¹ Simakadze wabita Mose wakhuluma naye ethendeni, lekuhlanganela atsi, ² ''Khuluma nebantfu bakaIsrayeli ubatjele, ''Uma nomanganguyiphi indvodza emkhatsini wenu iletsa umhlatjelo kuSimakadze, letsani njengemhlatjelo wenu silwane, lesichamuka nomangabe kulesicumbi, noma kulomhlambi. ³ Nangabe umhlatjelo wakhe ungumhlatjelo loshisiwe kulesincumbi, kumele akanikele lenvuna lete sici. Kumele asinikele ngasekungeneni kwalelithende lekuhlangana, khona kutowemukeleka embikwaSimakadze. ⁴ Kumele abeke sandla sakhe etikwenhloko yalomhlatjelo loshisiwe, itawubese iyamukeleka esikhundleni sakhe kwenta kutincusela. ⁵ Kutomele bese ubulala lenkunzi embikwa Simakadze. Emadvodzana a Aaron, ba Phristi, batawuletsa lengati bayifafate kule lilati lelisekungeneni kwelithende lekuhlanganela. ⁶ Kutomele bese uhlinza lomhlatjelo loshisiwe aphindze awujube ube ngemacatsa. ⁷ Bese emadvodzana aAaron umpristi, atawufaka umlilo etikwelilathi bacondzise letinkhuni tikwalomlilo. ⁸ Emadvodzana aAaron, bapristi, atawubeka lamacatsa, kufaka ekhatsi inhloko nemafutsa, etikwaletinkhuni letivutsako letitikwelilathi. ⁹ Kodvwa kwangekhatsi nemilente yayo kumele akuwashe ngemanti. Bese umpristi utawushisa konkhe elilathini njengemnikelo loshisiwe. Kutawukhichita liphunga lelimnandzi lami; Kutawuba ngumnikelo lowentelwe mine ngemlilo. ¹⁰ Uma umnikelo wakhe wekushiswa ubuya emhlambini, yinye yaletimvu noma yinye yaletimbuti, kumele anikele ngalendvuna lete sici. ¹¹ Kutomele ayibulalele ngasenyakatfo yelilati embikwa Simakadze. Emadvodzana a Aaron, ba phristi, batawufafata ingati yawo ngakuto tonkhe tinhlangotsi telilati. ¹² Kumele ayisike ibemacatsa nenhloko yayo nemafutsa ayo, phindze umpriti kumele abeke lamacatsa etikwaletinkhuni letingetulu kwalomlilo longetulu kwelilathi, ¹³ kodvwa kwangekhatsi phindze nemilente kumele awawashe ngemanti. Bese umpristi utawunikela konkhe, phindze akushise etikwelilathi. Kungumuhlatjelo loshisiwe, utawubese ukhichita liphunga lelimnandzi kuSimakadze; kutawuba ngumhlatjelo lowentiwe kuye ngemlilo. ¹⁴ Uma umnikelo wakhe ku Simakadze utawuba ngumnikelo loshisiwe wetinyoni, kumele aletse njenge mnikelo wakhe lituba noma livukutfu lelincane. ¹⁵ Umphristi kumele atiletse elatini, ashwile letinhloko tato, abese sewutishisa kulelilati. Bese ingati yato ikhishwa ngaseceleni kwelilati. ¹⁶ Abosusa ingingila yayo nekwangekhatsi, akulahle eceleni kwelilati ngasemphumalanga, endzaweni yemlotsa. ¹⁷ Kumele ayihlephule ivuleke ngetimphiko tayo, kepha kumele angayehlukanisi ibe tinhlangotsi letimbili. Utobese umphristi uyishisa elatini, etinkhunini letisemlilweni. Kutawuba ngumnikelo loshisiwe, futsi itawenta liphunga lelimnandzi la Simakadze; kutawuba ngumnikelo lowentelwe kuye ngemlilo.