¹ Teofilus yang mulia an, ambat na tu yang barusaha maniang dongo manganai peristiwa-peristiwa yang maminnan na terjadi jo ka an, ² Kate yang i padangan jo ka an kole' a ara inan, yang mola an adalah saksi mata a nana palayan Firman nan. ³ Karna inan, mamina ku sariang dongo yang kana' an samua peristiwa inan nana yang mam man dari mola an, ku putuskan iak ku tiangngang buku' yang taratoran bagi jo nun. ⁴ Manto' i katawang ingkin samua yang da ajar ran jo nun nan memang totong. ⁵ Jo zaman na Herodes san, raja Yudea injene imam yang asona Zakharia dari kelompok Abia. binge an kanturunan Harun, asonnan Elisabet. ⁶ Aradua laingeen nan adalah tu yang mam man jo mata a Alatalah an, araduaan manuruti nana malambangan aika yang da suro'angan kole'a Alatalah. ⁷ Tapi aradua laingeen nin inju muna' anak, sebab Elisabetan mandul, dabarikan ara duaan na pun a toa na. ⁸ Pada aso inan, waktu mondok jo kelompok kaan, Zakharia an malamba'ang karaja a jaji imam jo dapan na Tuhan nan. ⁹ Sebab waktu da undi an, kate jolo on, ti' to mile imam yang batugas san, ian na yang i tunjuk mintama jo lalama langko a alatalah dabarikan manutung ukupan na injene. ¹⁰ Samantara samua umat sikapulung nana badoaan i saluan, waktu inan adalah panutungan ukupan. ¹¹ Dabarikan malaikat Tuhan nan pitang kalea jo an, ian kadeng jo kato a mezbah ukupanan. ¹² Zakharian takajut nana atautan pas mita jo malaikatan nan. ¹³ Tapi malaikat tan nan bada jo an,"Dainau ataut, Zakharia, karna doa nun dadalingana. Binge nu Elisabetan mo'angan palapasang anak baba tiang ta' nu, dabarikan ingkon mo' angan mason joan i Yohanes. ¹⁴ Basuka cita ko mo' nana susua ate nun, dabarikan ambat busi tu un yang susa ate an kole' a i palapasang nga anak ngun. ¹⁵ Sebab ian akan ara jo dapan na Tuhan nan dabarikan ian inju mium anggur atau mium mium man keras nana ian dapano'i kole'a roh Kudus sn molai jo lalama rahim indu an. ¹⁶ Ian maninang Ambata tu jo Israel lan mole' balik an jo Tuhan nan Alatalah An. ¹⁷ Dabarikan Ian mo' nan lamba' manjoloi jo Tuhan nan lalama roh nana kuasa a i Elia manto' maniang ate ara ama a mole' balik jo ara anak kan nana ate a tu yang durhaka an jo pikiran na tu yang mam man dabarikan nana inan pasadia umat yang pantasan tiang ta' Tuhan ¹⁸ Kada a Zakharian jo malaikat tan," lo' aika matawangan to' terjadian hal ini in? kole' iakan nin atoa nak, binge ku un busi ato na.'' ¹⁹ Malaikatan manyut joan, "iakan na nin i Gabriel an yang malayani jo Alatalah an dan dautus san kole' a manto' sipadaan nan nu nana padampeang dongo mam man nin jo nun. ²⁰ Belena mo'angan, ingkon mo' a bisu ko nana inju nu pande bada sampai jo ason samuaan ini in terjadi, kole'a inju ko parasaya' jo kada ku un yang to' totong terjadi jo waktuan mo'." ²¹ Samantara inan ambata tu un menang-enangi jo i Zakharian. Ara inan jadi heran karna ian baka kalun jo lalama langko a Alatalah an. ²² Waktu ian maruan, ian inju na pande bada jo ara inan, dabarikan da katawanga kole'a ara inan bahwa ian mita jalu jo lalam alangko a Alatahan an. Ian mameang isyarat jo ara inan, kole'a ian abisu. ²³ Waktu mamin na tugas sa dakaraja, ian mole' jo langko an. ²⁴ Ka unsa' unsa' aso mamin na an Elisat, binge an