¹ Nomba abasambi elo naba bwananyina abo abali mu Yudea balyumfwile ukuti Abenafyalo nabo bene nabapokelela ishiwi lya kwa lesa. ² Uluntu Petelo aishile ku Yelusalemu, ibumba ilyaba sembululwa tabatemenwe; ³ balile, ''Walikusangwa nabantu abashasembululwa elo nokulya nabo .'' ⁴ Lelo petelo aishile kutampa ukuba londolwela icishinka, nokubeba ati, ⁵ ''Nacilapepa mu musumba wa yopa, elo nakwete iciloto umwali icipe icalikwisa panshi, ukubati ninsalu iikulu iyo bali kuponya ukufuma mu mulu mufifutu fine. caishile kutentemukila pali nebo. ⁶ naliciloleshe elo nokuchitontonkanyapo. naishile kumona inama shapone isonde ishamolu yane, fishimweshimwe, inama ishiikula, elo nefyuni fya mulwelele. ⁷ Elo naishile kumfwa ishiwi likolanda kuli nebo ati, 'Buka, Petelo, ipaya elo ulye." ⁸ Naishile kulanda, 'Tefyo, Wemfumu, takwaba icintu icashashila nangu icashasangululwa ico nalyapo; ⁹ Nomba ishiwi lya ishile kufuma kumulu nakabili lyalyasukile, Ico Lesa asangulula wilacita ukuti calikowela; ¹⁰ Ici calicitikile imiku itatu, elo nefintu fyonse balifibwekeshemo ku mulu nakabili. ¹¹ ''Boneni, ilyoline fye abantu batatu bataleme kuntanshi ya ng'anda intu twalimo, bali batumine ukufuma ku caesalea ukwisa kuli nebo, ¹² Umapashi wali nkonkomeshe ukuya nabo, elo ati ntafwile ukupusanya. Aba bamuninane mutanda naishile kuya nabo, elo twaishile kuya ku ng'anda ya uyu muntu. ¹³ Aishile kutweba ifyo a bwene umungeli na talama mu ng'anda yakwe elo akolanda, ' Tuma abantu ku yopa elo ulete Simon uwitwa Petelo. ¹⁴ Akoisa landa kuli webo imbila ikokulenga ukupusuka- webo elo nabang'anda yobe ukupusuka. ¹⁵ 'Uluntu naishile kutampa ukulanda kuli boo, Umupashi wamushilo waishile kwisa pali boo, ngafilya cacitikile kuli fwebo pakutampa. ¹⁶ Naishile kwibukisha amashiwi ya mfumu, ifyo yalandile, Mucine Yoani alikubatisha kumenshi, nomba mwebo mukabatishiwa ku Mupashi wamushilo." ¹⁷ Eluntu nga Lesa apele kuli bo icabupe cimo cine ngefyo aishile kupela kuli fwebo uluntu twacetekele muli Shikulu Yesu Kristu, nali ninebo nani, pakuti ningatalikisha Lesa? ¹⁸ Uluntu baishile kumfwa ifi fintu, tabalandile akalikonse mukwasuka, lelo basumbwile Lesa elo nokulanda ati, ''Eluntu Lesa alipele ukulapila pa myeo ku bena fyalo nabo.'' ¹⁹ Nomba abao abasalanganine ku kupasakaswa ukwaaimine pali Stefani basalanganine ukutali ukufikafye naku Foenisha, Cyprus, elo namu Antioki, ukulanda icebo ku ba Yuda fye. ²⁰ Lelo bamo muli bo, abaume ukufuma ku Cyprus elo naku Cyrene, baishile kwisa ku Antioki elo nakulanda naku ba Greek, ukubeba imbilansuma palwa kwa Shikulu Yesu. ²¹ Ukuboko kwakwa Shikulu kwali na bena; impendwa ikalamba yaishile ku cetekala elo nokupilibukila kuli Shikulu. ²² Imbila palwa pali bo yaishile kwisa ku matwi ya lukuta mu Yerusalemu, elo baishile kutuma Barnabas ukufikafye naku Antioki. ²³ Uluntu aishile kwisa elo aishile ku bona ukusenaminwa kwakwa Lesa, aliukusekelela elo aishile kubakoselesha bonse ukukwikalillila muli Shikilu ne mitima yabo yonse. ²⁴ Pantu ali muntu wabune elo uwakwisushiwamo Umupashi wa Mushilo elo ne cicetekelo, elo na bantu abengi baishile kulundwa kuli Shikulu. ²⁵ Barnabas eluntu aishile kuya ku Tarsus ku kufwa Shauli. ²⁶ Uluntu aishile kumusanga, aishile kumuleta ku Antioki. Caishile kwisa palwa, pamwaka onse baishile kulongana capamo no lukuta elo baishile kufunda abantu abengi. Abasambi ebabalilepo ukwitwa abena Kristu mu Antioki. ²⁷ Nomba muli ishi nshiku bamo bakasesema baishile kutentemukila panshi ukufuma ku Yerusalemu ukufika naku Antioki. ²⁸ Umo muli bo, uweshina lya Agabus, aishile kutalama elo nokutungululwa no Mupashi ukuti icipowe cikatebelela isonde lyonse. Ici caishile kucitika mu nshiku shakwa Claudius. ²⁹ Eico abasambi, ngefyo cilaumo ali uwayana, baishile kusala ukutuma ubwafwilisho kuli ba munyina mu Yudea. ³⁰ Baishile kucita ifi; baishile kutuma indalama ku bakalamba kukuboko kwakwa Barnabasa elo na Shauli.