¹ olá ma kué é ra, jizu koesa ka nda turu pósó vila ka plega ka fa kua buaru di goveno Desu. só huiné dosu melu re bé kue. ² Ané beku kuiné dosu mengai ma e kula supita buku ku doetxi sa ané: Maia, ma a ka sama maralena, ma sambari demóno si é onge re. ³ Zuana, mengai kuza, ku ka tabá sikitoli Heloi, Suzana ku ku oto mengai kuka biku yo kéga ku oto oto kua. ⁴ So yo nkenu zunta, ku nkenu ku bi fo poson bi pia Jizu so fá ane ni wha vesu. ⁵ Wha simia ro sie bá simia wha dosu kie boro mondjá, situ onsé mé loké. ⁶ Oto kie katxi buru e kutá ma e nata ku mavu wha e kuta bere. ⁷ so oto kie katxi ngá ku pina e kula kue mazi e foké ta. ⁸ Ma oto kie nga mavu e kula buaru ma wha koie ma ane koie dosu rentú masi, Ola Jizu fá kue é e ngita ku fosa: nkenu ku te oria d de nde ka nde. ⁹ So ané melú re pute, kuai vesu e mesé fa. ¹⁰ Jizu fá ané a ra se mora ta pore Desu, So a ka sina se ku vesu so ma ane po té we ane na ka be wha, ma ane po nde ane na ka té wa. ¹¹ Nesu é ka fa asi: wnkue e sa lumba Desu. ¹² Unkue ku kie boro mondja sá nkenu kuka nde, mazi demóno ka bi tukua lumba e kosó re pa e na kele, pe sava wha, ¹³ Wnkue ku kie katxi buru sa isi ku ka nde lumba ku goso. ma e na te leji wha. E ka kele txo so olá e ka seka parise e ka to sie bere. ¹⁴ Un kue ku ka kie ka txi pina sá nkenu ka nde lumba e ka lele mondja re ola kua a visa e ka koké ku likeza antó e na ka ra me wha. ¹⁵ Mazi unkue ka kie mavu buaru sa nkenu si ku ka loke ku koso buaru ku ka nde lumba ka te e e ka ra me ka ka langa. ¹⁶ Ne wha nkenu na ka yere kandja tua wha kua tape pe kosi kama wha. mazi a ka re riba mesa ma turu nkenu ka po be kerari. ¹⁷ Punda turu kua ku sa konderu ka bi sa biriru punda keraré. ¹⁸ Anto nde kue e buaru, punda nkenu ku te a ka to ré masi e nkenu ku na te wha ate isi me ka mese sa kue a katxié. ¹⁹ Antó mama ku ane namon Jizu bi lele masi ane na po bi kota re wha punda yo nkenu. ²⁰ So ane fé: Mama o kuane na amon o mese be o, ²¹ So Jizu fara ane: Mama un ku na amon sa ane nkenu si ku ka nde lumba desu ka zi. ²² So wha ane die e Jizu ku ane melu re letxa wha vapo so Jizu fara ane. ban ban ba oto kiba ovo, ae keta. ²³ So ola ane ta ka be Jizu dumi. So wha tovara ku ventu osi oyo ma vapo komesa ka sia ku aua, ma ane ta pigu foga wha. ²⁴ Só ané melú re ba kota re ba kota re ba koré fá: Mése, Mése, nó se ka mue so e kora, kole ku tovara e ku fosa aua e fica so e ra komaia. ²⁵ So Ê fa ane Afé sê ô. ku mendu ma ané babaka, wha ané fa oto yé ngey ku ka manda ni ventu ku aua ma ane ka kundji. ²⁶ So ané ta tia ane jeraseno, ku ka sa oto kiba galileia. ²⁷ Ola Jizu pe opé son wha ome posó é ba lele i ome e ta ku demóno yo ria má e na ka bisi kabisi wha i e na ka ta kai wha masi letu siminéli. ²⁸ ola e be Jizu e ngita pe mpuna só kotá re, so e ngita ku fosa fá. Kua ma nté ku bo, Jizu Nan Desu Zangaru.Un se ka pindji o na tometa um wa. ²⁹ Punda Jizu ta kole kue pa e fo omé é punda yo ve e ta ka tua konta re. E po já ta pezu ku lenge ku soré ku ta konta re, e ka kebia lenge ta, e ka bere wha nga se ne wha kua ne ku demóno. ^{30 31} So Jizu Puté: Nomi o kuaí, e fá: Motxi ru, punda yo demóno ta letxé. So e ngita pa Jizu na man de ba nfenu wha. ³² So yo poko ta matu mé, o demóno é ta ka pindji pa e leta ané poko é: So Jizu kundji ané zi kua é. ³³ Sô ané demóno sie o oméé letxa poko so tua ane poko é tapaya kole oyo foga loké. ³⁴ Olá ané omé ku ta ka tua konta ané pokó bé kua e é ané kolé ba fa kua é é ni posó ku faqueja á. ³⁵ Ané nkenu ku nde turu kua é ba pia mora ma kué é sá, ané vitxa kotá Jizu, ané be omé si ma demóno sie né. E ta bisiru buaru, tasoru opé Jizu, olá ané be kua e é ane mendu. ³⁶ Ane nkenu si ku mora ma kué é ra tanga oto nkenú, mora má omé é ta pezu mó demóno má e sava. ³⁷ Turu nkenu tia gerazenu ku turu kiba pindji pá Jizu fo katxi ané, punda ané ta ku mendu foga wha. So Jizu letxa vapo pa e bere. ³⁸ So omé si ma demóno sie né pindji pa Jizu ka dessé bé kué,Jizu fé: ³⁹ Toba kai o bá ta siga kua ma Jizu zi ra o.So omé e bere modja re turu posó ba tanga turu kua ma Jizu zi ré. ⁴⁰ Ola Jizu be to bi nguenu gogo kue punda ane ta ka waré. Nha ta wha omé ma a ka sama Zairu é ta sefi wha ngueza. ⁴¹ Zairu pe mpuna só koa Jizu pindji é pa E ba kai re. ⁴² Punda Wha wniku naré, kuté kuine dosu anu ta ka mue. Olá ma Jizu ta ka bé nkenu ta ka pemé. ⁴³ Wha mengai ku ta ku kuine dosu anu ta ka sufi ku sangi ka kolé i é ta katxi yo nkenu. ⁴⁴ E ta gastaru yo bebe ku Dotoló, ma Jizu te koro mata re saia ele mé sangi é ndja. ⁴⁵ Jizu fá: nkenu kutxi ku baté wn. Olá ma turu nkenu, peru fá yo nkenu se ka peme o ka peta o. ⁴⁶ Masi Jisu fá. nkenu bate un punda un tá ma pore sie un. ⁴⁷ Olá mengai pia ma e na pai konde kua ma e zi wa, e bi ku mendu pe mpuna só kota Jizu. So fé biriru we turu nkenu da kuai ma e bate Né. Ku mora ma e kula wele wele mé. ⁴⁸ So Jizu fa: Na un, afé o luka o. Bé ni paji. ⁴⁹ Olá jizu ta ka fa anda wha nkenu bi fo kay sefi ngueza fá: Na komora ku mése wha. Na o mue za. ⁵⁰ So olá Jizu nde kua é e fa Zairu na mendu wha, kele so e ka salva. ⁵¹ So olá Jizu ndu kai, E na mese pa nkenu letxa wha, Peru ku zon Ku Txagu ku tátá ku máma na so. ⁵² Turu nkenu ta ka nguinta ka sua ré,mazi e fá: Na sua wha, ⁵³ E na sa motxi wha e se ká dumi. So ane rie punda a ta me e sa motxi. ⁵⁴ Mazi e te mon ná é ngita fa: Né é lata. ⁵⁵ So supito, é fo né so e lata hola é mé. so e fa da mé. ⁵⁶ Tata re babaka, mazi e le ke ané pa ane na tanga ne wha nkenu kua e wha.