¹ Nyalo Elisha sewukhulumile kulomfati umntfwanakhe lamvusile ekufeni. Watsi kuye, ''Vuka, uhambe nendlu yakakho, niyohlala noma ngabe ngukuphi laningakhona khona kulelinye live, ngoba Simakadze utawutfumela indlala lenkhulu kulelive iminyaka lesikhombisa.'' ² Ngako lomfati wavuka walalela emavi alomuntfu wa Nkulunkulu. Wahamba nendlu yakakhe wayohlala eveni lase Philistines iminyaka lesikhombisa ³ Kwase kuyenteka ekugcineni kwaleminyaka lesikhombisa kutsi lomfati wabuyela kusuka eveni lase Philistine, wase uya enkhosini kuyoncengela indlu yakhe nemhlaba wakhe. ⁴ Nyalo inkhosi beyikhuluma na Gehazi sisebenti semuntfu wa Nkulunkulu, sitsi, ''Ngicela ungitjele tonkhe letintfo letinkhulu latentile Elisha.'' ⁵ Asatjela lenkhosi kutsi Elisha wamvusa kanjani umntfwana lobekasafile, lomfati lo indvodzana yakhe beyivusiwe ekufeniweta atoncenga enkhosini ancengela indlu nemhlaba wakhe. Gehazi watsi, ''Mphatsi wami, nkhosi, lona nguye lomfati, futsi lena yindvodzana yakhe, le Elisha amvusa ekufeni.'' ⁶ Uma inkhosi ibuta lomfati ngendvodzana yakhe, wamchazela. Ngako inkhosi yayalela sisebenti sayo lesitsite, itsi, ''Mnikete konkhe lobekunge kwakhe nato tonkhe letivuno temasimu akhe kusukela ngelilanga ahamba kute kube kube kunyalo.'' ⁷ Elisha weta eDamascus lapho Ben Hadad inkhosi yase Aram abegula. Inkhosi yatjelwa, ''Umuntfu wa Nkulunkulu ufikile lana.'' ⁸ Inkhosi yatsi ku Hazael, ''Tstatsa sipho uhambe uyohlangana nemuntfu wa Nkulunkulu, ubese sewubuta Simakadze ngaye, atsi, 'Ngitawusindza yini kulesifo lesi?'' ⁹ Ngako Hazael wahamba wayohlangana naye waphatsa nesipho sayo yonkhe intfo lenhle yase Damascus, lesasitfwelwe ngema kamela langemashumi lamane. Ngako Hazael weta wema embikwa Elisha watsi, ''Indvodzana yakho Ben Hadad inkhosi yase Aram ingitfume kuwe, atsi, 'Ngitawuphila yini ku lesifo lesi?'' ¹⁰ Elisha watsi kuye, ''Hamba, utsi ku Bena Hadad, 'Ngempela utawuphila,' kepha Simakadze ungitjengisile kutsi utokufa.'' ¹¹ Wase Elisha ubuka Hazael wate waba nemahloni, wase lomuntfu wa Nkulunkulu uyakhala. ¹² Hazael wabuta, ''Ukhalelani, mphatsi wami?'' Waphendvula, ''Ngoba ngiyabati lobubi lotobenta kubantfu baka Israel. Utawushisa tindzawo tabo tekutivikela ngemlilo, futsi utawubulala emadvodza abo lasesemancane ngenkemba, ufihlite labancane babo, ubese ugwabula bafati babo labatetfwele.'' ¹³ Hazael waphendvula, ''Ngubani sisebenti sakho, kutsi angenta lentfo lena lenkhulu? Uyinja nje kuphela.'' Elisha waphendvula, ''Simakadze ungikhombisile kutsi utoba yinkhosi ka Aram.'' ¹⁴ Wase Hazael ushiya Elisha weta kumphatsi wakhe, lowatsi kuye, ''Utseni Elisha kuwe?'' Waphendvula, ''Ungitjele kutsi utawuphila.'' ¹⁵ Kwase ngelilanga lelilandzelako Hazael utsatsa ingubo wase uyenya emantini, wase uyibeka ebusweni ba Ben Hadad wate wafa. Wase Hazael uba yinkhosi esikhundleni sakhe. ¹⁶ Emnyakeni wesihlanu wekubusa kwa Joram indvodzana ya Ahab, inkhosi yaka Israel, Jehoram wacala kubusa. Bekayindvodzana ya Jehoshaphat inkhosi yaka Judah. Wacala kubusa ngesikhatsi Jehoshaphat aseyinkhosi yaka Judah. ¹⁷ Jehoram abene minyaka lengemashumi lamatsatfu nakubili uma acala kubusa, wabusa iminyaka lesiphohlongo eJerusalem. ¹⁸ Jehoram wahamba etindleleni temakhosi aka Israel, njengoba indlu ya Ahab beyenta; ngoba bekatsatse indvodzakati ya Ahab yaba ngumfati wakhe, futsi wenta lokubi emehlweni aSimakadze. ¹⁹ Kepha ngalokunjalo, ngenca yesisebenti sakhe David, Simakadze akafunanga kubhubhisa Judah, ngoba abemtjelile kutsi utohlala amniketa situkulwane sakhe. ²⁰ Ngemalanga a Jehoram, Edom walwa wagucuka ekubeni sesandleni sa Judah, base batibekela bona inkhosi. ²¹ Wase Jehoram uwelela ngesheya eZair nato tonkhe tinkalishi takhe. Uma ema Endomites atungeletela Jehoram, baholi betinkalishi baphakama babahlasela ebusuku; kepha emasotja aJehoram abalekaabuyela emakhaya awo. ²² Ngako Edom abelihlongandlebe leimelene nekubusa kwa Judah kute kube lilanga lanamuhla. Libnah wase ucala kungalaleli nekulwa ngesikhatsi lesifanako. ²³ Mayelana naletinye tindzaba letifaka Jehoram, konkhe lakwenta, atikabhalwa yini encwadzini yalokwenteka yemakhosi akaJudah? ²⁴ Jehoram waphumula nabobabe bakhe wase ungcwatjwa nabo edolobheni la David. Wase Ahaziah indvodzana yakhe uba yinkhosi endzaweni yakhe. ²⁵ Emnyakeni welishumi nakubili wekubusa kwa Joram inkhosi ya Ahab, inkhosi yaka Israel, ²⁶ Ahaziah indvodzana ya Jehoram, inkhosi yaka Judah, wacala kubusa. Ahaziah bekaneminyaka lengemashumi lamabili nakubili nakacala kubusa; wabusa umnyaka munye eJerusalem. Libito lamake wakhe bekungu Athaliah; beka yindvodzakati ya Omri, inkhosi yaka Israel. ²⁷ Ahaziah wahamba etindleleni tendlu yaka Ahab; wenta lobekukubi emehlweni aSimakadze, njengoba indlu ya Ahab beyenta, ngoba Ahaziah abe ngumkhwenyane kulendlu ya Ahab. ²⁸ Ahaziah wahamba na Joram indvodzana ya Ahab, kulwa bamelane na Hazael, inkhosi yase Aram, eRamoth Gilead. Ema Arameans alimata Joram. ²⁹ Inkhosi Joram wabuyela kuyolulama eJezreel letilondza le Arameans ambangela tona eRamah, uma alwa amelene na Hazael inkhosi yaka Aram. Ngako Ahaziah indvodzana ya Jehoram, inkhosi yaka Judah, wehlela eJezreel kuyobona Joram indvodzana ya Ahab, ngoba Joram abelimele.