¹ dalam buku am tatulis sahumpan inya, Teofilus, saluruh ham jadi parah dengan ham dilajar Yesus, ² Sampai ari inya naik ka surga, salipas iyah inya mahoni parintah Roh Barasih, kan Rasul-rasul ham jadi inya pilih. ³ Kan urang, inya jadi rancak mamarah arep nya hirup sasiha, mahoni cara am batantu, akan urang maila inya, inya bapaner akan urang Rasul, nyaman tahoyu ujah Hatalla marentah bara Raja. ⁴ Metuh iyah, inya masih bauma kan urang, inya mamori parintah ujanya, hinam pinah mila Yerusalem,nona tege ompayku mamori segala ham jadi dijanjinya, "kolai manongar apa am dipaner ku, ⁵ lai yohanes mamani honi aray, tatapi babarapa ari mula kolay nona dibaptis honi Roh Barasih". (Yesus Ta angkat Ka Surga) ⁶ Lai iyah, metuh rasul takumpul barota-rota dengan Yesus, Urang batanya ka inya " Tuhan, hona kah kolay maniri mula karajaan kan israel?" ⁷ Inya bapaner, "Bukan bagian hemu hona ingat waktu am jadi dikaruh ompay lalam kuasa-Nya. ⁸ Tatapi, kolay kan narima kuasa, mun Roh Barasih datang kan kolay, kolay kan jadi saksi-saksiku ka Yerusalem, ka daerah Yudea, Samaria, Sampai ka hujung bumi." ⁹ Salopas iyah, inya Bapaner, lepas iyah urang maila inya, Am tangkat ka tinggi awan sampai hila mila paila hansira banya. ¹⁰ Metuh urang masih ma ila ka langit, Tege dua urang kalaki babaju putih badiri damping urang, ¹¹ baparah "Uii urang Galilea Ngapa kolay badiri maila ka langit? Yesus am jadi ta'angkat mila ikam ka surga kan baulang mula nulat kolay, sama kan di ila kam," ( Mamilih Siku urang Rasul Baharu) ¹² Lepas iyah, Hansira Banya baulang ka Yerusalem mila bukit Zaitun, am damping ka Yerusalem, kurang lobih samengo lamatnya. ¹³ Metuh urang tama, urang nai ka tinggi, ka dangau rang. Petrus, dengan Yohanes, dengan Yakobus, dengan Andreas, Filipus, dengan Tomas, Bartolomeus, dengan Matius, Yakobus, ana Alfeus, dengan Simon urang Zelot, dengan Yudas ana Yakobus. ¹⁴ Hansira banya ba doa barota-rota dengan bujur-bujur dengan sahati, barota dengan kaban labini dengan Maria, inay Yesus, dengan kula babuhan-Nya. ¹⁵ Metuh ari iyah, Petrus badiri helat kula babuhan saiman (Banya urang sakitar saratus dua puluh urang jumblahnya) Petrus bapaner, ujanya ¹⁶ "Uii kaban manyari, Kitab barasih harus di karuh, am jadi diparah Roh Kudus mila durung Daud ka Yudas, Ham jadi Pamimpin kan urang-urang am mangkap Yesus. ¹⁷ lai, inya ta hitung mila diri am mandapat bagian lalam gawi tie. ¹⁸ metuh iyah, inya ti moli tanah mila upah kajahatnya, lopas iyah inya jatu, palanya am jatu holu jatu, porutnya pocah, barincay. ¹⁹ lalu, am iti jadi tadongar lai hansira banya ka Yerusalem, lalu tanah iyah lalam bahasa urang yah Hakal-Dama, artinya, 'Tanah Darah'. ²⁰ Lai, jadi tatulis lalam kitab Mazmur: " biar am dangaunya jadi suni, biar am jam dangau nya honta ara urang am Badiam diah, biar kan jam urang ngalap jabatannya. ²¹ Lai iyah, siku urang ham uma barota kan diri sapalamat Tuhan kaluar tama mila diri, ²² mila pani Yohanes, sampai mila ari inya ta angkat mila diri, salah siku urang harus jadi saksi hirupnya Tuhan barota diri. ²³ Lalu, hansira ma usul dua urang, salah sutinya: Yusuf ham di joku Barsabas, ham tahu di joku Yutus, dengan Matias. ²⁴ Lepas iyah, hansira badoa, " Kolay tuhan am kenal hati uras urang. Parah ka kami sapa mila rang nua ham kolay pilih, ²⁵ kan manarima gawian iti kan jadi jabatan Rasul, mila Yudas ham salisih kan kahonanya kaniri." ²⁶ Lepas iyah, kaban Rasul manibar taruhan ka rang nua, pas iyah taruhannya jatu ka matias, lalu inya tahitung barota kan ka sabelas rasul.