arunting dan salama' limang bulan injuna pitang kalea jo tu un, kada an, ²⁵ "ini na kalakon mam ma Tuhan nan jo ku un, dabarikan katenin nan Ian to' mapus aib ku' jo dapan na tu un." ²⁶ Jo bulan ka anam man Alatalah manyuro' jo malaikat Gabriel lan mondok jo kota Galilea an yang ason nan Nazaret, ²⁷ jo bibinge yang injun pi sule' tunangan na i Yusuf dari keluarga a i Daud, ason na bibingeen nan i Maria. ²⁸ Waktu malaikatan mintama jo langko a i Maria an, ian bada, "Salam, jo nun yang dameang karunia an, Tuhan nan manyertai jo nun. ²⁹ I Maria an takajut mandalinga kada inan, dabarikan batanya' jo lalama ate an, aika arti dari salam inan. ³⁰ Kada a Malaikat tan nan jo an, ''Dainao ataut, hai Maria, sebab ingkon nan kule' kasih karunia jo dapan na Alatalah an. ³¹ Sabenar ran, ingkon mo'angan arunting ko dabarikan palapasang ko anak baba, dabarikan harus iason ingko, Yesus. ³² Ian mo'nan ara, dabarikan iason anak ka Alatalah yang Mahatinggiin. Alatalah mo'nan mameang jo An tahta a i Daud tamato a joloon. ³³ Ian mo'angan jaji raja atas ķaturunan na i Yakub salama lamaan, dabarikan kerajaannan inju dapat aus.'' ³⁴ Kada a i Maria an jo malaikat tan nan, "Lo' aika samua an nin pande terjadi, karna iakan nin injupak alai?" ³⁵ Sut ta Malaikat tan joan, "Roh kudus san mando jo ibo nun dabarikan kuasa a yang Mahatinggi in akan menaungi jo nun. Sebab inan anak yang i palapasangan nan ingko da padang kudus, anak ka Alltalah. ³⁶ yang sabenarran, Elisabet saurun nu nan arunting anak baba na busi jo umur toa an dan inin na ka anam bulan na, yang da padang tu un mandul. ³⁷ Sebab bagi a Alatalah anjau yang injun dapat terjadi. ³⁸ Kada a I Maria "Sabenar ran iakan nin hamba Tuhan nak. Terjadilah kate kada nu nan. "Dabarikkan malaikatan nan marantang jo an. ³⁹ Ka unsa unsa ason dabarikan i Maria tangkat malaloi dalan jo pegunungan katin jo kota Yehudaan. ⁴⁰ Ian mansok jo langkoa i Zakharian dabarikan mameang salam jo Elisabetan. ⁴¹ Dan waktu i Elisabetan mandalinga salam ma i Maria an, bagerak anak yang jo lalama rahim man dan i Elisabetan pun dapanoi kole'a Roh Kudus san. ⁴² Dabarikan ian bada nana alinga yang kuat tan, "Daberkati ko dari intara samua bibingeen nana daberkati anak jo lalama rahim mun. ⁴³ Tika ak nin sampai indu a Tuhan ku' mamondok ki jo ku un? ⁴⁴ Sebab, ketika salam mun tadalinga jo talinga ku un, anak yang jo lalama rahim ku un nin bagerak karna susuma i nyawa an. ⁴⁵ Dan susu na ate nun, yang parsaya an sebab yang dapangan kole'a Tuhan nan pasti terjadi." ⁴⁶ Dabarikan kada a i Maria an, " Jiwa kuun nin mamuliakan jo Tuhan nan, ⁴⁷ dabarikan senang ate ku un kole'a Alatalah panyalamat ku'. ⁴⁸ Kole'a Ian mambele na ate hamba a yang mam man. Sabenar ran molai dari katenin samua kanturunan mason jo ku un berbahagia. ⁴⁹ Kole'a yang mahakuasaan mamina mamiang karaja- karaja yang ara an bagi jo ku dabarikan ason Na adalah Kudus. ⁵⁰ Dan rahmat Ta turun temurun i boa tu yang atautan jo An. ⁵¹ Ian pambeleang kuasa An nana pakarjaan tangan na dabarikan manyarak jo tu yang barat tan ate an. ⁵² Ian pando jo tu yang bakuasaan dari takhta an dabarikan maninggi ang jo tu ang iyungan. ⁵³ Ian mameang samua yang mam man jo tu yang karapanan