¹ Baphristi labakhulu batsi, ''ngabe letinto tiliciniso?'' ² Stefane watsi, 'Bazalwane nabobabe, ngilaleni: LoNkulunkulu wenkhatimulo ubonakalisiwe kubabe wetfu Abrahama ngesikhatsi ase Mesopothamiya angakahlali eHarana; ³ watsi kuye, Shiya live lakini netihlobo takho, uye eveni lengitakukhombisa lona ; ⁴ wase uyalishiya live lemaKhaledi wayohlala eHarana; kusukela lapho emva kwekufa kwababe wakhe, Nkulunkulu wamletsa kulelo live, lahlala kulo nyalo' ⁵ Akamnikanga lutfo ngako njengelifa lakhe, cha, hhayi nekwanela kutsi kubekwe lunyawo. Kepha watsembisa- nakube Abrahama bekasete umntfwana -kuze anike lelive njenge sabelo sakhe nentalwelwane yakhe emva kwakhe. ⁶ Nkulunkulu wakhuluma naye ka njena, kuze titukulwane takhe titake tiphile kwesikhashana eveni lekuhamba, nekutsi bantfu balelo live babaletse ebugcilini babaphatse kabi iminyaka langemakhulu lamane. ⁷ Kepha ngitasehlulela lesive labasikhontako ; kwasho Nkulunkulu, 'emva kwaloko batawuphuma bangikhonte kulendzawo; ⁸ Ngako Nkulunkulu wanika Abrahama sivumelwane sekusoka, ngako Abrahama waba ngu babe wa Isaka wamsoka ngelusuku lwesiphohlongo; Isaka waba ngubabe waJakobe, naJakobe babe wabokhokho labalishumi nambili. ⁹ Ngokuba labokhokho bebanemona nga Josefa, bamtsengisa eGibhithe; kepha Nkulunkulu bekanaye ¹⁰ wamkhulula kutotonkhe tinhlupheko takhe. Wanika Josefa umusa nenhlakanipho ebukhoneni baFaro, inkhosi yase Gibhithe, leyambeka indvuna kulolonkhe lase Gibhithe nasendlini yakhe. ¹¹ Kwasekufika indlala lenkhulu kulo lonkhe live laseGibhithe neKhenani, ne kuhlupheka lokukhulu, nabobabe betfu abakutfolanga kudla. ¹² Kepha Jakobe nakeva kutsi kwakunemabele eGibhithe, watfumela bobabe betfu eluhambeni lwabo lwekucala. ¹³ Eluhambeni lwabo lwesibili Josefa watenta watiwa kubomnakwabo, nemndeni waJosefa watiwa nguFaro. ¹⁴ Josefa watfumela bomnakabo emuva kuyotjela uyise Jakobe kutsi ete eGibhithe, kanye netihlobo tabo tonkhe, lebe tingemashumi lasikhombisa nesihlanu titonkhe . ¹⁵ Ngako Jakobe wehlela eGibhithe, wase uyafa, yena nabobabe betfu. ¹⁶ Betfwalwa baya eShekemu bawabeka ethuneni la Abrahama lalitsenga ngambadalo yesiliva emadvodzaneni aHamori eShekemu. ¹⁷ Ngesikhatsi kusondzela kugcwaliseka kwe setsembiso , lesetsembiso Nkulunkulu lasakha na Abrahama, bantfu bandza ngebunengi eGibhithe, ¹⁸ kwaze kwaba nalenye inkhosi kulase Gibhithe, inkhosi lebeyingati ngaJosefa. ¹⁹ Wakhohlisa bantfu bakitsi waphindze waphocelela bobabe betfu kutsi bavete tinswane tabo kuze tingatogcinwa tiphila. ²⁰ Ngaleso sikhatsi Mose watalwa, bekamuhle kakhulu phambi kwaNkulunkulu aphindze ondlekile tinyanga letintsatfu endlini yeyise. ²¹ ngesikhatsi abekwe ngaphandle, Indvodzakati yaFaro yamfaka esiswini sayo yamkhulisa njengemusa wayo. ²² Mosi bekafundzisiwe ngayoyonkhe inhlakanipho yaseGibhithe, bekaphindze abe nemandla emavi akhe nemisebenti. ²³ kepha nase aneminyaka lengemashumi lamane budzala, kwefika enhlitiyweni yakhe kuvakashela banakabo, titukulwane temaIsrayeli. ²⁴ Abona umIsrayeli aphatfwa kabi 'Mosi wamvikela wa phindziselela lolobekacindzetelwe ngekushaya leliGibhithe; ²⁵ wacabanga kwekutsi bomnakabo batawucondza kutsi Nkulunkulu ngengalo yakhe bekabephula, kepha abacondzanga. . ²⁶ Ngelilanga lelilandzelako wabona emadvodza lamabili alwa wetama kwakha kuthula emkhatsini wabo atsi, 'madvodza, nibazalwane; nilimatanelani? ²⁷ Kepha lona lobekone makhelwane wakhe wamfucela le, wase utsi, ngubani lokubeke umbusi nemehluleli etikwetfu? ²⁸ Uyafuna yini kungibulala njengoba ubulele lomGibhithe itolo? ' ²⁹ Mosi wabaleka nase eve loko; waba sihambi eveni lakaMidiyane, Waba ngubabe wemadvodzana lamabili, ³⁰ Nasekwendlule emashumi lamane eminyaka, ingelosi yabonakala kuye ehlane lentsaba iSinayi, elangabini lemlilo lobe usehlatsini. ³¹ NaMosi abona lomlilo, wamangala ngalakubona; aseta kukubuka, kwevakala livi leNkhosi, litsi, ³² NginguNkulunkulu wabo yihlo, longuNkulunkulu wa Abrahama, naIsaka, naJakobe, 'Mosi wachachatela wangaphindzi wafuna kubuka. ³³ INkhosi yatsi kuye, 'khumula tincabule takho etinywaweni takho ngoba le ndzawo lome kuyo ingumhlabatsi longcwele ³⁴ Ngibone mbamba kuhlupheka kwebantu bami labaseGibhithe; Ngivile kububula kwabo, sengehlile kubephula, nyalo wota, Ngitakutfuma eGibhithe.' ³⁵ Lo Mosi labamala, nabatsi, 'Ngubani lowakwenta umbusi nelijaji?'