¹ Kepha Sawula,asachubeka nekusonga ngekufa kuBafundzi beNkhosi, ² wachubekela kumpristi lomkhulu wacela tincwadzi telisynagogue eDamascus,khona lotawutfolakala endleleni,noma wesilisa noma wesifazane,aletfwe eJerusalem. ³ Asahamba,kwenteka wasondzela eDamaseko,masinyane washaywa ngumbane lovela ezulwini; ⁴ wawa phasi weva liphimbo litsi kuye,''Sawula,Sawula,ungihluphelani?'' ⁵ Sawula waphendvula watsi, ''Ungubani wena Nkhosi'', Ngingu Jesu lona lomhluphako; ⁶ kepha sukuma ungene edolobheni,utowutjelwa kutsi kumele wenteni.'' ⁷ Lendvodza leyayihamba naSawula yema imangele,kuva livi,kepha ingaboni muntfu. ⁸ Sawula wasukuma phasi,wavula emehlo kepha wangaboni lutfo;ngako bambamba ngesandla bamholela eDamaseko. ⁹ Emalanga lamatsatfu abengaboni emehlweni,angadli futsi anganatsi. ¹⁰ Kwakunemfundzi eDamaseko libito lakhe kungu Ananias.iNkhosi yatsi kuye ngembono, ''Ananias!'' Watsi, ''Buka,ngilana,Nkhosi.'' ¹¹ iNkhosi yatsi kuye, ''Sukuma,uhambe uye esitaladini lesibitwa ngekutsi Sicondzile,endlini yaJudas ucele indvodza lebuya eThasu lekutsiwa ngu Sawula,ngoba uyathandaza. ¹² Ubone umbono indvodza lokutsiwa ngu Ananias yangena yambeka tandla,khona atowubona.'' ¹³ Kepha Ananias waphendvula watsi, ''Nkhosi,sengive lokunyenti ngalendvodza,ngiyati kutsi bantfwana bakho ubalimete nganani eJerusalem. ¹⁴ Abenemagunya laniketwe ngu Mpristi lomkhulu kutsi abophe wonkhe lolana lobita libito lakho.'' ¹⁵ Kepha Nkulunkulu watsi kuye, '''Hamba,ngoba sewulithulusi lami,utawuphatsa livi lami phambi kwebe Tive ne Makhosi kanye nebantfwana baka Isreal; ¹⁶ Ngoba ngitawumukhombisa kutsi kumele ahlupheke kanganani ngenca yelibito lami.'' ¹⁷ Ngakoke Ananias wahamba,wangena endlini.wabeke tandla etukwakhe,watsi, ''Mnaketfu Sawula,leNkhosi Jesu,lebonakele kuwe endleleni nawuta,ingitfumile kutsi phindze utowubona bese ugcwaliswa ngumoya loyingcwele.'' ¹⁸ Masinyane kwadzilika intfo lefana nenkhwetfu emehlweni aSawula,wabona; wasukuma wase uyabhajatiswa; ¹⁹ wase uyadla watfola emandla.Wahlala nebafundzi bakhe eDamaseko tinsuku letimbalwa. ²⁰ Khona lapho wamemetela Jesu esinagogeni,watsi uyindvodzana ka Nkulunkulu. ²¹ Bonkhe labamuva bamangala base batsi, ''Akusiyo lendvodza leyabhubhisa labo labase Jerusalem lababita lelogama? utelana kutewubankhunga ababuyisele kumpristi lomkhulu.'' ²² Kepha Sawula watfola emandla laphindza-phindziwe,futsi abebanga kukhatsateka kulama Juda lebekahlala eDamaseko ngekucinisekisa kutsi ungu Kristu. ²³ Emva kwemalanga lamanyenti emaJuda ahlela licebo lekumbulala. ²⁴ Kepha licebo labo walati Sawula. Bagadza lisango busuku nemini khona batombulala. ²⁵ Kepha bafundzi bakhe bamtsatsa ebusuku bamehlisa ngelubondza bamfake ebhakedeni. ²⁶ Nakasafikile eJerusalem,Sawula wetama kuhlangana nebafundzi,kepha bonkhe bebamesaba,bangatsembi kutsi naye sewungumfundzi. ²⁷ Kodwva Banabasi wamtsatsa wamumikisa kubapostoli,wabatjela kutsiSawula uyibone njani iNkhosi endleleni futsi iNkhosi ikhulumile naye,kantsi nase Damaseko Sawula ukhulume kangakanani ngelibito laJesu. ²⁸ Abenabo,baphuma bangena eJerusalem.Wakhuluma ngesibindzi ngeligama leNkhosi Jesu ²⁹ waba nekuphikisana nema Juda lamaGrigi;kepha bachubeka nekuzana kumbulala. ³⁰ bomnakabo nabafundza ngaloko,bamtsatsa bamuyisa kuSizariya babese bamtfumela eThasu. ³¹ Ngako-ke,lisontfo kulo lonkhe lase Judiya,Galile,nase Samariya baba nekuthula futsi bakheka;phindze bahamba ngekubesaba Nkulunkulu kanye nekudvudvutwa ngumoya loyingcwele,libandla lakhula kakhulu. ³² Kwatsi nakutsi, Petro asahamba sifundza sonke,wefika kubantfwana labangcwele baNkulunkulu lebebahlala edolobheni lase Luda. ³³ Lapho-ke watfola lenye indvodza leyayibitwa ngekutsi ngu Aeneas,leyayilele embhedeni wayo iminyaka lengu 8, ngoba yayikhubatekile. ³⁴ Petro watsi kuyo, ''Aeneas,Jesu Kristu ukuphilisile. Sukuma wendlule umbhede wakho,'' wavele wasukuma. ³⁵ Ngako wonkhe lebekahlala eLuda nase Sharoni nakabona lendvodza wagucukela eNkhosini. ³⁶ Laphe-ke eJopa bekunalomunye umfundzi lebekutsiwa ngu Tabitha (ngekuhumushwa ''Dorcus''). Lomfati abenemisebenti lemihle futsi abentela lokutsi labamphofu. ³⁷ kwenteka kutsi ngalawo malanga wagula wafa; batsi sebamugezile,bamulalisa ekamelweni lelisemhla. ³⁸ Njengoba Luda abedvute nase Jopa,nebafundzi bebavile kutsi Petro bebalapho,batfumela emadvodza lamabili kuye,bamcela, ''Phutfuma ute kitsi ungaphuti.'' ³⁹ Petro wasukuma wahamba nabo. Uma efika, bamuyisa ekamelweni lelingenhla,bonkhe bafelokati bema eceleni kwakhe bakhala,bamukhombisa emajazi netimpulampula lekwakentiwe ngi Dorcas asese nabo. ⁴⁰ Petro wabakhokhela ngaphandle kwelikamelo,waguca phasi,wathandaza; wabese,ugucukela esidvunjini,watsi, ''Tabitha,vuka.'' wavula emehlo,nakabona Petro wahlala kahle. ⁴¹ Petro wamubamba ngesandla wamuphakamisa; nakabita bantfu labangcwele baNkulunkulu nebafelokati,wametfula kubo aphila. ⁴² Lendzaba yadvuma iJopa yonke,bantfu bonkhe bakholwa ku Nkulunkulu. ⁴³ Kwenteka kutsi Petro ahlale emalanga lamanyenti eJopa anendvodza lokutsiwa ngu Simon, uMtheni.