¹ Olá Jizu loke di fa turu lumba ê ra povô ê letxa kafanaun. ² Wã na kia sefi ma ané ka ngôgô kuê masi, ta ka doetxi petu muê. ³ Ma ané ndê fana Jizu, sefiê mandé wã dosu zurê kua ka ra konsê pindjê pê bi sava na kia rê. ⁴ Ola ané vitxa kota Jizu ané pindjê foga wua: ⁵ "Punda ê ka poi zi kua ê, punda ê ka gôgô ku nkenu tia non, e ele sô zi sinagoga ra. non. ⁶ Sô Jizu lelê mondja rê ku ané. Ê na ta lodji mé wua, soré ê manda ané migu rê ba fa ané: Sumu ê na komoda wua, na sa buaru pa bô letxa kai un wua . ⁷ Punda lazon ê mé ma na sa buaru di ba lelê bô wua. Lumba wã kua só na kia un ka yogó. ⁸ Punda un sa sefi soré, un tê soré ku ka ndê kua ma nga fa nga ma ye: "bé" ê ka bê ê ka bi; nga manda otô "bi" ê ka bi; nga fa na kia un: "Zi ye" ê ka zié. ⁹ Olá Jizu ndê kua ê, Ê babaká, só bila ra yô nkenu ku ka lelê fa: nga fa sê ma ne Israel un bê nkenu ku ndjigi a fé ê". ¹⁰ Só ané nkenu si ma a manda ba lelê Jizu tô vutuka ba kai só bê na kia ê ku saúré. ¹¹ Sô kua é ra ma Jizu ta ka ba wua pason ma a ka sama Naim. Ané melu rê ta ka bé kuê, ku yô nkenu. ¹² Ola ané vitxa póto poson, ota ka kega wua homé motxi, uniku mó sa mama rê. Ê ta mengai solê, e yô nkenu pason ê ta kota rê. ¹³ Posson ê olá Jizu bê mangai ê ê fa tê pena rê, sô ê fé: 'Na sua wua!" ¹⁴ Sô ê vitxa petu, Ê tua kason só ané nkenu ka ta ka kegé ndja, sô Ê fa: ¹⁵ Mosu ê nga fara ô lata komesa ka fa sô Jizu ra mama rê elê. ¹⁶ Sô turu ané ta ka mendu kamesa ka ra Desu ngóia ka fa: "wã nkenu ngai ku ka ra lekaru Desu sa katxi mon. Desu ta ka pia povô rê. ¹⁷ Sô fama Jizu wuanga turu zuré, ku turu kiba petu. ¹⁸ Ané melu Zon tanga kué ê re: ¹⁹ Só Zon sama dosu melu ré ba lelê Sun ba fa. Bô sô ta di bi ô non ka wuar otô? ²⁰ Ola ané bé Jizu, ané faré: Zon Batista manda non bi puta ô: Bô só sa di bi ô non ka wuara otô? ²¹ Ola ê mé ê kula yô duetxi, ku ta ka karisé ku supitu mali i yô segu ê biri wê. ²² Sô Jizu kundji ané fa: " Ba wanga turu kua ma sê be tô ndê. Ma nkenu segu seka bê lezaru sê ka nda, dedu ku mon kotaru seka yogô sura seka ndê, motxi seka kora nkenu ku mesê seka ndê lumba Desu. ²³ Ma turu nkenu na ka desa de kelê ni Nomi un ku kua ma nga zi wua. ²⁴ Ola ané na lekaru Zon béne, Jizu komesa ka fa ra yô nkenu vira rê. ²⁵ Kuai ma sê ba bê letu matu? Kuai ma sé ba bê? Whã homé bisiru ka bisi fina? Sê ma nkenu vira di luxu ma ané sá palaxu. ²⁶ Masi ku sê ba bê? Wã pofeta? Ê ê ngá fá masi rokê pofeta. ²⁷ Yé sá nkenu si ma atá sisika nê: "Só un seka manda na lekaru un ba pólo sê, ma ê ka ba detê mondja rê wê rê. ²⁸ Nga fá sê ma katxi mengai ku mansé natê nkenu masi dê kê Zon masi isi ku sá masi txó ô róro ni ngobrnu Desu, sa masi ngai rokê". ²⁹ Ola turu nkenu ndê kua ê é, zuntaru ku ané kablarô lêlu, tu ané ka fa ma Jizu sa zustu, antó sá butizaru ku butizimo Zon. ³⁰ Mazi ané farizeu ku ané mésé alé zuré zeta konsé Desu pa ané mé na sa butizaru da ané wua. ³¹ Nkenu kutxi ma nga mindji ané lasa é ku ê? nkenu kutxi ma ané kokô? ³² Ané sá mora na kikina ku ka foga letu plasa ka tason ka sama ôtô ka fai non toka pitu sê na fogawa. Non kanta whã vungu ntelu sê na sua whã. ³³ Zon Batista bi ê na mé mpôn né bebê vin whã sê fa: "Ê tê demónu. ³⁴ Na homé bi mé bebê sê fa: "Ya whã homé fontaru ku ka bebê vin fogawa, migu kobladó ompostu ku pekaró! ³⁵ Masi nkenu ku ta kua kabi sa faru da turu na rê". ³⁶ Sô whã farizeu ta ka pindji pa Jizu ka komesé kuê. Sô Jizu letxa kai farizeu ê sô Jizu kluva pê mesa pa ê mé. ³⁷ Y poson ê ta ku whã mengai pekaró. ³⁸ Sô Jizu kundji ê fa: " Simon un tê kua di faré". Sô Simon fa: Mése pô fá! ³⁹ Jizu fa: "Dôsu nkenu ta ka devê whã homé. Whã ta devê kinhetu mile otô xikuenta mile. Ma ané na ta ku lelú di paga divida whã, homé é pora dodosu kuali ane ku ta ku amolê mas? ⁴⁰ Simon kudji: "Un pia ma isi ma a pora". Masi Jizu faré: bô sá setu". ⁴¹ Jizu fa: "Dôsu nkenu ta ka devê whã homé. whã ta devê kinhetu mile otô xikuenta mile. ⁴² Ma ané na ta ku lelú di paga divida whã, homé é pora dodosu kuali ane ku ta ku amolê masi? ⁴³ Simon kudji: "Un pia ma isi ma a pora". Masi Jizu faré: " Bô sá setu". ⁴⁴ Jizu bila rá mengai ê fa Simon: "Bô bê mengaiê? Un letxa kai ô bô na ka aua laba opé un whã, mazi mengai ê minha opé un ku aua wê só kutale ku pena ntê rê. ⁴⁵ Bô na beja un whã, mazi na un vitxa unge ê é ndja di ra opé un bêju whã. ⁴⁶ Bô na bua ntê un ku ólió whã, masi ê bua opé un ku pofumu. ⁴⁷ Ra ku e ê, ma nga fara ô ma yô pekaru rê sa poraru. Punda ê gôgô fogawa. Masi nkenu si ku ka pora pokô ka gôgô pokô. ⁴⁸ Só ê faré: "Un pora turu pekaró ô. ⁴⁹ Ané nkenu ku ta tasoru meza komesa ka fa ku ané. ya nguei ku ka pora aê pekaru? ⁵⁰ Sô Jizu fa mengai ê: "Afé ô sava ô bé ku paji."