¹ Mayelana netipho tamoya, bazalwane, Angifuni nibe ngulabangatati. ² Niyati kutsi sikhatsi nisengemahedeni, benidukiselwa etithicweni letatingakhulumi, ku noma ngayiphi indlela naniholwa ngito. ³ Ngako-ke ngifuna nati kutsi kute lokhuluma ngamoya wa Nkulunkulu longatsi, '' Jesu uqalekisiwe'' kute longatsi, ''Jesu uyi Nkhosi,'' ngaphandle kwaMoya loyingcwele. ⁴ Nyalo ke kunetiphiwo letehlukene, kodvwa Moya munye. ⁵ Kunetinkonzo letehlukene, kodvwa iNkhosi yinye; ⁶ futsi kunemisebenti leyehlukene, Kodvwa munye loNkulunkulu losebenta konkhe kubo bonkhe. ⁷ Umuntfu ngamunye uphiwe kutsi kubonakalisa Moya kube kusitakala kwabo bonkhe. ⁸ Lomunye uphiwe ngaMoya livi lenhlakanipho, kulomunye livi leKwati ngaye lo Moya. ⁹ Kulomunye uphiwe kukholwa ngaye loyo Moya, kulomunye futsi tipho tekuphilisa ngaye loyo Moya munye. ¹⁰ Kulomunye imisebenti yemandla, kulomunye kuphrofetha. Kulomunye likhono lekwehlukanisa emkhatsini wemimoya, lomunye tinhlobonhlobo tetilwimi, kulomunye kumuhusha tilwimi. ¹¹ Konkhe loku ngumsebenti wakhe loyo Moya munye, kupha sipho ngamunye ngamunye, ngekutikhetsela kwakhe. ¹² Ngakoke njengoba umtimba munye unemalunga lamanyenti futsi onkhe ngemalunga emtimba munye, ngako kunjalo nakuKhristu. ¹³ Ngoba ngaMoya munye sonkhe sabhabhatiselwa kumtimba munye, noma ungumJuda noma ungumGriki, noma usigcila noma ukhululekile, bonkhe bentiwa kutsi banatse kuMoya munye. ¹⁴ Ngalokutsi umtimba awusilo lililunga linye, kepha manyenti. ¹⁵ Nangabe lunyawo lutsi, ''njengoba ngingasiso sandla, angisiyo incenye yemtimba,'' akusho kutsi sengeke libe yincenye yemtimba. ¹⁶ Futsi uma indlebe itsi, ''Ngoba angisilo liso, Angisiyo incenye yemtimba, akusho kutsi sengeke libe yincenye yemtimba ¹⁷ ''Kube umtimba wonkhe wawu liso, bekuyawuba kuphi imizwa wekuva? Kube umtimba wonkhe waba yindlebe, bekuyawuba kuphi imizwa wekuhogela? ¹⁸ Kepha Nkulunkulu ubekile ngayinye incenye yemtimba, leyo njenge kuyakha kwakhe. ¹⁹ Kube betililunga linye lafanako,ngabe ukuphi umtimba? ²⁰ ngako nyalo manyenti emalunga, kepha umtimba munye. ²¹ Liso angeke litsi esandleni, Ngite sidzingo sakho,'' noma itsi inhloko enyaweni, ''ngite sidzingeko sakho.'' ²² Kodvwa emalunga emtimba lovela ngatsi abutsakatsaka abalulekile, ²³ onkhe emlunga emtimba lesicabanga kutsi akahlonipheki, siwanika inhlonipho lenkhulu, futsi emalunga etfu lesinemahloni ngawo nguwona anesitfunti. ²⁴ lawo malunga lavelele ate leso sidzingeko. Kodvwa Nkulunkulu uhlanganisa onkhe malunga kanye kanye, anika inhlonipho lawo malunga lashoda ngayo. ²⁵ Wakwenta loko khona kutowuba bete umkhatsi emtimbeni, kodvwa kute emalunga anakekelane ngekuvelana. ²⁶ Nangabe linye lilunga lihluphekile, onkhe emalunga ahlupheka kanye kanye; noma ke uma linye lilunga lihlonipheka, onkhe emalunga ayahlangana ajabule. ²⁷ Nyalo-ke nine ningumtimba wa Khristu futsi ngamunye ulilunga kuwo. ²⁸ Nkulunkulu ubekile ebandleni baphostoli kucala, besibili baphrofethi, besitsatfu bothishela, bese labo labenta imisebenti yemandla, tipho tekuphilisa, labo labaveta lusito, Labo labenta umsebenti wekungamela, nalabo labane tinhlobonhlobo tetilwimi. ²⁹ Ngabe bonkhe babaphostoli? Bonkhe babaphrofethi? Bonkhe babothishela? Ngabe bonkhe benta tento letinemandla? ³⁰ Ngabe bonkhe banetipho tekuphilisa? Ngabe bonkhe bakhuluma ngetilwimi? Ngabe bonkhe bayatihumusha tilwimi? Shisekelani Nifune tipho letinkhulu. ³¹ Kodvwa ngitanikhombisa indlela lencono kakhulu.