¹ Sawula abevumelene nabo kutsi bambulale Stefane. Ngakoke lacala lilanga lekuhlushwa ebandleni endzaweni yase Jerusalema; bazalwane babalekela basakateka etifundzeni taseJudiya kanye nase Samariya, ngaphandle kwebaphostoli. ² Lamanye emadvodza lakholwako amngcwaba Stefane amlilela kakhulu. ³ Kepha Sawula wetama kulibhubhisa libandla. Aphuma angena indlu ngendlu, awahudvula emakholwa, labadvuna kanye nalabasikati, abafaka ejele. ⁴ Lamakholwa lasakateka achubeka ashumayela livi. ⁵ Filuphu waya edolobheni laseSamariya ayoshumayela ngaKhristu kubantfu bakhona. ⁶ Ticumbi tebanftu talalelisisa loko kwakukhulunywa nguFiliphu, nganhlitiyo yinye bamuva, base babona imimangaliso labeyenta. ⁷ Bomoya lababi baphuma kubantfu bakhala kakhulu ngemavi lamakhulu,mlabo lababefe tinhlangotsi nalabebachuta baphiliswa. ⁸ Kwaba nekutfokota lokukhulu edolobheni. ⁹ Kulelo dolobha kwakunendvodza lekutsiwa nguSimoni, labekadze asanusi phambilini; abevame kumangalisa emaSamariya atisho nekutsi ungumuntfu loncono. 14 ¹⁰ Onkhe emaSamariya, kusukela kulabakhulu kuya kulabancane, babembukisisa kahle; batsi, ''lendvodza lena ingemandla aNkulunkulu lekutsiwa makhulu''. ¹¹ Bamulalela ngobe abesabamangalise sikhatsi lesidze ngekuphengula kwakhe. ¹² Kodwva kwatsi nasebakholwa inshumayelo yaFiliphu ngembuso wankulunkulu kanye neligama laJesu Khrestu,babhajatiswa,labadvuna kanye nalabasikati. ¹³ NaSimoni licobo lwakhe wakholwa,amvakwekubhajatiswa wahlala njalo naFiliphu ngaso sonkhe sikhatsi.Wamangala nakabona lemimangaliso labeyenta. ¹⁴ Bapositoli baseJerusalema beva kutsi Samariya sewemukele livi lankulunkulu,ngako batfumela boPhetro naJohane kubo. ¹⁵ Kwatsi nasebafikile bawathandazela emakholwa kutsi amukele moyo longcwele. ¹⁶ kwatsi emuva kwesikhatsi,Moya longcwele abesengakehli ngisho kumunye wabo;bebabhajatiswe egameni leNkhosi Jesu kuphela. ¹⁷ Ngako Phetro naJohane bababeka tandla base bamukela moya loyigcwele. ^{18 19} Ngako Simoni wabona kutsi bamemukele Moya longcwele emuva kwekutsi babekwe tandla,wabanika imali. Watsi,''nginikeni lamandla,nami,kuze kutsi loyo lengimubeka tandla atewumukela moya longcwele.'' ²⁰ Kepha Phetro watsi kuye,''imali yakho ayiphele kuwe,ngobe ucabanga kutsi ungatsenga sipho sankulunkulungemali. ²¹ Awunasabelo nalifa kulomsebenti,ngobe inhlitiyo ayikalungi emehlweni aNkulunkulu. ²² Ngako ke phendvuka kulelichinga lakho,utsandaze eNkhosini,kutsi ikutsetsele ngekucabanga infto lembi kangaka. ²³ Ngobe ngiyabona kutsi ungcwele umona kantsi usiboshwa sesono.'' ²⁴ Simoni waphendvula watsi,''ngithandazeleni eNkhosini,khona tingatokwenteka tonkhe letonfto lenitsi titowenteka kimi.'' ²⁵ Emvakwekufakaza nekushumayela livi lenkhosi,Phetro naJohane babuyela eJerusalema,bahamba bashumayela livangeli emitini leminyenti yase Samariya. ²⁶ Ingilozi yeNkhosi yakhuluma kuFiliphu yatsi,''tilingiselele uhambe uye emgagcweni loya eJerusalema kuya eGaza.'' (kutsi lomgcwaco usehlane) ²⁷ Wasukuma wahamba.Watsi asahamba wabona umTopiya ,umtsenwa asiphatsimandla saKhandase,Indlovukati yemaTopiya.Bekangumugcini timali teNdlovukati.Bekete eJerusalema kutowukhonta. ²⁸ Wabuyela emuva wahlala encoleni yakhe yemahhashi,afundza ngemphrofethi Isaya. ²⁹ Moya watsi kuFiliphu,''hamba uhlale eceleni kwakhe.'' ³⁰ Ngako Philiphu wayagijima waya kuye kuye,wamuva atsi ufundza ngemphrofethi Isaya,wase utsi ''uyakucondza yini lolokufundzako?'' ³¹ Wase sewutsi,''ngingacondza njani,ngaphandle kwekutsi kube khona longiholako?''Wase ubita Filiphu kutsi ete ahlale eceleni kwakhe. ³² Lesicephu abesifundza lomTopiya besitsi,''wacuntjwa njengemvu iyohlantjwa,phindze njengemvu phambi kweba gundibayo wathula. ³³ Ekuhlushweni kwakhe umtsetfo wamukwa.Ngubani longachaza kahle labafundzi?Ngobe imphefumulo wakhe watsaftwa emhlabeni. ³⁴ Umtsenwa wabuta Filiphu watsi,''Ngiyakuncenga,ngitjele kutsi lomphrophethi abekhuluma ngani,yena locobo lwakhe,nobe ngalomunye?'' ³⁵ Filiphu wakhuluma watsi lombhalo ukhuluma ngelivangeli laJesu kuye. ³⁶ Batsi basachubeka ngeluhambo lwabo emgacweni,bakhandza emanti wase umtsenwa utsi,''buka,kunemanti lana.yini lengangivimba kutsi ngubhajatiswe?'' ³⁷ Filiphu watsi.''nangabe utsemba ngenhlitiyo yakho yonkhe ungabhajatiswa.'' LomTopiya waphendvula watsi,''ngiyetsemba kutsi Jesu khristu yindvodzana yankulunkulu.'' ³⁸ Ngako lomTopiya watjela incola yemahhashi kutsi ime.Bahamba baya emantini,boFiliphu kanye nemtsenwa ,wase Filiphu uyambabhatisa. ³⁹ Nabaphuma kulamant,Moya longcwele watsatsa Filiphu wamuhambisa,lomtsenwa wabona Filuphu asanyamalele kepha wachubeka watfokota. ⁴⁰ Kepha Filiphu avelela e Azotsasi wase uchubeka kuleso sifundza,ashumayela livi kuwo onkhe emadolobha wase wafika e Sizera