¹ Mucitabo ico natampilepo ukulemba, Teofili, nalilembamo fyonse ifintu ifyo Yesu atampile ukucita elo noku sambilisha, ² mpaka fye napa bushiku ubo apitilwe ukuya ku mulu, panuma uluntu apele ifipope ukupitila muli Mupashi Wa Mushilo ku batumwa bakwe abantu asalile. ³ Panuma yaku cula kwakwe, alikuilanga umwine umutuntulu kuli bo nefishinka ifingi ifyakuba shinina elo imiku iingi. Pa nshiku amakumi yane alikumonekela kuli bo, elo ali kulanda pa bufumu bwakwa Lesa. ⁴ Uluntu alikukumana nabo pamo, aliku bakonkomesha ukuna ukufuma mu Yelusalemu, nomba ukupembela ubulayo bwakwa Wishi, pafyo alandile ati, '''Mwalyumfwile kuli nebo ⁵ ukuti Yoani alikubatisha ku menshi, nomba mwebo muli noku batishiwa muli Mupashi Wa Mushilo mu nshiku fye ishinono ishileisa.'' ⁶ Uluntu balongene pamo bali mwipwishe ati, ''Shikul, bushe niluno lwine ulo mulebwesesha ubufumu ku bena Israeli?'' ⁷ Ali landile kuli bo ati, ''Temwebo ukwishiba inshita ne nshiku ifyo ni Tata ewaishiba mu nsambu shakwe. ⁸ Nomba mukapokelela amaka uluntu Mupashi wa Mushilo akesa pali mwebo, elo mukaba bakambone bandi monse mu Yelusaleemu elo namu Yudea monse elo na Samaria, elo ukufika no kwapela isonde lyonse. ⁹ Uluntu Shikulu Yesu ifi fintu, ulo bali balelolesha mu mulu, bali musendele mu mulu, elo elo ne kumbi lyamu fishile ku menso yabo. ¹⁰ Ulo bali balelolesha mu mulu ninshi aleya, apo pene, abaume babili balishile kwiminina apo bali ninshi balifwele insalu ishakubuta. ¹¹ Balilandile kuli bo ati, ''Mwe bena Galile, nindo mwimininine apa mulelolesha na mu mulu? Uyu Yesu uwapitwa ukufuma kuli mwebo nokuya mu mulu, ali noku bwela mu musango umo wine mwamumona aleya ku mulu.'' ¹² Eluntu balibwelelemo ku Yelusaleemu ukufuma ku lupili lwa ulukutwa ulwa Miolifi, ulwa palamina ku Yelusaleemu, apali fye intamfu iinono naku Yelusaleemu. ¹³ Uluntu bafikile kulya, baile pa mupule uwapa mulu, epo bali kwikala.Bali Petelo,Yoani, Yakobo, Andele, Filipo, Toma, Batolomeo,Mateo, Yakobo umwana wakwa Alifasi, Simoni uo balikukuta Umusoleti, elo Yuda umwana wakwa Yakobo. ¹⁴ Bonse bali ipeleshe ku mulimo wakupepa, pamo pene na banakashi, elo Maria nyina wakwa Yesu, elo naba wabo. ¹⁵ Mu nshiku shilya Petelo ali taleme pakati kakuba munyinane, ukufika na ku mpendwa ya bantu 120, elo nokulanda ati, ¹⁶ Mwe bamunyinane, cali cikankala icakuti iyalembwa fyafikilishiwa, ifyakuti Mupashi wa Mushilo ali landile kale pakanwa kakwa Davidi palwa kwa Yuda, uyo untu alikutungulua abaikete Yesu. ¹⁷ Ali ni umo muli fwebo elo nokubomba bonse pamo umulimo.'' ¹⁸ (Nomba uyu muntu alishitile impanga mu ndalama isha muli buntalamisoka, elo umo mwine emo umwine apone no mutwe ewa tampilepo ukufika panshi, elo no mubili wakwe wali lepukile, elo namala yakwe yonse yalipongolokele. ¹⁹ Nabo bonse abekala mu Yelusaleemu palwa ici, eico mululimi lwabo iyi mpanga balikuikuita ati ''Akeledama,'' emukutila, ''Impanga ya mulopa.'') ²⁰ ''Pantu calilembwa mu Citabo ca Malumbo, 'Lekekeni iyi mpanga ishale icipompwa, elo mwilek umuntu nangu ekalemo'; 'Lekeni umuntu umo abule icifulo ca butunguluhi bwakwe.' ²¹ Eico, cikankala, ukuti umuntu umo uo twalikuba nankwe pamo inshita yonse iyo twalikwendauka na Shikulu Yesu elo pakati kesu, ²² ukutampila fye kulubatisho lwa kwa Yoani ukushinta fye napa bushiku apitilwe ukufuma kuli fwebo, umo pali fwebo ali nokuba kambone ku kushikuka kwakwe.'' ²³ Balibulipo abantu babili, Yosefu ukutwa Barsabbas, kabili uo baininikile Yusutas, elo na Mattias. ²⁴ Balipepele elo nokulanda ati,''Mwebo, Shikulu, mwebaishiba imitima ya bantu bonse, kanshi tusokolweleni pali aba babili umuntu uo musalile ²⁵ ukubula amalo muli uyu mulimo wa butumwa uo Yuda afutukile no kulola mu nshila yakwe umwine.'' ²⁶ Elo balipendwile pali bo, elo nokupendula kwabo kwaile pali Matia, elo balimupendeele pamo pa batumwa abali ikumi limo na umo.