1
Jizu sama ané kuiné dôsu sô da ané pôrê ku atôridade ku pôrê diba turu demono pa kula doêtxi.
2
Ê manda ané ba fa lumba Alê Dêsu y kula doêtxi.
3
Ê fa ané: na zi viaji ku né whã kua wha. Né borô, né bamba, nen mpó, né lêlu, né kabixi.
4
Kua kuali kay ma sê letxa ta né atê sê ka siê fô nha.
5
Ola ma ane na ka tua së wa, ma se ka sie fo poso, sakudi mavu ope sê ny sêsêminha kontlê ané.
6
Ané ba vila, ka lumba vangelu sô ka kula nkênu turu lugé.
7
Herode, govenarô ndê turu kua ta ka ra ê mandjinga, punda whã ta ka fa ma Zon Batista tô kora motxi.
8
Whã ta ka fa mê sa Ilia ku tô bi sô otô fa pofeta nanana ku tô bi.
9
Erody fa: Zon un mba pa koté ntê, sô nkênu kutxi ka pô tô bi fa un ané kuê! Herode ngolo otô mora pa ê bê Jizu.
10
Ola ané kuiny dôsu apostulu ma Jizu manda tô bi, ané konté turu kua ku da. Sô Jizu bé ku ané whã poso ma ka sama Betizaida,
11
mazi yô povô ndê kuê é bé mema Rê. Ê zunta ané tuné, fa dy Alê Dêsu y kula ané isi ku ta mêsê yôgo.
12
E tava tagi za ane kui dosu fe, manda yo nkenu bene dy mora pa ane ba vila masi petu ba kolo kay e me pa ane me, punda nga ma nõ sa ne sa londgi.
13
Magi E fa ane , da povo me. Ane fa No na te masi do ke tano mpo ku dosu kike. sela no ba kopa meda turo nkenu e.
14
E tia kuase tano mile ome nha.So e fa ane maelu Re. Zi ane taso ni gupu de xiquenta nkenu.
15
Sô ané zi turu nkênu tasó.
16
Ê tê tanó mpó ku dôsu kikê biri whê ra onsé y bênsué kêbié dxigi manda ané da pôvô.
17
Turu ngê mé ta satifêtu sô sia kuiné dôsu zongê mé ku sobla.
18
Ê da ma Jizu ta ka zongo sô ané mêlu rê tava kuê. Ané punté nkênu kutxi ma pôvô ka fa Ân sa.
19
Ané kundji whã whã ka fa ma Ô sa Zon Batista, otô ka fa Ilia, otô ka fa ma Ô sa pofeta antigi ku tô bi.
20
Ê fa: Mzi nkênu kutxi ma sê ka fa Ãn sa! Peru kundji fa: Bô sa Kistu dey Dêsu.
21
Mazi Ê fa ané pa ané na whangé wha,
22
Ê fa: sa plisizu pa ná omé padisê yo kua pa ané ansio zété ra ané sefi sasedoty, ra eskriba, ka muê tô kora ny têsi ria.
23
Si nkênu mêsê bi lêlê un, ê ka nega êlê mé, tua kusu kara ria tô nda ky ãn.
24
Nkênu ku mêsê sava vira rê ka ba pendê, mazi nkênu ku pendê vira rê punda Un ka sava.
25
Punda kuali kua buaru tê da nkênu ku mêsê nganha mudu turê, mazi pendê ô loké ku vira rê.
26
Nkênu ku tê vengonha Un ku lumba Un, na omé ka sa ku vegonha rê ola ma ê ka bi fô goia Rê, ku goia Papa ku anzu santu.
27
Véré mé nga fa sê ê tê whã sê ku sa ingé ku na ka bê motxi antê ma Alê Dêsu ka bi.
28
So e ra, ma ni nake ria ola e loke lumba e, Jizu be ku Peru Zon ku Tiagu,so banda mundu ba fa lason.
29
Ma e ta ka fa lason, polo re mura, ma ate jabise re bila ziaru mengemenge.
