sabata. ⁴³ Uluntu ukukumana mwi Sinagogi kwa pwile, aba Yuda abengi elo balipilibukile no kukonka Paulo elo na Banaba, abo abalandile kuli bo elo noku bakonkomesha ukutwalilila mu cikuku cakwa Lesa. ⁴⁴ Napesabata lyakonkelepo, cikanga no musumba onse walikolongene mukumfa pamo kukumfwa icebo ca kwa Lesa. ⁴⁵ Ulo aba Yuda ba bwene amabumba, baliswilemo akalumwa; no kulanda ify bupondamishi pa fintu fyalekulanda Paulo elo balikumutuka. ⁴⁶ Nomba Paulo na Barnaba balikulanda mukupama ati,'' chalilingile ukuti icalo cakwa Lesa cali nokubalilapo ukulandikwa kulimwe. Ukubona imwe mwacifumyamo muli mwebene nokuilinga abatalingile ku mweo wa muyayaya , boneni, tukopilibukila kubenafyalo. ⁴⁷ Pantu efyo shikulu atukonkomesha, alandile, 'ndikusalile kukubo lubuto kubenafyalo, ukuti ulete ipusukilo ukufika kumpela ya calo. ⁴⁸ Ulo abena fyalo baufwile ifi, balisekelele no kucindike cebo cakwa shikulu. Elo abengi abasotelwe ku mweo wa muyayaya balikutetekela. ⁴⁹ Icebo cakwe shikulu cali salangene mu citungu monse. ⁵⁰ Lelo aba Yuda basongelekenye abanakashi abacindami mu kwiminina na baume abatungulula mu musumba. Baimishe ukupakaswa pali Paulo na Bamaba nokubafumya mu fitungu fyabo. ⁵¹ Nomba Paulo na Bamaba bakutile ulukungu ukufuma kumakasa yabo. Elo baile ku musumba wa Ikonia. ⁵² Naba sambi baliswilemo no kusekelela elo no mupashi wamushilo.