¹ Jo' buku yang kutulisan, Teofilus mengenai samua yang dakarajaan nana dajarangan kale'a Yesus. ² Mondok jo' aso' iyangkatan, mamin poang iyaan manyuro' malaloi Roh Kudus jo' ara rasul-rasulan yang mamina daile'i. ³ Jo' ara ira'an pitang' kalea tio' balik, mamin kapaisan nana ambata bukti sambel pambeleang kalea' jo' ara ira'an saluna' ampat puloh aso' padaang manganai'i karajaan Alatalah. ⁴ Waktu simalo'an nana' iyaan manyuro' majariang marantaang Yerusalaem, tapi menangi' pakat Alatalah, kalo'a " ingko'on mandalinga dari' joku', ⁵ Yohanesan pamandi'i nana' ae'en tapi ingko'on ipamandi'i ko' nana Roh Kudusan inju' alu'n dari' kateni'in. ⁶ Jo' waktu ara inaan Simalo' malo' ara ira'an batanya jo'an " Tuhan waktu ini'in kade' ingko'on maniangi karajaan israelan ? ⁷ kalo'a jo' ara iraan " boana ta'nu' to' matoang mangana'i waktu nana masa yang mamin daile'in kale'a Alatalah lalama kuasa'an. ⁸ mo'angan ingko'on manarima kuasa ku' waktu mondokah Roh Kudusan jo' nu'un nana' ingko'on manjadi saksi-saksi ku'ko jo' Yerusalaman, jo' saluruh Yudea nana' Samariaan nana' mondok jo' bagian tuntung bumi'in. ⁹ Mamin padaang mangana'i ina'an ara ira'an mambelepi jo'an iyaan tangkat nana' ambonan mawa'a jo'an anya'ap dari' pambele'an ara ira'an. ¹⁰ dabarikan, ara ira'an mambelepi jo' suanan aluna anya'apan belena jo' biringa' kadeng dua mintuari ba'ba ba'baju bu'burak ¹¹ kalo'a "hai mintuari-mintuari Galilea, asi manu'un kadengankin mambele jo' suanan ? yesusan mamina tangkat dari' jonin jo' sorga', boana' iyan mondokpi kate bo' jo ikitaan tangkat jo' sorga'. ¹² Mamina ina'an ara ira'an mole jo' Yerusaleman dari' bukit yang dapadaang bukit Zaitun yang kosona'an minso' Yerusalem, anjo'an sapalamba'an saminggu. ¹³ ara ira'an mondok', ara ira'an manik' jo' paruangan koson lalakoan. arinan' Petrus, Yohanes, Yakobus, Filipus, Tomas, Bartolomeus, Matius, Yakobus anaka' Alfeus, Simon dari' Zelot, nana' Yudas anaka Yakobus. ¹⁴ arinan' samuan' sikapulung jadi' sera, jo' lalama doa'an. tamasok bibinge', Maria indua' Yesus nana' ara sauruna' Yesus. ¹⁵ Pada' aso' ina'an kadeng Petrusan jo' tatagah ara saurunan, sakitar saratus dua puloh mintuari ambata' nana' kada'a ¹⁶ ara saurunku totong jaji' kada'an yang tertulisan arus dapanoi' dabarikan Roh Kudusan bada'a malaloi' baba'a Daud maganai Yudas Iskariot, yang mayuro' jo ara ina'an maningkam jo' yesusan. ¹⁷ Ijolo'on iyan kala' simalo' jo' antaraka'an nana' manarima bagiana' guna' palayanan' ini'in. ¹⁸ (dabarikan mintuari ini'in mabali sapapak tana'a nana' kulea' karaja yang baratan, injenah adato'a ulu'an ijolo', nana' mintuaria' abalah, nana' isi' parutan tambor maruan. ¹⁹ samua'a yang tio'on jo' Yerusaleman mamina mandalinga tantang hal ini'in, ina'an ara ira'an mamadaang uma' lalama kada'a ara ira'an "Hakal Dama," artean, Tana'a Dara'a.") ²⁰ Injene datulis lalama Kitab Mazmur, 'palat poanga uma'an tabangkalae' nana' daina suro tikapun yang lalako'on injene'; nana', 'palat poanga yang boanan' mala' kadudukana lalama mamimpina.' ²¹ Katenana de' sera dari arinan' yang mamin simalo'on nana' ingki' ulu-ulu' waktu Tuhan Yesusan simalo' nanka', ²² molai dari' permandiana' Yohanes mondok jo' aso' iyan iyangkat dari' antara ingki'i, aruslah manjadi saksi simalo-malo' nana' ingki' maganai tio' balika'. ²³ ara ira'an musulkan dua mintuari, Yusuf yang dapadang busi Barsabas, yang asonan Yustus nana' Matias. ²⁴ Ara ira'an badoa' nana' bada'a "ingko'on Tuhan, yang matoang ate' samua mintuari, padanga yang desi' dari' antara ari duan' yang ingko'on ile'in, ²⁵ tuk mayule' lalama palayanan ini'in nana' kerasulan yang desi' Yudas Iskariot manyimpang tuk sansang jo' kosonan yang ta'an kadiri'. ²⁶ ara ina'an mayebeang undi jo' antara ara dua'; undianan adato' jo' Matiasan dabarikan iyan taritung jo' antara kasebelas rasul.