¹ Sô rá Jizu ta wha nga ka fá lasôn, ola ê loké, whã maelo fá: Sun moé xina nón fá lasón: mora ma Zon xina éné maelo-rê. ² Jizu fa: sê ka fá lasón axi: Tata, santifikaro sa nome Ô. Bi ku alê ni vira nón. ³ Danó whã pó kara ria, ⁴ póranó pekaru nón, mo ma nó ká pora nguê devedoru nó, liva nó ni mali. ⁵ Jizu fá: kuali nguê ni katxi sê, tê whã migo ku ka bê ni mía motxi atê elê, ka fa: Migo, pesa a un tese pó. ⁶ Punda un-ua migo un xiga wélewéle de viage e an un na tê nin kua pa an un oferesê-wha, ⁷ sô, nguê ku sa letu kundji-é: Na vugo wa, poto sa fissaru, éné mosso un ku an un sa ni kama. An un na ka pô lata ra ô, kua mo mesê wa. ⁸ An un nga fa sê, mora mê na lata pa da Reno-é po me sa migo rewa, madji axiemé ê ku lata punda mora mê tia ka pindji ê ra nguê i turu mé tia ka mesê. ⁹ An un té ka tô fa sê: pindji a ka ra sê, batua i bô ka bê, batê ê ka biri. ¹⁰ Punda turu kua ma ka pindji, bô ka tué, kua ma ô ka ngolo, bô ka bê, nkênu ka batê, Ê ka biri. ¹¹ Kuali Tata ni katxi sê, xi ná pindji-é un-wa kikê, ni nga di kikê ê ka ré whã kiongô! ¹² Ô, xi ê pindji un-wa ôvô, ê ka ré un-wa skopion! ¹³ Punda si sê, ku sa mafé tô ra kua buaru da ná sê, kuanto maxi Tata sê ku sa onsé ka da sê supito Santo da nguê ku pindjé. ¹⁴ De ôto ola, Jizu ta kolê mema demóno, ku ta ni un a moso ku na ka ta fa wha. Olá ma demóno xiê, moso ku na ta ka fa wa bila ka fa. Turo nkênu adimira. ¹⁵ Magi ôtô nkênu fá: Ê sa Belzebu, prinsipe demono, ni ka txia demono. ¹⁶ Oto nkênu tia ka fa kué ka ngoló-né un ua xinali de onsé. ¹⁷ Maji Jizu konsê pensamento ane fa ané: turu alê batiro kontra elê mé e ka dana e ka kiê turu kai bathiro kontra elê mé. ¹⁸ Sê satanas kontra elê mé sa batxiro, ma reino rê ka sa. Sô nga fa sê ku ¹⁹ An un txia demono ku Bezebu, kali nguê ku ka txi-é ni onguê sê! Punda kua ane sa juxi sê. ²⁰ Magi si ê sa dedo de Dessu ku An un ka txia demono, Antó Alê di Dessu xiga atê sê. ²¹ Ola whã ome maxi forte, ka sa turu lumaru, ê ka lokê plopi kai rê, bem rê sa seguru. ²² Magi ola whã Ome maxi forte ka deroté, txié é armadura sô patxi turu bem rê. ²³ Nguê ku na sa ku An un wha sa konta un, e nguê ku na ka zunta ku an un wa, ka wanga. ²⁴ Ola un-ua supito mali ka xiê di un-ua nkênu y ka nda ni lugué kutaro ka ngolo repouso. E na ka bê wa, y ka fa: An un nga tô bá kai un, andji ma un biné. ²⁵ Ê ka bé, y ka bi kai y limpuro lumaro. ²⁶ Sô ê ka bi ku ôtô sambare supito maxi piolo, y turo ome ka vivê ingué. Antó mora di vira di nkênu-é ka bila piolo do kê pimelo. ²⁷ Sô ê da ku-Ê fa ené kua-é, un-ua mengai ni katxi ane nkênu lata vozi y fé: Bendito sa bega ku gera Ô y mama ku Ô mama. ²⁸ Magi Ê fa: Antege, bendito sa nguê xi ku ka ndê lumba de Dessu y ka lokê. ²⁹ Ola ma turu nkênu luma, Ê komessa