1 Ngelilanga kufika kufakwa Davide, wayala Solomon indvodzana yakhe, 2 ''Ngihamba indlela yonkhe yemhlaba. Cina, ngakoke, utibonakalise ngendvodza. 3 Gcina tetsembiso taSimakadze Nkulunkulu kuhamaba endleleni yakhe, kutfobela timiso takhe, imiyalo yakhe, tincumo takhe, tivumelwano takhe, kanye nemiyalo yakhe, nekucaphela ekwenteni lokubhalwe emtsetfweni waMose, kute utwuphumelala kuko konkhe lokwentako, noma ngukuphi lawuya khona, 4 kute Simakadze agcwalise livi lakhe lakhulumile kimi, atsi, nangabe titukulwane takho ticaphelisisa kutsi baphhila njani, bahambe embikwami ngewetsembeka ngetinhlitiyo tabo tonkhe nangemiphefumulo yabo yonkhe, angeke umiselwe umuntfu lowuyawuhlala esihlalweni sebukhosi kaIsrael'. 5 Uyati futsi kutsi Joab indvodzana yaZeruiah leyakwenta kimi, nalakwente kuletishaya mtsetfo letimbili emabutfo akaIsrael, kuAbner indvodzana yaNer, kanye naku Amasa indvodzana yaJether, lambulala. Wacitsa ingati yemphi wase ufaka lengati ebhandeni kugegetela likhalo lake kany naseticatfulweni takhe. 6 Lungisa Joab ngalenhlakanipho loyifundzile, kepha ungavumeli inhloko yakhe legcwele timvu. 7 Nomakunjalo, khombisa umusa kulamadvodzana aBarzillai longu Gileadite, ubavulele babekulabo labadla etafuleni lakho, beta kimi ngesikhatsi nangibaleka kuAbsalom umnakenu. 8 Buka, nangu Shimei indvodzana yaGera, longu Benjamite waka Bahurim, lowangicalekisa kabuhlungu ngalelilanga ngiya eMahanaim. Shimei wehlela phansi watohalangana nami eJordan, ngafunga kuye ngaSimakadze, ngitsi, Angeke ngikufake ekufeni ngenkemba.' 9 Ngako ke ungamvumeli ahambe angatfoli sicalekiso. Uyindvodza lehalakaniphile, uyakwati lokufanele ukwente kuye. Uyowuletsa ihloko yakhe legcwele timvu phansi 10 Ngako Davide walala nabokho mkhulu bakhe, wangcwatjelwa edolobheni laDavide. 11 Emalanga labuswa nguDavide kaIsrael minyaka leminyaka lengu40. Wabusa iminyaka lesikhombisa eHebron kanye neminyaka lengu 33 eJerusalem. 12 Solomon wahlala esihlaweni sayesi Davide, kubusa kwakhe kwashicilelwa. 13 Adonijah indvodzana yaHggith weta kuBethshbe make waSolomoni. Watsi, ''Ute ngekuthula? Waphendvula, ''Ngekuthula.'' 14 Wase utsi, ''Kunalengimele ngikusho kuwe.'' Ngako waphendvula, '' Khuluma.'' 15 Adonijah watsi, uyati kutsi lombuso bekawami, nekutsi bonkhe bantfu baka Israel abegadze mine kutsi ngibe yinkhosi. Kepha tintfo tashintja, nalombuso wanikwa umnaketfu, ngoba bewuwakhe usuka kuSimakadze. 16 Nyalo nginesicelo sinye kuwe, ungesuki ebusweni bami, ''Bethsheba watsi kuye, ''Khuluma.'' 17 Watsi, Ngicela ukhulume kuSolomoni Inkhosi, kumele angesuki ebusweni bakho, kute etonginika Abishag Shunammite njenge mfati wami.'' 18 Bathasheba watsi, ''Kulungile, ngitawukhuluma neNkhosi.'' 19 Ngakoke Bathasheba waya eNkhosini Solomon wayokhuluma naye ngaAdonijah. Inkhosi yasukama yamuhlangabeta yamkhotsamela. Yase ihlala esihlalweni sayo sebukhosi. Abenesihlalo labesentelwe ngunina. Wahlala ngesekudla. 20 Wase utsi , ''Nginesicelo lesincane, ngoba angeke usuke emehlweni ami.'' Inkhosi yamphendvula, ''Buta, make wami, angeke ngisuke ebusweni bakho.'' 21 Wase utsi, ''Asivumele Abishag longu Shunammite kutsi atsatfwe ngubhuti wakho Adonijah kuttsi abengumfati wakhe.'' 22 Inkhosi Solomini yaphendvula yatsi kunina, ''Leni ucele Abishag umShunammite kutsi abengumka? Leni ungamceleli umbuso naye, ngoba ungumnaketfu lomdzala- wentele Abiathar longupriest, kanye naJoab indvodzana yaZeruiah?'' 23 Inkhosi Solomoni yafunga ngaSimakadze, watsi, ''Shengatsi Nkulunkulu ngenta njalo kimi, nalokunyenti futsi, nangabe Adonijah akakhulumi leligama ngemphilo yakhe. 24 Nyalo ngengobe Simakadze aphila, loshicelele mine futsi wabeka mine esihlalweni saDavide babe wami, futsi longente ngabayindlu njengobe atsembisile, nomakanjani Adonijah uyofakwa ekufeni namuhla.'' 