¹ Pawula, ngekubitwa nguJesu khristu kuba ngumphostoli ngekwentsandvo yaNkulunkulu kanye naSostine umzalwane wetfu, ² Ebandleni laNkulunkulu eKhorinte, Laba labangcwelisiwe ngaKhristu Jesu baphindze babitelwe kutsi babe ngcwele, nalabo labasetidzaweni tonkhe lababita ligama leNkhosi Jesu Khristu, loyiNkhosi yetfu. ³ Shengatsi umusa nekuthula kungaba kini lovela kuNkhulunkulu longubabe wetfu neNkhosi Jesu Khristu ⁴ Ngihlale ngimbonga Nkulunkulu ngani ngobe umusa waSimakadze lenawunikwa nguKhristu Jesu. ⁵ Wanenta naba ngulabanjingile ngayo yonkhe indlela, kuko konkhe kukhuluma kanye nekwati konkhe, ⁶ Njengobe bufakazi ngaKhristu bavunywa kutsi buliciniso kini. ⁷ Ngako ke kute nasinye sipho saMoya loNgcwele lenite sona njengobe nisalindzele ngekukhutsatela kwembulwa kweNkhosi yetfu Jesu khristu. ⁸ Utanicinisa kute kube sekupheleni, kute ningasoleki ngelilanga leNkhosi yetfu Jesu Khristu. ⁹ Nkulunkulu wetsembekile, loyo wanibita kutsi nibe nebudlelwane nendvodzana yakhe, Jesu Khristu iNkhosi yetfu. ¹⁰ Ngiyanincenga, bazalwane, ngelibito leNkhosi yetfu Jesu Khristu, kutsi nonkhe nivumelane, loko kutokwenta kungabi nemkhatsi phakatsi kwenu. Ngiyanincenga kutsi nihlangane nibe mcondvo munye nenhloso yinye. ¹¹ Njengobe ngitjeliwe ngani, Bazalwane bami, bantfu bakaKlowe kutsi kunekwehlukana ekhatsi lapha kini. ¹² Ngicondze kutsi; nine nitsi, Mine ngiwaka Pawula,'' noma ngiwaka Apholo,'' noma atsi ngiwakaKhefasi ,'' noma ngiwakaKhristu.'' ¹³ Khristu uhlukanisiwe yini? Ngabe Pawula wabetselelwa nine na? Ngabe nabhabhatiswa egameni laPawula yini? ¹⁴ Ngiyambonga Simakadze kutsi angizange ngabhabhatisa namunye wenu, phandle kwaKhrisiphusi naGayiyuse. ¹⁵ kwenteka loko kuze kubete namunye longatsi wabhabhatiswa egameni lami. ¹⁶ Ngaphindze ngabhabhatisa indlu yaStefana. Ngale kwaloko angati nangabe kukhona yini labanye lengimbhabhasile. ¹⁷ Ngobe Khristu akangitfumanga kutsi ngitewubhabhatisa kepha kutoshumayela livangeli- hhayi ngenkhulumo lenhlakanipho, kute siphambano saKhristu singentiwa lite. ¹⁸ Ngako lomlayeto wesiphambano ubulima kulababhubhako. Kepha kulabo labasindziswako, lomulayeto ungemandla aNkulunkulu. ¹⁹ Ngoba kubhaliwe, ''Ngitawubhidlita inhlakanipho yalabahlakaniphile. Ngimphumphutsekise kucondza kwekuhlakanipha kwabo. ²⁰ Uphi umuntfu lohlakaniphile? Ngubani lofundzile? Uphi umphikisi wemhlaba? Nkulunkulu akakuguculi yini lokuhlakanipha kwemhlaba wakwenta bulima? ²¹ Ngoba umhlaba ngekwawo kuhlakanipha bongamati Nkulunkulu, Nkulunkulu kwamjabulisa kusindzisa labo labakholwako ngekuva bulima benshumayelo. ²² Ngako emaJuda acela timangaliso netibonakaliso nemaGrikhi afuna inhlakanipho. ²³ Kepha nyalo sishumayela Khristu abetselwe esiphambanweni, sikhubekiso kumaJuda bulima kubetive. ²⁴ Kepha kulabo Simakadze lababitile, kumaJuda nakumaGrikhi, sishumayela Khristu angemandla kanye nenhlakanipho yaNkulunkulu. ²⁵ Ngobe buwula baNkulunkulu buhlakaniphile kunebebantfu, kanye nebutsakatsaka baNkulunkulu bunemandla kunebantfu. ²⁶ Bukani kubitwa kwenu bazalwane . akusibo bonkhe labahlakaniphile ngekwelizinga emkhatsini wenu. akusini nonkhe leninemandla. Akusini nonkhe lenatalwa kahle. ²⁷ Kodvwa Nkulunkulu ukhetse bulima basemhlabeni kute ahlaze buhlakaniphi. Nkulunkulu wakhetsa lokubutsakatsaka emhlabeni kute atewuhlaza lokunemandla. ²⁸ Nkulunkulu wakhetsa lokubukeka kuphansi nalokudzelelekile emhlabeni. Wakhetsa netintfo letibukeka tingelutfo, wakhetsa netintfo letingesilutfo khona atocitsa letihloniphekile. ²⁹ Wakwenta loko kute kubete umuntfu lotibongako phambi kwaNkhulunkulu. ³⁰ Ngenca yaloko lakwenta Nkhulunkulu nyalo nikuKhristu Jesu, lowaba kitsi kuhlakanipha kwaNkhulunkulu. Waba kulunga, bungcwele, nekuhlengwa. ³¹ Lokwenta kutsi, njengaloku kubhaliwe kutsi, "loyo lotibongako, akatibonge eNkhosini."