30
So dousu ome ta nha ka lumba Kue, Mose ku Elia,
31
so vitxa ku turu goia, ane fa di banda RÊ ma Ê petu kumpi ni jerusalem
32
So Peru ku ane ku ta RÊ ta fakesiru ku sono mazi ola ane kora, ane be pure Jezu ku dousu ome ku ta kota RÊ.
33
Ola ane sie fo kota Jizu, Ê fa Peru :'' Mese, inga bua pa non ta ne. Non kazi tesi kilala wha ra Ô ra Muse ku oto ra Elia.'' so e na ta kua me ta fa wha.
34
Ma e ta ka fa ane kua e, wha omboxi bi lamba ane ku sombua re, ane ta fika ku mendu katxi omboxi ê.
35
Wha vozu sie katxi omboxi e fa ;'' ywe sa Mosu Un, man koie; Nde-ê''.
36
Ola vozu e ndja, Jizu ta so ane kaboka , ria me ane na fa newha ma ene be ra newha kenuwa
37
E ra ma oto ria yo nkenu bi Lele ola Ê ta ka tuka.
38
Wha ome katxi ane ngita fa:'' Mese, nga pindji Ô pia mosu un , punda e sa uniko ma te.
39
So wha Supitu bi tua konta re, taso e ngita ku taki ka luka fusa boka. Supitu e kusta sie nê, re pankara fogawha.
40
Un pindji ane melu Ô pa ane kole kue, mazi na poi wha
41
Jizu kundji ane ane fa:'' Gelason ku na kele wha so pekaro, ate keria ma nga sa ku se ka ngunta? Biku nku mosu ô inge.''
42
Ma mosu ta ka bi, so demono e zuge pe son re taki. Mazi Jizu keta ku supitu e yogo mosu e so tua ra tata re.
43
Turu nkenu babaka ku porê Desu. Ma turu ane ta babaka ku turu kua ma Jizu zi ,e fa ane melu Rê:''
44
Pe ane kua e lumba oria se: a ka bi trega Na Ome mon ome.''
45
Mazi ane na ta kua ma lumba sa wha, kue konde ra ene pa ane na te wha. So ane Pute ri kua ixi ma e fa.
46
Sô ané disipulu komesa ka pufia katxi ané mé dy kuali ku sa masi ngairu.
47
Mazi Jizu ta kua ku ta ka pasa kosó ané ê tê wã ná pikina pê kota Rê,
48
fa: Nkêniu ku tua ná pikiná é mora Ãn elê turu tua Un tô tua nkênu ku manda Un. Punda nkênu ku sa masi txo katxi sê ié sa masi ngairu.
49
Zon fa: Mesé non bê nkênu ka txia demono ny nomi Ô sô non puvi ané , punda ané na ka nda ky bÔ wha né non.
50
Mazi Jizu fa ané: Na puvi ané wha punda nkênu ku na sa kontra sê wha sa ku sê.
51
E da ma, ane ta pa ane bê Jizu ka subi, ê zi séru pê ba Jeruzalê sô
52
ê manda ná lekaru ba whê. Ané letxa whã vila samaritanu pa pepara ria mê ka xiga.
53
Mazi ané nkênu nha na tua ané wha, punda whê ané tava pa ba Jeruzalê.
54
Sô ola ané nkênu Rê Tiagu ku Zon bê kuê é ané fa: Sun bô mêsê pa non manda fôgô fô onsé pê kéma ané.
55
Mazi Jizu bila whê lepêndê ané .
56
Sô ané ba otô vila.
57
Ola ané tava mondja ka bé whã nkênu fê: nga bé ky Ô nga ma Ô ka bé.
58
Jizu fa: Lagaia tê kobo rê sô xitu onsé tê kama rê mazi, na omé na tê nga pê ntê né wha.
59
So E fa oto nkenuÇ lele Un. Mazi e kundgi. sum, pemite pimêlu pa un tia tata un.
60
Mazi Ê fa: Desa nkênu muêru tia motxi rê bô sô ka bé ku lumba Alê Dêsu turu nga.
61
Otô nkênu turu fa: Ãn nga nda ky Ô Sun, mazi pimity pimêlu pa un ba fa ané kay un mantxa.
62
Mazi Jizu fa ané: Nkênu ku pê mon karosa sô ka pia méma na sa buaru da Alê Dêsu wha.