¹ Angifuni kutsi ningabi ngulabangati, bazalwane, kutsi bokhokho betfu bebangephansi kwelifu nabo bonkhe bendlula phakatsi elwandle. ² Bonkhe babhajatiselwa kuMose efini naselwandle, ³ bonkhe badla kudla kunye kwamoya . ⁴ Bonkhe banatsa sinatfo samoya edvwaleni. lebelibalandzela, nalelo dvwala bekunguKhristu. ⁵ Kepha Nkulunkulu abengajabuli ngelinengi labo, netidvumbu tabo tasakateka ehlane. ⁶ Nyalo letintfo betisibonelo kitsi, kuze kutsi singatifisi tintfo letimbi njengoba batifisa bona. ⁷ Ningabi ngulabakhonta tithico njengalabanye babo. Loku kunjengoba kubhaliwe, ''Bantfu bahlala phansi badla banatsa, base bayasukuma badlala.'' ⁸ Asingatimbandzakanyi nebugwadla, njengoba benta labanye babo benta. Ngelilanga linye, labati-23000 bafa ngenca yaloko. ⁹ Futsi asingamlingi Khristu, njengoba labanye benta base babhujiswa tinyoka. ¹⁰ Ningakhononi, njengoba labanyenti babo benta base babhujiswa yingilozi yekufa ¹¹ Nyalo letintfo tenteka kutsi kube tibonelo kitsi. Kwabhalwa kutsi kube sicwayiso--kitsi lesesifikelwe sikhatsi sekugcina. ¹² Ngakoke locabanga kutsi umile akacaphele kutsi angawi. ¹³ Kute kulingwa lokusifikele lokwehlukile kubo bonkhe bantfu. kodvwa, Nkulunkulu wetsembekile. Angeke avumele kutsi ulingwe ngalokweca emandla akho. Naloko kulingwa uyawuveta indlela yekubaleka, kuze nitowukhona kuma. ¹⁴ Ngakoke, batsandzako bami, balekelani kukhonta tithico, ¹⁵ Ngikhuluma kini njengebantfu labanekucondza, kuze kutsi nehlulele loko lengikushoko. ¹⁶ Lendzebe yesibusiso lesiyibongako, ayisiyo yini inhlangenyelo engatini yaKhristu? Lesinkhwa lesisihlephulako, ayisiyo yini inhlanganyelo emtimbeni waKhristu? ¹⁷ Ngobe sinye sinkhwa, tsine sibanyenti singumtimba munye. Sonkhe sitsatsa sinkhwa sinye kanye kanye. ¹⁸ Bukani Israyeli wenyama. Akusibo yini labadla umhlatjelo labahlanganyela elathini? ¹⁹ Ngitsini ke manje? Kutsi sithico silutfo? Noma kudla lokuhlatjelwe tithico kulutfo yini? ²⁰ Kodvwa ngitsi ngaletintfo labatinikela njengemhlatjelo, bakuhlabela emadimoni hhayi kuNkulunkulu. Angifuni nibe nenhlanganyelo nemadimoni! ²¹ Angeke ninatse endzebeni yeNkhosi kanye nendzebe yemadimoni. Angeke nibe nenhlanganyelo etafuleni lenkhosi nase tafuleni lemadimoni. ²² Noma sichukuluta iNkhosi kutsi ivukelwe sikhwele? Sinemandla kunayo yini? ²³ Konkhe kuvumelekile,''' kodvwa akusiko konkhe lokunenzuzo. Konkhe kuvumelekile,'' kodvwa akusiko konkhe lokwakha bantfu kubakhulise. ²⁴ Akubete lotaticabangela yena. Kepha, nguloyo naloyo akafunele lokuhle namakhelwane wakhe. ²⁵ Ningadla noma ngabe yini letsengiswa emakethe, ngaphandle kwekubuta ngenca yanembeza. ²⁶ Ngoba ''umhlaba weNkhosi, nekugcwala kawo.'' ²⁷ Uma longakholwa akumema kutokudla esidlweni, ufisa kuya, dlani nome ngabe yini lebekwe phambi kwakho ngaphandle kwekubuta imibuto ngenca yanembeza. ²⁸ Kepha nangabe lomunye atsi kuwe, ''Loku kunikelwe emhlatjelweni, ngako ningakudli, ngenca yalona lonatisile, nangenca yanembeza-( ngoba umhlaba nako konkhe lokukuwo ngekweNkhosi) ²⁹ nembeza walomunye, Ngisho, hhayi wakho. Leni inkhululeko yami yehlulelwe ngalomunye nembeza? ³⁰ Uma ngihlanganyela ekudleni ngekubonga, ngihlanjalatelwani ngaloko lengikubongako? ³¹ Ngakoke, noma niyadla noma niyanatsa, noma nentani lokunye, kwenteni konkhe kube ludvumo kuNkulunkulu. ³² Ningasoleki kumaJuda noma emaGhrikhi nasebandleni laNkulunkulu. ³³ Ngalokufanako ngiyetama kujabulisa bonkhe bantfu ngato tonkhe tintfo. Angitifuneli umvuzo wami, kepha walabo labanyenti. Ngenta loku kuze kutsi basindziswe.