_bekunguye lowatfunywa nguNkulunkulu njengembusi nemkhululi. Nkulunkulu wamtfuma ngesandla sengelosi lebonakele kuMosi ehlatsini. ³⁶ Mosi wabahola baphuma eGibhithe, emva kwekwenta imimangaliso netibonakaliso eGibhithe nase lwandle lwemihlanga, nasehlane ngesikhatsi seminyaka lengemashumi lamane ³⁷ Kwakusolo kunguloyo Mosi lowatsi kubantfu bakaIsrayeli, 'Nkulunkulu utanivusela umphrofethi emkhatsini wabomnakenu, umphrofethi lonjengami; ³⁸ Ngulendvodza lebeyisenhlanganyelweni endle nengelosi leyakhuluma naye entsabeni eSinayi, lebekanabobabe, nalowo lowatfola emavi laphilako kutsi asinike. ³⁹ Kepha bobabe bala kumlalela,' bamcosha kubo, etinhlitiyweni tabo babuyela eGibhithe. ⁴⁰ Ngaleso sikhatsi batsi kuAroni, 'Sentele bonkulunkulu labatasihola. ngaloMosi lo lowasikhipha eGibhithe; asati kutsi kwentekeni ngaye; ⁴¹ Ngako bakha litfole kulawomalanga beta nemnikelo kulesithico, batfokota ngenca yemisebenti yetandla tabo. ⁴² Kepha Nkulunkulu wagucuka wabanikela ekukhonteni tinkhanyeti esibhakabhakeni, njengoba kubhaliwe encwadzini yebaprofethi, 'Ngabe nanikela kimi yini ngekubulala tinkunzi neminikelo iminyaka lengemashumi lamane ehlane, nine ndlu yakaIsrayeli? ⁴³ Namukela lithabanekeli le Moleki nenkhanyeti yankulunkulu Refani, netitfombe lowatentela kutidvumisa; ngitakwetfwala ngikuyise eBhabhiloni; ⁴⁴ Bobabe babe nelithabanekeli lebufakazi ehlane, njengoba Nkulunkulu ayaleta mhla akhuluma na Mosi, kutsi kufanele akwente njengaloku abonile. ⁴⁵ Emvakwaloko, bobabe, ngaphansi kwa Joshuwa bemukela lithabanekeli baliletsa nasebalidlile lelive. Nkulunkulu watsatsa lelive etiveni waticosha ebusweni babobabe betfu. Lithabanekeli lahlala eveni kwaze kwaba sikhatsi saDavide, ⁴⁶ lowatfola umusa emehlweni aNkulunkulu, wase ubuta kutsi angatfola indzawo yekuhlala yaNkulunkulu waJakobe. ⁴⁷ Kepha kwaba nguSolomoni lowakha indlu yaNkulunkulu. ⁴⁸ Nobekunjalo, loyo Lophakeme Kakhulu akahlali etindlini letakhiwe tandla, njengoba umphrofethi asho, ⁴⁹ Lizulu lisihlalo sami sebukhosi, nemhlaba usenabelo setinywawo tami. Hloboluni lwendlu leningayakhela mine? kusho iNkhosi, nobe yini indzawo yekuphumula? ⁵⁰ Atizange tandla tami tikwakhe konkhe loku?' ⁵¹ Nine betintsamo letilukhuni, labangaka soki inhlitiyo netindlebe, nimelana njalo naMoya loyingwcele; nilingisa boyihlo. ⁵² Ngumuphi walabaphrofethi labangatange babamhluphe? Bababulala baphrofethil labefika ngaphambili kwaLolungile; seniphindze niba bakhapheli nebabulali bakhe futsi; ⁵³ Ninebantfu lenemukela umtsetfo lewashicilela tingelosi, kepha aniwugcinanga.' ⁵⁴ Kwatsi emalunga eliqoqo ativa leto tintfo, badzabuka etinhlitiweni, base bagugudzela Stefane ematinyo. ⁵⁵ Agcwele Moya loyiNgwele, wagcolotela ezulwini wabona inkhatimulo yaNkulunkulu; wabona Jesu emile ngasokunene saNkulunkulu . ⁵⁶ Watsi, ''Bukani, ngibona emazulu avulekile, neNdvodzana yaNkulunkulu esandleni sangekudla saNkulunkulu.'' ⁵⁷ Kuloko emalunga eliqoqo avala tindlebe tawo, amemeta ngelivi lelikhulu, bajakela kuye ngenjongo yinye, ⁵⁸ Bamhudvulela ngaphandle kwelidolobha bacala kumgcoba ngematje. Bofakazi babeka phansi kwekugcoka kwabo kwangephandle etinyaweni telibhungu lelingu Sawula. ⁵⁹ Basachubeka bamgcoba Stefane, wamemeta ligama leNkosi watsi, 'Nkhosi Jesu, yemukela umoya wami.'' ⁶⁰ Waguca phansi wamemeta ngelivi lelikhulu, ''Nkhosi, ungababaleli sono,'' Nasekakhulume loko wehlelwa butfongo.