¹ Ubusokololo bwakwa Yesu Kristu ubo Lesa amupele ena ukulanga ababomfi bakwe ifili nokucitika mukwangufyanya. Alicilengele ukwishibwa pakutuma umungeli ku mubomfi wakwe Yohane. ² Yohane alipele ubunte palwa cebo cakwa Lesa no bunte bwakwa Yesu Kristu, ifintu fyonse ifyo amwene. ³ Alishuka uyo akobelenga akobilikisha ubu ubusesemo nabo abakoumfwa ku mashiwi ya ubu ubusesemo nabakonakila kufyalembwamo, pantu inshita ilipalamine. ⁴ Yohane, ku nkuta cine lubali isha mu Asia: Uku senaminwa kube kuli mwebo no mutende ukufuma ku waba kabili uwaliko kabili uuli nokwisa, nokufuma ku mipashi cine lubali ishaba ku cipuna cakwe. ⁵ Nokufuma kuli Yesu Kristu uuli ni kambone wacishinka ibeli ukufuma aabakufwa kabili kateka wa shamfumu shapa calo. Kuli uyo uwatutemwa kabili uwatulekelela fwebo ku membu mumulopa wakwe. ⁶ -alitulenga ukuba ubufumu bushimapepo kuli Lesa wakwe kabili wishi -kuli ena kube ubukata na maka umuyayaya umuyayaya. Amen. ⁷ Moneni, akoisa ne kumbi ilinso lyonse likamumona, pamofye naba mulashile. Yonse imitundu ya pa calo ikalosha pamulandu wakwe Eee, Ameni. ⁸ "Ninebo Alfa kabili ninebo Omega." efyalanda shikulu Lessa, "UUliko uwaliko, kabili uuli no kwisa, uwamaka yonse. ⁹ Nebo ne Yohane-munyinenwe kabili umo uwakumako pamo namwebo mumacushi no bufumu nokuteka umutima mukushipikisha ukwaba muli Yesu- nali pa cishi icalikwitwa paitimos pamulandu wa cebo cakwa Lesa no bunte bwapali Yesu. ¹⁰ Nali mu mupashi pa bushiku bwakwa shikulu. Kunuma yandi nalwumfwile ishiwi ilikalamba kwati nintandala. ¹¹ Lyatile, "Lemba mucitabo ifyo wamona, nokucituma ku filonganino cine lubali ku Efeso, Simina, Pagamo, Tiyatila, Sadisi, Filadelfia naku Laodikea." ¹² Nalipilibukile kunuma ukuti mbone lishiwi lyakukwilyali kulanda kuli nebo nelyo napilibukile nalimwene ifya kutekapo inyali ifya golide cine lubali. ¹³ Pakati kafyakutekapo inyali pali umo uwalikumoneka kwati mwna wa muntu, dalifwele umwingila uutali uwafikile panshi ku makasa yakwe elyo dukushinguluka icifuba afwele umushipi wa golide. ¹⁴ Umuntwe no umushishi wakwe wali uwakubuta tuutu kwati butonge nangu kwati bunga bwamfula - na menso yakwe yali kubati lubingu lwa mulilo. ¹⁵ Amakasa yakwe yali kubengeshima kubati mukuba, ngo mukuba uwalopololwa mumulilo neshiwi lyakwe kubati ciunda cacipoma ca menshi. ¹⁶ Alikwete Intanda cine lubali mukuboko kwakwe ukwa kulyo, kabili no lupanga ulwatwa kubili lwalikuma mukanwa kakwe. icinso cakwe calikubebgeshima kwati kasuba ngakabalikisha. ¹⁷ Ilyo namumwene, nalilwile pa makasa yakwe ngo muntu uwwakufwa. Alibikile ukuboko kwakwe ukwa kukulyo pali nebo nokulanda ati, "Wiba no mwenso. Nine wantanshi kabili uwakulekesha, ¹⁸ kabili uwamweo. Nalifwile, nomba mona, ndi uwa mweo umuyayaya pe! Kabili ndikwete imfungulo sha mfwa na ku mbo. ¹⁹ Eico lemba ifyo wammona ifilipo nomba, nefikesa kucitika panuma yaifi. ²⁰ Nomba pabupilibulo ubwafiswa palwa ntanda cine lubali wamwene mukuboko kwandi ukwa kukulyo, nfya kutekapo inyali ifya golide cine lubali: Intanda cine lubali ni malaika bakufilonganino cine lubali, ne fya kutekapo inyali cine lubali filonganino cine lubali."