¹ Kabili ilyo Yesu alepita mu Sinagogi, kwali umwaume uwalemene ukuboko. ² Abantu bamo balipalamine ukuti bamone ngacakutila kuti amuposha pa bushiku bwe sabata pakuti bamutunganye. ³ Yesu asosele ku mwaume uwakwete ubulwele kukuboko, ''Ima na ukwimanina palya pakati kabantu bonse,'' ⁴ Kabili asosele kubantu bonse, ''Bushe cisuma ukucita icisuma pabushiku bwesabata nangula ukucita icibi; ukupususha umweo atemwa ukwipaya?'' Lelo balifye tondolo. ⁵ Aloleshe bonse uku no ku mubukali, kabili alifulilwe pamulandu wabunkosa mitima, kabili asosele ku mwaume, ''Fungulula ukuboko kobe,'' Nao alifungulwile na ukuboko kwakwe kwalibwelemo ukutuntulu. ⁶ Kabili aba Farise pakufumamo batampile ukupanga amano yakumonaula. ⁷ Kabili Yesu, ali na basambi bakwe ilyo baleya kumumana ibumba ilikalamba ilya fumineku Galili elyo nabafumine ku Yudeya balebakonka ⁸ nabafumine mu Yerusalemu naba fumine mu Idumeya na bafumine kwishilya lya yordani naba kumbali ya Turi na Sidoni. Nelyo baumfwile ifintu alecita, nabantu abengi baishile kuli wene. ⁹ Aebele abasambi ukumupekanishishako aka bwato aka nono pamulandu wakufula kwa bantu, mukweba ati tabamutitikishe. ¹⁰ Pantu aposeshe abengi, ecalengele bonse abatitikishiwe bakabile wene pakutila bamukumye. ¹¹ Nelyo imipashi shakowela shamumwene, shaponene panshi nokubilikisha na ukulanda ati, ''Uli mwana wakwa Lesa.'' ¹² Kabili aikonkomeshe apakalamba kuti emusokolola. ¹³ Aile ku lupili, kabili akutile bonse abo akabile, kabili balishile kuli wene. ¹⁴ Asontele ikumi limo naba bili [abo ainike abasambi] pakweba ukutila bengaba bonse kabili abo engatuma mukubila imbila nsuma, ¹⁵ Kabili na ukukwata amaka ayakutamfya ingulu. ¹⁶ Asontele ikumi limo na babili: Simoni, uo apele ishina lya petelo, ¹⁷ Yakobo mwana Zebedi, na Yoani ndume yakwa Yakobo, uo apele ishina lya baonergesi, Ebana ba kunda, ¹⁸ na Andileya philipo, Batolomeyo, Mateo, Tomasi, Yakobo mwana Alufeyo, Tandeyo, Simoni Siloti, ¹⁹ na Yudasi Esikalyoti uwa mubembele. ²⁰ Kabili aile kung'anda, nebumba ilikalamba lyaishile pamo nakabili, pakweba ukutila tabalilepo nangu mukate. ²¹ Nelyo balupwa bakwe baumfwilefi, baile mukumusenda , pantu baletila, ''napena.'' ²² Bakalemba abaishile ukufuma mu Yerusalemu batile, ''Alingililwa nefimipashi fya Belesebu.'' na ''pamulandu wabutungulushi bwa ngulu emo alefumisha ingulu.'' ²³ Yesu aitile bonse kuli wene na ukubeba mumulumbe, ''Kuti Satana atamfya shani Satana munankwe?'' ²⁴ Ngacakweba ati ubufumu bwapatukana ubwine, ubo bufumu tabwakeminine. ²⁵ Ngacakweba ukutila ing'anda yapatulukana iine neyo ng'anda twkuti iminine. ²⁶ Ngacakweba ati Satana aiiminina nokupatukana tekuti eminine, lelo ine naisa mukupwisha. ²⁷ Lelo takuli nangu umo uwingengila mu ng'anda yawa maka naukupoka ifipe fyawa maka kano atala amukaka uwamaka, elyo nomba engapoka ifya mu ng'anda yakwe. ²⁸ Ndemweba icine imembu shabana ba bantu shikelelwa nabonse abo abaponta, ²⁹ Lelo kuli abo abapontela mupashi wamushilo tabakelelwe, lelo abo abalubembu lwesonde. ³⁰ Yesu alandilefi pamulandu wafyo balelanda, ''Alinemipashi iya kowela,'' ³¹ Elyo banyina na bandume bakwe baishile baimanine panse. Batumine kuli wene, uwakumwita. ³² Abantu abengi baikele abamushinguluka kabili batile kuli wene, ''Banoko na ndume Yobe bali panse, kabili balefwaya iwe. ³³ Abaswike ati, ''Bushe bamayo na bandume yandi nibanani?'' ³⁴ Aloleshe bonse abamushingulwike abaikele kabili abaikele na wene na ukubeba, ''Moneni, pano epali bamayo nandume yandi! ³⁵ Uyo onse uucita ubufwayo bwakwa tata uyo muntu ni ndume yandi, na nkanshi yandi, kabili ni mayo.''