nan dabarikan manyuro jo tu yang kaya an sensang nana tangan yang yang inju mangkam aika-aika. ⁵⁴ Ian mameang pertolongan jo israel hamba an, karna ian mateate rahmat tan, ⁵⁵ kate yang mamin nanna dajanjiang kole'A jo tamatoa ka' jolo kaan, jo i Abraham man, jo katurunan na untuk salama' lama' a." ⁵⁶ Dan i Maria an lalako' jo i Elisabet tan lunan kira-kira talung bulan, mamin naan mole' balik jo langko an. ⁵⁷ Dabarikan mondok nga i Elisabet tan jo bulan kalapasan an, ian dabarikan palapasang anak baba. ⁵⁸ Ketika tu yang jo biring ngan langkoan nana ara panak ka mandalinga bahwa Tuhan nan maminna manujuk kang rahmat tan na jo an,dan ara inan simolo'malo' susu nyawaan. ⁵⁹ Maka ara inan mondok jo ka lapan asoan to' manyunat jo anak-anak kan na dabarikan ara inan to' mameang ason jo an i Zakharia kate ason ama a bo. ⁶⁰ Tapi kada a induan jo ara inan, "Daina, ian harus i ason i Yohanes." ⁶¹ Kada ara inan jo an, "anjau dari panak ngin yang ason nan kate na an." ⁶² Dabarikan ara inan manyuro mamengang tanda jo ama an tiang batanya ason aika yang to' i pandeang jo anak ka' nan. ⁶³ Ian mamita batu tulis, dabarikan manulis kada-kada ini in, "ason nan adalah i Yohanes." Maminna ara inan heran mansen nan na. ⁶⁴ Dan tiba-tiba tabuka' bon na baba' nana talapas san lila' an, mamin na an ian mamudi jo Alatalah an. ⁶⁵ Maka ara yang injen nan simolo' on nan na malang taut dabarikan samua yang dakitaan kole'a ara inan jadi dongo jo samua pengunungan Yudeaan. ⁶⁶ Dan samua tu un yang mandalingan, merenungkan dabarikan bada, "Jaji aika anak-anak kan nan mo' ?" kole'a tangan na Tuhan nan manyertai jo an. ⁶⁷ Dan Zakharia, ama a, dapanoi kole' a Roh kudus san, lalu ian banubuat, ⁶⁸ "Terpujilah Tuhan nan, Alatalah a Israel lan, sebab ian melawat Umat ta nana mawa kebebasan jo an. ⁶⁹ Ian mangati o' tunjang keselamatan bagi jo ka' jo lalama kanturunan na i Daud tan, hamba an nan. ⁷⁰ Kate yang maminan na da firman kan kole' a molai dari ijoloon kole'a baba' a ara nabi-nabi an yang kudus. ⁷¹ Tiang pambebas jo ka'an dari musuh-musuh ka' dabarikan dari tangan samua tu un yang ampais ate an jo ka an. ⁷² Tiang manunjuk kang rahmat Ta jo ara tamatoa ka' injoloon dan mateang manganai perjanjian Na yang kudus san, ⁷³ yaitu sumpah An jo i Abraham man, ama leluhur ka', ⁷⁴ bahwa ian mameang jo ka an, manto ingki' in talapas dari tangan na musuh ka', dabarikan manto ki dapat badoa jo An tanpa ataut ⁷⁵ lalama kekudusan nana yang totongan jo dapan na salangkean tio' ka'. ⁷⁶ Dan ingko, hai anak ku', yang da ason nan nabi a Alatalah yang mahatinggiin, karna i joloi mo' lamba nun dari Tuhan nan tiang manyapkan dalan tiang ta' An, ⁷⁷ to' mameang pengertian jo umat tan manganai keselamatan yang i dasari jo pangampunan dosa-dosa a ara inan. ⁷⁸ kole'a rahmat nana pamanse'an nan dari Alatalah ka', nana inaan yang dapat malawat jo ka an, kate surya kukukon dari koson yang langkeen manik, ⁷⁹ untuk manyinari jo ka an yang la'lako' lalama dondoman nana lalama naungan maut tiang malengka'ang kai ka' jo dalan na yang damai sejahteran. ⁸⁰ Dabarikan Anak-anak kan nan ara nana maken kuat busi Roh an, ian la'lako jo padang gurun nan sampai ian pande pintang kalea jo Israel lan.