¹ Jo taun ka lima belas a pemerintahan na i Kaisar Tiberius san,waktu nan Pontius Pilatus san jaji wali negeri jo Yudea an, dan i Herodes san raja jo Galilea an, i Filipus saurun na raja jo Iturea an nana Trakhonitis, i Lisanias san raja jo Abilene en, ² pada waktu i Hanas nana i Kayafas san jaji Imam ra, mondok lah firman na Alatalah jo i Yohanes san, anak ka i Zakharia, jo padang gurun nan. ³ Maka i Yohanes mamondoki samua banua jo sunge Yordan nan, nana menyerukan "Batobat nain, permandian nain, dabarikan Alatalah mampuni sagala dosa nin". ⁴ Kate yang injen nan tatulis lalama kitab nubuat-nubuat i Yesaya, "injene ta dalinga aling tu bada jo padang gurun nan, "Persiap kan na dalan tiang ta' a Tuhan, Lurus kan na dalan bagi jo An. ⁵ Ambata lembah to' timbun dabarikan ambata gunung nana bukit tan i tiang rata, yang baliku-likuun i tiang lurus, yang ba lekuk-lekuk to i rata ang. ⁶ Dabarikan samua a tu un akan mambele keselamatan yang mondokan dari Tuhan nan. ⁷ Mamin nan ian bada jo tu ambatan yang mondokan jo an yang to' i parmandi' i , kada an "Ingko nin kanturunan na uran babisa, tika yang bada an jo ninan manganai murka yang to' mondokan ? ⁸ Dan hasilkan na bua' bua' yang saratian nana pertobatan nan. Dan dainain bapikir jo lalama ate nin, ' Abraham man nan ama nam,' karna bada ak jo ninan, Alatalah pande maniang anak-anak ka i Abraham dari batu-batu ini-in. ⁹ Dapasadiang ngang nga kapak kan jo urat pon nan, dan pon pon yang injun nan ambua' mam, akan i tabang dabarikan da sabeang jo lalama api in. ¹⁰ Amba tu yang mananya'an jo An, "Dabarikan aika yang pandeen i karaja an ingkam ?" ¹¹ Sut ta jo ara inan, "Tika yang muna dua baju-un, akan mam bila ian mameang jo yang injun nan muna' baju, dabarikan tika yang muna jalu' ikaan nan, akan mam bila ian malolai' yang kate na nan busi. ¹² Injene busi mondok ara pemungut cukai nan yang to i paramandii dabarikan ara inan batanya' jo an: "Guru, aika yang pandeen ikarajan ingkam?'' ¹³ Sut ta jo ara inan, "Dainau managih duit labih dari yang mamin nan na da tentukaan dari pada jo nu. ¹⁴ Ara prajurit-prajurit tan nan mananya busi jo an, "Dabarikan ingkaman nin, aika yang pande en i karaja ingkam?" sut ta Yohanes san jo ara inan, " Dainain mala duit nana marampasan dabarikan cukupi na kale nin nana upa' nin kadirik. ¹⁵ Kole'a ambata tu marap nana menangin, samuaa tuun mananya' jo lalama ate an mangenai Yohanes, barangmande' ia na i Mesias san. ¹⁶ Yohanes san manyut dabarikan bada jo samua tuun nan, " Iak kan nin, paramandi i jo nun nana ae'en, tapi ian yang bakuasa an labih dari jo ku' akan mondok dan dampe mambuka tali sapatu an pun injuak pantas. Ian akan paramandi i jo nun nana Roh Kudus san dabarikan nana api in. ¹⁷ Garpu panap injen na jo tangan Nan tiang pamborese koson pengirikan Na nana tiang pangapulungang gandom Ma jo lalama lumbung An, tapi ansang jerami nan to' da tutung jo lalama api in yang injun dapat bansam. ¹⁸ Nana ambata nasihat lenan Yohanes san pandongoang injil jo sarara tu un. ¹⁹ Tapi kamamin nan na manegur raja Herodes karna peristiwa i Herodias, binge saurun na, nana samua kalakon na i Herodes yang barat tan. ²⁰ I Herodes san manambai kalakon na yang barat tan nana mamansok kang i Yohanes jo lalama penjara an. ²¹ Waktu samua tu yang injennan mamina i permandi'i dan i Yesus san busi i permandi'i, patangga badoa a, suan nan tabuka'. ²² dabarikan Roh Kudus san mando kate burung merpati in jo i bo An, tadalinga aling dari suan nan, "Ingko ni in Anak baba ku' yang ku kasangan. Jo nun na berkenan kuun. ²³ Waktu Yesus san mamolai karaja An, umur an kira-kira tiga pulo' taun dan manurut pandapat tu, Ia nan anak ka i Yusuf, anak ka i Eli, ²⁴ anak ka i Matat, anak ka i Lewi, anak ka i Malkhi, anak ka i Yanai, anak ka i Yusuf. ²⁵ Anak ka i Matica, anak ka i Amos, anak ka i Nahum, anak ka i Hesli, anak ka i Nagai, ²⁶ anak ka i Maat, anak ka i Matica, anak ka i Simei, anak ka i Yosekh, anak ka i Yoda. ²⁷ Anak ka i Yohanan, anak ka i Resa, anak ka i Zerubabel, anak ka i Sealtiel, anak ka i Neri, ²⁸ anak ka i Malkhi, anak ka i Adi, anak ka i Kosam, anak ka i Elmadam, anak ka i Er, ²⁹ anak ka i Yesua, anak ka i Eliezer, anak ka i Yorim, anak ka i Matat, anak ka i Lewi. ³⁰ Anak ka i Simeon, anak ka i Yehuda, anak ka i Yusuf, anak ka i Yonam, anak ka i Elyakim, ³¹ anak ka i Melea, anak ka i Mina, anak ka i Matata, anak ka i Natan, anak ka i Daud, ³² anak ka i Isai, anak ka i Obed, anak ka i Boas, anak ka i Salmon, anak ka i Nahason. ³³ Anak ka i Aminadab, anak ka i Admin, anak ka i Arni, anak ka i Hezron, anak ka i Peres, anak ka i Yehuda, ³⁴ anak ka i Yakub, anak ka i Ishak, anak ka i Abraham, anak ka i Terah, anak ka i Nahor, ³⁵ anak ka i Serug, anak ka i Rahu, anak ka i Peleg, anak ka i Eber, anak ka i Salmon. ³⁶ Anak ka i Kenan, anak ka i Arphaksad, anak ka i Sem, anak ka i Nuh, anak ka i Lamekh, ³⁷ anak ka i Metusalah, anak ka i Henokh, anak ka i Yared, anak ka i Mahaleel, anak ka i Kenan, ³⁸ anak ka i Enos, anak ka i Set, anak ka i Adam, anak ka Alatalah.