ka fa: ené gerasson y un-ua gerasson mali. Ê ka ngolo xinali, magi né wãn xinali a na ka dé wha, xie ê na sa xinali de Jona. ³⁰ Sô mora Jona bila un-ua xinali da Ninive ta, axié té Ná de Home sa wha xinali da gerasson-é. ³¹ A lainha de sulu ká lata ni jugamento, ku ene nguê de gerasson-é y kondena ene, y bi ni tia londji pê ndê fa Salumó, sô inguê ya nkênu ku sa maxi ngairo dô-kê Salumó. ³² Ané ome de Ninive ka ba lata ni jugamento ku ene nguê de zerasson-é ka kondena un, sô ene ka rependê ni wê de pregasson de Jona. E inguê tê nkênu maxi ngai di Jona. ³³ Né un-ua nkênu ka iêrê kandja, pê ni leto luguê kondero, ô kossi de un-ua zonguê, magi diba kandelabro, da nguê ku ka letxa ka bê kandja. ³⁴ Wê ô sa kandja de onguê-ô. Ola wê-ô sa buaru, turu onguê-ô ka sa luziru. Magi ola wê sa mali, turu onguê-ô ka sa siaru ku kulu. ³⁵ Sô ta buaru pa kandja ku sa ni-ô na bila kulu wha. ³⁶ E sô, turu onguê-ô sa xiaru de kandja, si nin-wa lugué onguê ka kulu, anto turu onguê-ô ka sa mora kandja, ola brilho-ô ka lumina-ô. ³⁷ Ola Ê loke de fa, un-ua farizeu kuvira Jizu pê ba mé kué ni kai rê, antó Jizu bé tua luguê ni meza. ³⁸ Sô farizeu fika dimirado da ma Ê na laba mó antiji de mé wha. ³⁹ Magi Sun fé: Sê, farizeu, dipa lua onguê kupo vazilia, magi letu sê sa xiaru ku ngana ku mali. ⁴⁰ Ome ku na ka pensa buaru! punda nguê ku gi lua onguê, na ge letuwa. ⁴¹ Da pobli kua ku sa letu sê, turu kua ka sa limpuro. ⁴² Magi ai desê, farizeu, ku dá dizimo da hortelã y da arruda, y da maxi verdura, magi negligencia justissa ku amolê de Dessu. Ê sa nessessaro zi ku justissa y gógó ki Dessu, sê negligensia ôtô kua. ⁴³ Ai de sê farizeu ku ka gógó plimelo ngá bi nguêza ku sinagoga ka rspeita kumprimento ni prassa. ⁴⁴ Ai de sê, ku sa mora ximiteli disfassaru, ene nguê ka nda diba rê, sê ta. ⁴⁵ Un-ua messé alê fé axi: Messé kua mô ka fa ka insulta-nó. ⁴⁶ Jizu fa: Ai de sê tê, messé de alê! Ka nhé omé ku kega ma ene na ka pô kegawa, magi sê na messê tô tewa, né ku wa deru sê. ⁴⁷ Ai de sê, ku ka gi tumba da profeta ma ene lumó sê mata. ⁴⁸ Aximé, kelê ku kua ma ene lumó sê gi, y sê sa sestemunha ené, punda ené keuta kiba, mata profeta y sê gé tumba ané. ⁴⁹ Da lazón, sabedoria de Dessu fa: An un manda ene profeta, apostulo, ku ôtô a pissiguié, a maté: ⁵⁰ Antó gerasson-é ka ba responsabiliza di turu sangui profeta, lukuaru gina mundu komessa. ⁵¹ Gina Abelo atê Zakaria ku muê katxi altare ku santuario. Axi, An un nga fa sê, ku turu kué sa ra gerassón-é. ⁵² Ai, de sê messê de alê ku tua da sê sabi di konhessimento: Sê mé na si letxa y ka tô impide nguê ku sa letxa. ⁵³ Ola ma Jizu xiê nha, ane eskriba farizeu komessa ka fa kuê ka ji E pergunta de fô kua. ⁵⁴ Ngolo mora pa ané tê ni kua mê ka fá ni lumba-rê.