¹ Ngemunyaka wemashumi lamabili nakutsatsu wa Jowashi indvodzananya Ahaziya inkhosi yema Juda, Jehohazi indvodzana ya Jehu yacala kubusa Israyeli eSamariya; wabuya iminyaka lelishumi nesikhombisa. ² Wenta lokubi emehlweni a Simakadze waphindze walandzela tono ta Jerobhowami indvodzana ya Nebhathi, lowabangela Israyeli kutsi one, futsi Jehowazi akaba balekelanga. ³ Lulaka lwa Simakadze lwashisela Israyeloi, wabese uchubeka nekubanikelela esandleni sa Hazayeli inkhosi yase Aramu nase sandleni sa BheniHadadi indvodzana ya Hazayeli. ⁴ Ngakoke Jehowazi wathantaza ku Simakadze, futsike Simakadze wamulalela ngoba abekubona kucindzeteleka kwa Israyeli, kutsi inkhosi Aramu bekaba cindzetela kanjani. ⁵ Ngakoke Simakadze waniketa Israyeli umuhlengi, babese bayaphunyula esandleni sema Aramiya, laphoke bantfu baka Israyeli bachubeka kuhlla emathendeni njengobe bebentile kwase kucaleni. ⁶ Noma kunjalo abahambanga etonweni tendlu ya Jerobhowami, lowabangela Israyeli kutsi one, futsi bachubeka kito; laphoke liopoli lase Ashera lasala eSamariya. ⁷ Ema Aramiya ashiya Jehowazi nebagibeli bemahhashi labangemashumi lasihlanu, tinkalishi letilishumi, kanye netinkhulungwane letilishumi tebantfu labahamba phasi ngetinywawo, ngoba inkhosi yase Aramu yase ibabhubhisile waphindze wahamba tukwabo njengebantfu bahamba emuhlabatsini. ⁸ Beseke tindzaba letiphatselene neJehowazi, kanye nako konkhe lakwenta ngemandla akhe, ngabe atikabhalwa encwadzini yetehlakalo temakhosi aka Israyeli? ⁹ Ngakoke Jehowazi walala phasi nemadloti akhe, babese bayamungcwaba eSamariya. Jehowashi indvodzana yakhe waba yinkhosi esikhaleni sakhe. ¹⁰ Ngemunyaka wemashumi lamatsatfu nesikhombisa, Jowashi inkhosi yaka Juda, umubusi waka Jehowashi indvodzana ya Jehowazi wacala etukwa Israyeli eSamaria; wabusa iminyaka lelishumi nesitfupha. ¹¹ Wenta loku khohlakele emehlweni a Simakadze. Akashiyanga emuva tono ta Jerobhowami ndvodzana ya Nebhathi, ngoba wenta Israyeli one, kepha wahamba nabo. ¹² Beseke etintfweni letiphatselene na Jehowashi, nako konkhe lakwenta, nemandla akhe lalwa ngawo na Amaziya inkhosi yema Juda, ngabe atikabhalwa encwadzini yetehlakalo temakhosi aka Israyeli? Jehowashi walala nemadloti akhe, futsike ¹³ Jerobhowami wahlala esihlalweni sakhe.. Jehowashi wangcwatja eSamariya kanye nemakhosi aka Israyeli. ¹⁴ Nyalo Elisha wagula ngesifo lesamugulisa washona, ngakoke Jehowashi inkhosi yaka Israyeli wehla weta kuye walila etukwakhe. Watsi, ''Babe wami, babe wami, tinkalishi taka Israyeli kanye nebagibeli bemahhashi bayakutsatsa!'' ¹⁵ Elisha watsi kuye, '' butsa butjoki nekwekuhlaba,'' Ngakoke Jowashi wabutsa butjoki nekwekuhlaba. ¹⁶ Elisha watsi enkhosini yaka Israyeli, '' Beka sandla sakho kulo butjoki,'' wabeka sandla sakhe etukwako. Laphoke Elisha wabeka sandla sakhe etukwe senkhosi. ¹⁷ Elisha watsi, '' Vula lifastelo,'' ulibhekise enshonalanga,'' ngakoke walivula. Laphoke Elisha watsi, ''Dubula!'', wabese uyadubula. Elisha watsi, ''Lena inhlavu yebutjoki yekuncoba ya Simakadze, inhlavu yebutjoki yekuncoba etukwa Aramu, ngoba utawuhlasela ema Aramu e Phekhi ute uwacedze onkhe.'' ¹⁸ Laphoke Elisha watsi, ''Tsatsa letinhlavu tebutjoki,'' Ngakoke Jowashi watitsatsa. Watsi enkhosini yaka Israyeli, ''Shaya umhlaba ngato,'' wabese uhlaba umhlaba katsatfu, wabese uyema. ¹⁹ Kepha inceku yaNkulunkulu yamukwatela yabese iytsi kuye, '' Bekumele uhlabe umhlaba kasihlanu noma kasitfupha. Laphoke botawuhlasela Aramu ate aphele, kepha nyalo utawuhlasela Aramu katsatfu je kupphela.'' ²⁰ Laphoke Elisha washona, bamungcwaba. Nyalo bagcambukeli base Mowabhithe bafika bahlasela live ngemunyaka wekucala. ²¹ Basangcwaba indvodza tsite, babona bagcambukeli base Mowabhithe, ngakoke balahla umutimba wakhe ethuneni la Elisha. Yatsi lendvodza nayitsintsa ematsambo a Elisha, wavuseteleka wema ngetinyawo. ²² Hazayeli inkhosi yase Aramu yacindzetela Israyeli onkhe emalanga a Jehowazi. ²³ Kepha Simakadze bekanemusa ku Israyeli, aphindze anelivelo kubo abakhatsalela, ngenca yesivumelwano sakhe na Abrahamu, Isekhi, kanye na Jakobe. Ngakoke Simakadze akababhubhisanga, futsi usengaka bacoshi ebukhoneni bakhe. ²⁴ Hezayeli inkhosi yase Aramu washona, indvodzana yakhe Bheni-Hadadi waba yinkhosi esikhaleni sakhe. ²⁵ Jehowazi watsatsa ku Bheni-Hadadi ndvodzana ya Hazayeli onkhe lamadolobha lebekatsetfwe ku Jehowazi uyise wakhe emphini. Jehowazi wamuhlasela katsatfu, futsi wawabuyisela lamadolobha ku Israyeli.