¹ Nangabe munye wenu anengcabano nalomunye, angaba nesibindzi aye enkantolo yemalungelo embikwe kwemehluleli longakholwa, kunekutsi aye kubantfu baNkulunklu labangcwele? ² Anati yini kutsi bantfu baNkulunkulu labangcwele batawehlulela lomhlaba? Nangabe ke nitawehlulela lelive, anikhoni yini kulungisa tindzaba letincane talokuphila? ³ Anati yini kutsi sitawehlulela tingilosi? Kakhulu kangakanani, ke, singehlulela tinkinga talemphilo? ⁴ Nakunjalo ke kufanele nente tehlulelo letiphetselene netintfo ta onkhe emalanga, niwabeke lani emacala lanjena njengalawa embikwalabo labangasilo lutfo nasebandleni? ⁵ Ngisho loku kute nitoba nemahloni. Kute yini emkhatsini wenu lohlakaniphile ngalokwanele kucatulula kucabana emkhatsini webazalwane? ⁶ Kodvwa umzalwane ubopha lomunye umzalwane- akwenteka embikwemahedeni! ⁷ Kwakona lokutsi nibophene nalomunye sekuvele kukwehluleka kuwe. Yini ungamane uhluphekele lokukabi? Yini ungamane uvume kudlelelwa? ⁸ Kodvwa nani cobo lwenu nenta lokubi futsi niyadlelelana, futsi nikwenta loku kubazalwane benu! ⁹ Anati yini kutsi labangcolile ngeke balidle lifa lembuso wa Nkulunkulu? Ningayengwa. Tingwadla, labakhonta tithico, labaphingako, labadvuna labatitabane, nalabo labalalana bebulili bunye, ¹⁰ emasela, labanemona, tidzakwa, labahlebako, netigebengu- longadla lifa lembuso wa Nkulunkulu. ¹¹ Loku ngulokunye labanye benu labebangiko. Kodvwa senigeziwe, ningcwelisiwe, nentiwe nalungelana na Nkulunkulu egameni leNkhosi yetfu Jesu Khristu kanye nangaMoya waNkulunkulu wetfu. ¹² Konkhe kuvumelekile kimi, '' kodvwa akusiko konkhe lokulusito. ''Konkhe kuvumelekile kimi,'' kodwva ngeke ngiphatfwe nangu kunye kwako. ¹³ ''Kudla kwesisu, futsi nesisu sekudla,'' kodvwa Nkulunkulu uyawukubhubhisa kokubili. Umtimba awukentelwa bugwadla. Esikhundleni, umtimba we Nkhosi, futsi Inkhosi itawunakekela umtimba. ¹⁴ Nkulunkulu wayivusa Inkhosi futsi natsi utosivusa ngemandla akhe. ¹⁵ Anati yini kutsi imitimba yenu ingemalunga a Khristu? Kumele kutsi ngitsatse emalunga a Khristu bese ngiwahlanganisa nengwadla? Nakancane! ¹⁶ Anati yini kutsi loyo lohlanganiswe nengwadla uba nyama yinye nayo? Njengoba imibhalo isho, ''Lalababili baba nyama yinye.'' ¹⁷ Kodvwa loyo lohlanganiswe neNkhosi uba moya munye nayo. ¹⁸ Balekelani bugwadla! Sonkhe sono umuntfu lakasentako singaphandle kwemtimba, kodvwa logwadlako umuntfu wona umtimba wakhe. ¹⁹ Anati yini kutsi umtimba wenu ulithempeli la Moya LoNgcwele, lohlala kini, lona leninawo uvela ku Nkulunkulu? Anati yini kutsi anisibo benu? ²⁰ Ngoba natsengwa ngelinani leliphakeme. Ngako ke dvumisani Nkulunkulu ngemtimba wenu nangamoya wenu, lokukwaNkulunkulu.