25 Ngako Solomoni watfumela Benaiah indvodzana yaJehoiada, kanye naBenaiah kutsi bafune Adonijah bamufake ekufeni. 26 Wase Abiathar umpristsi iNkhosi yatsi, ''Hamba uye eAnathoth, emasimi akho. Ufanele kufa, kepha angeke ngikubulale nyalo, ngoba utfwele libhokisi lesivumelwano saSimakadze embikwaDavide babewami futsi uhlupheke ngendlela babewami lahlupheke ngayo,'' 27 Ngako Solomoni wacitsa Abiathar ekubeni ngumpristi kuSimakadze, lokungenteka agcwalise livi laSimakadze, lalikhulumile macondzana endlu yaEli eShiloh. 28 Letindzaba tefika kuJoab, ngoba Joab wasekela Adonijah, naloku angasekelanga Absalom. Ngako Joab wabalekela ethendeni laSimakadze wakonkoshela etimphondvweni telilati. Inkhosi Solomoni watjelwa kutsi Joab ubalekele ethendeni laSimakadze nekutsi nyalo abeseceleni kweli lilati. 29 Solomoni wase utfumela Benaiah indvodzana yaJehoiada, atsi, mbulale.'' 30 Ngako Benaiah weta ethendeni laSimakadze wase utsi kuye, ''Inkhosi atsi, 'Phuma, '' Joab waphendvula, ''Chake, ngiyofela la.'' Ngako ke Benaiah wabuyela eNhosini, atsi, ''Joab utse ufuna kufela elatini.'' 31 Inkhosi yatsi kuye, Yenta njengoba ashilo. Mbulale, umgcibe kute utawulahla kimi nasedlinini yababe wami ingati ingati Joab layicitsa ngaphandle kwesizatfu. 32 Mane Simakadze abuyisele ingati yakhe enhloko yakhe, ngoba ngaphandle kwekutsi atise babe wami Davide wahlalasela emadvodza lamabili labangcwele futsi bancono kunaye wababulala ngenkemba, Abner indvodzana yaNer, umholi wemphi yaka Israel, kanye naAmasa indvodzana yaJether, umuholi wemphi yakaJudah. 33 Ngako mane ingati yabo ibuyele enhloko yaJoab kanye nsetihloko tetitukulwane takhe ingunaphakade. Kodvwa kuDavide kanye netitukulwane takhe, nedlu yakhe, kanye nasesihlalweni sakhe, mane kube nethula ingunaphakade.'' 34 Kwase kutsi Benaiah indvodzana yaJehoiada wenyukela etulu wahlasela Joab wambulala. Wagcinitjwa endlini yakhe ehlane. 35 Inkhosi yafaka Benaniah indvodzana yaJehoiada kutsi aphatse umbutfo endzaweni yakhe, wase ufaka Zadok umpristi endzaweni yaAbiathar. 36 Inkhosi yase utfumela yabita Shimei, yase itsi kuye, ''Takhele indlu eJrusalema bese uhlala khona, ungaphumi kuyakulenye indzawo. 37 Ngoba ngalelinga uphumela ngephandle, endlula esigodzini saseKidron, wati kahle kutsi nomakanjani utawufa. Ingati yakho iyoba senhloko yakho.'' 38 Ngako Shimei watsi enkhosini, '' Lololokusho kuhle. Njengobe umhloli inkhosi yami ishilo, ngako tisebenti takho tiyokwenta.'' Ngako ke Shimei wahlala eJerusalem emalanga lamanengi. 39 Kodvwa ekupheleni kweminyaka lemitsatfu, tisebenti taShimei tabalekala kuAchish indvodzana yaMaakah, inkhosi yaseGath. Ngako batjela Shimei, batsi, '' Buka tisebenti takho tiseGath.'' 40 Shimei wasukuma, wagibela lihhashi lkahe wayaku Achish eGath kuyocela tisebenti takhe. Wahamba walandza tisebenti takhe tabuya eGath. 41 Ngesikhatsi Solomoni atjelwa kutsi Shimei usuke eJerusalemi waya eGath futsi sobuyile, 42 Inkhosi yatfumela yabita Shimei yatsi kuye, ''Angikakwenti yini kutsi ufunge kuSimakadze nekufakaza kuwe, ngitsi, 'Yati kutsi ngalelinga muhlazana uphuma uyakulenye indzawo nomakanjani utawufa? Wase utsi kimi, Loku lengikuvile tindzaba letiminandzi'. 43 Leni ke ungakagcini sifungo sakho kuSimakadze nakulo myalelo lengikunike wona? 44 Nenkhosi yatsi kuShimei, ''Uyati enhlitweni yakho bonkhe butsakatsa lobente kubabe wami Davide. Ngako ke Simakadze uyawubuya kulobutsakatsaka lobuse nhloko yakho. 45 Kepha Inkhosi Solomoni iyawubusiswa nesihlalo saDavide siyawushicelelwa embikwaSimakadze ingunaphakadze.'' 46 Ngako ke Inkhosi yanika Benaiah indvodzana yaJahoiada umyalo. Wenyukela etulu wayobulala Shimei.