¹ Emnyakeni wesibili wenkhosi Darius, enyangeni yesitfupha, elilangeni lekucala lenyanga, livi laSimakadze lefika ngesandla saHaggai umphrofetsi icodze kumholi wakaJudah, Zerubbabel indvodzana yaShealtiel, kuya kumphristi lomkhulu Joshua indvodzana yaJehozadak, itsi, ² '' Simakadze wemikhosi usho naku: Bantfu batsi, akusiso sikhati setfu kutsi site nome sakhe indlu yaSimakadze.'' ³ Ngako livi laSimakadze lefika ngesandla saHaggai umphrofetsi, litsi, ⁴ ''Ngiso yini sikhatsi senu kutsi ningahlala kulendlu yenu lephelile, njengoba indlu yami ihlishitiwe? ⁵ Ngako ke Simakadze wemikhosi usho naku: bukani tindlela tenu! ⁶ Nihlayele inhlanyelo lenyenti, kepha naletsa sivuno lesincane, niyadla kepha nite lokwanele: niyanatsa kepha anidzakwa. Igcoka timphahla kepha anifutfumali, lesisebenti sitfola imali lenyenti ngekuyifaka esinkwameni lesicwele timbobo! ⁷ Simakadze wemikhosi usho naku: ''Bukani tindlela tenu! ⁸ Khuphukela enstabeni, uletse tingodvo, bese wakha indlu yami; ngako ngitawutfokota kuyo, futsi ngitawukhatimuliswa! - kusho Simakadze. ⁹ ''Ubuka lokunyenti, kodvwa buka, uletse lokuncane ekhaya, ngobe ngakushabalalisa! leni?'' kusho Simakadze wemikhosi, '' Ngobe indlu yami ibhujisiwe, njengobe labanye benu baphishaneke ngetindlu tabo. ¹⁰ Ngenca yaloko emazulu atawubamba ematolo kini, futsi nemhlaba ungeke ukhicite. ¹¹ Ngivumele somiso etukwe mhlaba nasetukwetintsaba, etukwesilimo nasetukwesivini lesisha, etukwe mafutsa nase tukwe sivuno sasemhlabeni, utukwemadvodza nase tukwetilwane ngaye nasetukwemisebenti yetandla takho! ¹² Ngako Zerubbabel indvodzana Shealtiel umphristi lomkhulu indvodzana yaJehozadak, ngesikhatsi bonkhe bantfu labasala emvakwekuhlushwa kwabo, ngekuhlonipha liphimbo laSimakadze Nkulunkulu wabo nemavi aHaggai umphrofetsi, ngobe Simakadze longuNkulunkulu umtfumile nebantfu besaba buso baSimakadze. ¹³ Ngako Haggai, sitfunywa saSimakadze, wakhuluma umlayeto waSimakadze kubantfu watsi, '' Nginawe! - kusho Simakadze!'' ¹⁴ Ngako Simakadze watamatisa lomoya webaholi bakaJudah. Zerubbabel indvodzana yaShealtiel, nemoya wemphristi lomkhulu Joshua indvodzana yaJehozadak, nemoya wabo bonkhe bantfu labasala ekuhlushweni lokukhulu, ngako ke base bayahamba bayosebenta endlini yaSimakadze wemikhosi, Nkulunkulu wabo ¹⁵ ngelilanga lemashumi lamabili nakune enyanga yesitfupha, emnyakeni wesibili wenkhosi Daruis.