¹ Ra Kua ê yó ngué ta zuntáru yngé ma otô komesa ka póto otô: Sô ê komesa ka fa, pumbêlu melu tua kautela ku fomentu farizeu ku sa siriga. ² Punda ê na tê kua kulu ku na ka bi biriruwa ê na tê kua konderu ma na ka bi ta wa. ³ Antó kua ma sé ka fa konderu a ka ndê ne kandja ê kua ma a ka fa né oria sê nê lêtu kai a ka ndê ne diba kai. ⁴ mazi nga fa sê, migu un, na mendu nguê ku ka mata ongê sô ma ê zi kua ê na ka pô zi ne whã kua whã. ⁵ Mazi nga viza sê ngê ma se ka pô mendu rê. Sê ka mendu nguê ku ka mata sê tê porê de zuga sê ba fenu. Asiê nga fa sê, mendu rê. ⁶ Ê na sá dôsu situ benderu ni dôsu lêlo? Asie mé Desu na ka kesê nê wa ané wherê wa. ⁷ Atê blople pena, ntê ané sa kontaru na mendu wa. Sê sa masi buado rokê yô situ. ⁸ Nga fá sê ma turu ngue ku ka kofesa ané zunta ami na homé també ka kofesa kota anzu Desu. ⁹ Mazi ngue ka nega nen konta homé ngá ne ge kota anzu Desu. ¹⁰ Nguê ka lumbá mali na homé a ká poré, mazi nguê ka fa mali Supitu Santu ye a na ka poré wa. ¹¹ Ola má ka bê ku sê wê sinagoga ané sefi ku nkenu ku tê porê, na ngolo mora fa ni defeza homé kua ama bô kaba fa wa. ¹² Punda Supitu Santo sô ka bá sinaô kua ma bô ka toka fa ola ê mé. ¹³ Sô nkenu katxi ané sé; Mesé fa na amo un pê patxi likesa ku a un. ¹⁴ Jizu kundjiê: Homé nguê zi zusi ô ku kundji ra sê? ¹⁵ Sô ê fa ané nkenu: Tu kuiraru lôkê ra turu nkenu ku ka mêsê yô ben wa. ¹⁶ Antô Jizu konta ané uã vesu: Mévia di uã homé liku da yô kua. ¹⁷ Ê pensa ku elê mé: A un na tô tê ngá zi? ¹⁸ Ê fa: kua ê ma nga ba zi; nga baga amazé ê gi otô maxi ngairu pa luma turu grôo e otô likesa. ¹⁹ Nga fá alima un: Alima, bô yô likesa lumaru da yô anu: Cansa socegaru, me, bebê i foga. ²⁰ Mazi Desu fa: Nsuku ê ka pindji alima ô! Kuai ma bô luma ka sa di ngêy? ²¹ Asiê sa nguê ku lokê yô lêlu ré, mazi ku na sa liku ku Desu wa. ²² Jizu fa da ané mêlú ré: "Aiê nga fa sê na vuru kua vira sê, kua ma sê ka ba mé ku ongê sê kua ma sê ka ba bisi. ²³ Punda vira sa masi dô kê mé ongê sa masi dô kê kua bisi ²⁴ Pi ené sitú ane na ka simia na ka koiê wa. Ené na tê despensa, nê alimazê, magi Desu ka ra ané mé. Sê valê masi rokê sitú. ²⁵ Sô kuali sê ku ka sa ku vontê, ka pô tô pê whã metlu vira rê? ²⁶ Sô si sê na ka poi zi né txô kua ê whã ma se ka ngoló zi masi? ²⁷ Pia ané fori mevia mora ané ka kula ané na ka tabawa na ka fia wa. Mazi turu kua ê nga fa sê ma salumó, turu gloia rê bisi mora ané wa. ²⁸ Si asiê ma Desu bici kapina mevia ku sai ozé mungu a ka zugué pê fóno, e ka bisi sê masi, homé pôkô a fê. ²⁹ Na ngoló kua mé ô kua bebê wa, na ka ta kanvoru wa. ³⁰ Punda turu nkenu tia ka ngoló kua ê tata ô ta ma bô ka mêsê. ³¹ Sô ngoló govieno Desu turu kua ê no ka lê. ³² Na mendu wa, ané ngué punda kua é sa vonté tata ra sê govenu. ³³ Bendê likesa sê so ra pobli. Sê ka zi bamba ku na ka bila vêwa, likesa ku na ka daná ni osé nga ma ladlon na ka vitxa bí futá nê bisu ná ka dané wa. ³⁴ Punda ngá ma likesa sê sa né ynge mé kasô sê sa né. ³⁵ Desu kua bisi sê peza ku xintu sé plontu, di sivi só pê kandja sê yêrêro. ³⁶ Ta mara nkenu ka ka wara mêsê rê. Toba fesa kasamentu ra ola ê ka vitxa só batê, sê ka biri poto serú. ³⁷ Nga gôgô ku nkenu ma ka bê ka zango ola mêsê rê ka bi veré veré nga fa sê ku ele ka pê ka bisi sê longo mé ka kui ni xinti, só ê ka tassó ku ané ni mesa ka mé, antó nguê ka bi sivi ê. ³⁸ Si Sun ka bi ni segunda vigilia ri ngué ku ô atê ê pô ra di tiserú buaru, alume mêsê ben venturaru sa kenu ê. ³⁹ Bô tê ku ta ki: Xi Sumu di kai ta ola má ladró ka bi, ê na ka lega ku kai rê da nawa. ⁴⁰ Bô tê ku sa prepararú, punda no na tê ola ma Ná homé ka bi wa. ⁴¹ Peru fá: "Sumu bô só ka konta vesu xi ranó ô ra turu nkenu? ⁴² Só Sumu fá: "Ngué sá dirizetê setu, ku ta kua, a nkenu ma Sun kúnfia nê pê zura nkenu ma pê kontaré pê suza ané ni ola setu? ⁴³ Ben-venturaru nkenu xi ma Sun ka bi ka zi axi ola êka bi. ⁴⁴ Veré veré nga fa cê ka kêlê me sa uva nguê buaru. ⁴⁵ Magi xi nkenu ê fa ni kosó ré: " Sun longa di, komesa ka beta ané na kiaré, ka meré ka beberé, ka beberá; ⁴⁶ Sun di nkenu ê ka bi uã ria mé na ka wara wa, ola mé na ka tá wa, ê ka katxiguê ê ka pê ni lugué di ané nguê ku na ka kêlê palavra wa. ⁴⁷ Nkenu ixi ku tá ma Sun rê, só ka bi, na sá ku uã virá buaru wa, ô kazi kua ma Sun mêsê wa, ê ka tua xikotxi ku yô gopi. ⁴⁸ Magi nkenu ku na ta ê gi kua boaru re kastigu, a na ka dê xikotxi motxi wa. Turu nkenu ma ka dá kua motxi, yô kua ma ka mêsê ni morê, nkenu ixi ma ka kelê nê, yô kua ma ka pindji ê. ⁴⁹ Hun Bi zuga fôgó ne txia i kuma Hun ma ê ka sá fereru za. ⁵⁰ Magi Hun tê uã batizu ma uã ka ba sa batizaru, mora ma uã sa na so ka xintxi buaru wa atê me ka axi. ⁵¹ Sê kunda ma auã likê pagi nê txia? Nga fa sê kua na, magi Hun bi ku divison. ⁵² Ai ê ka sá tanu nkenu leto uã kai patxiru: "Tesê nkenu kali dossú nkenu i dossú ka bi tesê. ⁵³ Ané ka sá patxiru: Tata, kontlá mosú i moê kontla tata, mama kontlá na, na kontlá mama, sóga kontlá nora, nora kontlá sóga. ⁵⁴ Jizu tê fá turu nkenu: "olá sê ka bê ombó xi kali ne ostê, só só ga fa sê: Uã suba só ka bi i axi ê ka sá. ⁵⁵ Olá ventu sulu ka ventá nga fa sê: Sá ká bi uã kalôlô! ⁵⁶ Fingiru sê ta naliza xinali di tia ku océ, sô sê na ta naliza kua ku sô ka da aiê? ⁵⁷ Punda kuai sê na naliza kua ku sá buaru da sé me wa? ⁵⁸ Olá sê ka bê ku numigu ô ni wê di uã zuxi, ê ka manda ô pô resovê poblema kuê ne mondja, pê na rasta ô bê ku ê ra zuxi wa, só zuxi ka bé ku ô da guara perô so guaro ka pê ô ni pesu. ⁵⁹ Hun ga fá ô bô na ka xinha sê ô na paga lelú wa.