¹ Ulekubebukisha ukunakila intungulushi kabili nabali mu maka, baleku bomfwila, balekuba abakuipekanya ku mulimo onse uusuma, ² bela kusaalula nangu umo, bela kuba nabukabe bwa kulwa, kabili balekuba abafuke, balekulanga ukuicefya konse ku kwangwa uli onse. ³ Pa muku umo nefwe bene twali imbulwamano kabili abakubula icumfwila. Fwebo twali tungulwilwe mukuluba kabili twa nonkelwe busha kufintu ifya kuibela kabili no lunkumbwa. Fwebo twa likeele mububi na kalumwa. Fwebo twali aba patwa kabili twaliipatene umo no munankwe. ⁴ Lelo ulo icongwe ca kwa Lesa umupusushi wesu kabili no kutemwa kwakwe pa bantunse kwa moneke, ⁵ te kumilimo ya bulungami iyo fweno twacitile, lelo niku luse lwakwe eko ena atupuswishishe fwebo, ukupitila mu kusambwa kwa kufyalwa cipya cipya no kuba abapya ku mupashi wa mushilo. ⁶ uo Lesa apongolwelele pali fwebo mubwingi muli kupususha wese Yesu Kristu, ⁷ mu kwebati pa kuba abakulungamikwa ku kusenamina kwakwe, fwebo twingesa kuba impyani pakukwata isubilo lya mweo wa muayayaya. ⁸ Ubu ubukombe bwa cishinka. Nebo nkofwaya webo ukonkomeshe ifi fintu, ukweba ati, abo abatetekela muli Lesa basakamane ukuibimba abene mumilimo isuma. Ifi fintu fya buune kabili fya milimo ku mun tu onse. ⁹ Lelo ulekuikanya ku fya kwipushanya fya buwelewele kabili nempendwa sha nkulo no bulaki kabili no bilwi bwa palwa malango. Ifyo fintu tafyaba na buyo kabili fya fye. ¹⁰ Ukane uli onse ukotenga ukulekana muli mwebo, pa numa ya kosokwa limo atemwa libili, ¹¹ pakwishiba ukwebati uyo muntu alyalukile ukufuma mu mbela ya lungama no kubembuka kabili no kuiseka umwina eka. ¹² Ulo nebo nkatuma Artemas nangu Tychimas kuli webo, ukendeshe kabili no kwisa kuli nebo ku Nicopolis, uko nasala ukwikala panshi ya mupepo. ¹³ Ucite ico wingacita webo ukutuma Zenas incenshi ya malango na Apollos mu lwendo, ukwebati bebulwa nangu cimo. ¹⁴ Abantu benu balingile ukusambilila ukuibimba abene beeka mu milimo isuma ukuti balekwafwa aba kokabila mukwangufyanya, no kwebati aba kubula mulimo. ¹⁵ Bonse abali nandibo ba kokuposha. Uposhe abo abatutemwa webo mu kutetekela. Ukusenamina kube nemwe bonse.