¹ Lelidolobha lelaligcwele bantfu nyalo selisele lodvwana. Sewufanana njengemfelokati, nobe abesive lesinemandla. Abeyinkhosatana emkhatsini wetive, kodvwa nyalo sewuphocelelwe ebugcilini. ² Wakhala futsi walila ebusuku, phindze netinyembeti takhe tatigcwele etihlatsini takhe. Kute namunye wetitsandzani takhe letamdvudvuta. Bonkhe bangani bakhe bamuhlamuka. Bagucuke baba titsa takhe. ³ Ngemuva kwendlala nekuhlaseleka, Juda wayehambile. Sewuphila emkhatsini wetive futsi akatfoli kuphumula. Bonkhe bagijimisi bamhambela ngembili ekwesweleni kwakhe. ⁴ Imigwaco yaseSiyoni iyalila ngobe kute lota ema dzilini labekiwe. Onkhe emagede akhe asala angena lutfo. Bapristi bakhe bayacuma ngetinhlungu. Ematjitji akhe abuhlungu naye lucobo lwakhe usenkingeni lephelele. ⁵ Titsa takhe setigucuke taba baphatsi bakhe; titsa takhe setiphumelele. Simakadze sewumhlaselisile ngenca yetono takhe letinengi. Bantfwabakhe labancane batfunjelwe etitseni takhe. ⁶ Buhle sebushiye indvodzakati yaseSiyoni. Tinkhosana takhe setigucuka taba njengendluzela lengatfoli emadlelo, bese tihamba tingenamandla ngaphambi kwebalandzeli bato. ⁷ Ngemalanga akhe ekuhlaseleka kanye nekubabete likhaya kwakhe, iJerusalema itobita onkhe emagugu akhe lamcokwa labenawo emalageni akhe landlulile. Uma bantfu bakhe bawela etandleni tetitsa, kute lowamusita. Titsa tambona bamuhleka ngemonakala wakhe. ⁸ IJerusalema yone kakhulu, ngako, seyigucuke yaphatsiswa njengentfo lenyanyekako. Bonkhe lebebamhlonipha nyalo sebayamnyanya kusukela babona bungcunu bakhe. Uyacuma ngebuhlungu etame kugucuka khashane. ⁹ Sewube ngulongakahlobi ngaphansi kwetiketi takhe. Akatange alicabange likusasa lakhe . Kuwa kwakhe kwakukubi. Kwakute lobekangamdvudvuta. Wakhala waphumisela "Buka kuhlaseleka kwami, Simakadze, ngoba sitsa sesibe sikhulu kahkulu!" ¹⁰ Lesitsa sesibeke sandla saso tukwawo onkhe emagugu etfu lamahle . Wabona tive tingena endzaweni yakhe yekuphephela, noma ngabe wawuyalile kutsi bangabongena endzaweni yakho yekuhlangana. ¹¹ Bonkhe bantfu bakhe bacunyiswa tinhlungu uma basafuna sinkhwa. Baniketa emagugu abo lamahle kute batfole kudla kubuyisela timphilo tabo. Buka, Simakadze, futsi unginake, ngoba sengigucuke ngaba ngulongenamsebenti. ¹² Akusiko lutfo kuwe, nine nonkhe lenendlulako? Buka ubone kutsi kukhona yini lomunye lonelusize njenge lusizi lolufakwe kimi, sukela Simakadze angihlukubeta ngelilanga lekutfukutsela kwakhe lokwesabekako. ¹³ Kusuka ngetulu kutsi watfumela umlilo ematsanjeni ami, futsi uwahlulekisile. Wendlale linetha etinyaweni tami wase ungibuyisela emuva. Ungente ngaba ngulongena lutfo nalobutsakatsaka. ¹⁴ Lijokwe letiphambeko tami lihlanganiswa kanye kanye nesandla sakhe. Tikoloshelwe kanye kanye kwabekwa entsanyeni yami. Wente emandla ami ahluleka. Simakadze unginikele etandleni tabo, angikhoni nekuma. ¹⁵ Inkhosi igucukele eceleni kuwo onkhe emadvodza ami lanemandla lebekangivikela. Ubite umhlangano lomelana nami kutsi itewufihlita emadvodza ami lanemandla. Inkhosi iyifihlitile intfombi leyindvodzakati yakaJuda esitjeni sekuhlutela liwayini. ¹⁶ Ngaletintfo ngiyalila, emehlo ami aphuphuma tinyembeti; ngoba umdvudvuti ukhashane nami, loyo lobuyisela imphilo yami. Bantfwabami bete lutfo ngoba sitsa singehlulile. ¹⁷ ISiyoni yelula tandla tayo kabanti; bekute lebekangamdvudvuta . Simakadze ushaye umtsetfo kutsi labo labatungeletele Jakobe kume babe titsa takhe. LiJerusalema liyintfo lengcolile kubo. ¹⁸ Simakadze ulungile, ngobe ngivukele umyalo wakhe. Vanini,nine nonkhe bantfu, nibone tinhlungu tami. Ematjitji ami kanye nemadvodza ami lanemandla aye ekutfunjweni. ¹⁹ Ngabita bangani bami, kodvwa bebangihlamuka. Baphristi bami kanye nalabadzala bami babhubhela edolobheni, ngesikhatsi basafuna kudla lokungagcwalisa timphilo tabo. ²⁰ Buka ,Simakadze, ngoba ngisenkingeni, sisu sami sibuhlungu, inhlitiyo yami iyaphazamiseka ngekhatsi kimi, ngoba bengivukela kakhulu. Ngephandle, inkemba ibulala make, ngekhatsi endlini kunekufa kodvwa. ²¹ Bakuvile kucuma kwami lokubuhlungu, kodvwa kute namunye longangidvudvuta mine. Tonkhe titsa tami tivile ngenkinga yami, phindze tiyajabula ngekutsi ngikwentile loko. Ulicedzile lelilanga lowalitsembisa; nyalo bente bagucuke njengami. ²² Kute konkhe kukhohlakala kute phambi kwakho. melana nabo njengoba wamelana nami ngenca yetiphambeko tami tonkhe. Kucuma kwami lokubuhlungu kunengi futsi inhlitiyo yami yincane.