^{1 2 3} Sitsa savukela Izrayeli sahlebela Davide kutsi ente lubalo lwa-Izrayeli. Davide watsi kuJoab nakubaphatsi bemphi, ''Hambani, hambani nente lubalo lwebantfu baka-Izrayeli kusuka eBeersheda kuya eDan bese nibuya nibika kimi, kute ngitokwati linani labo.'' Joab watsi, ''Shengatsi Simakadze angenta imphi yakhe ibe linani leliphindvwe ngenkhulungwane kunaloku lelingiko manje. Kepha umphatsi wami inkhosi, akusibo yini bantfu bakhe nalaba? Ikwentelani loku inkhosi yami? leni yehlisele licala ku-Izrayeli?'' ^{4 5} Kepha livi lenkhosi lamcindzetela umbono waJoab. Ngakoke Joab wahamba wadzabula lonkhe laka-Izrayeli, Wase uyabuya eJerusalema. Wase uyabika lubalo lwemadvodza ekulwa kuDavide. Bekunemadvodza aka-Izrayeli lati 1,100,000 lakhipha tinkemba. Judah ayedvwana bekanemabutfo langu 470,000. ^{6 7 8} Kepha emaLevi nebakaBenjamini ababanga yincenye yalelubalo, ngoba lesento senkhosi samucansula Joab. Lesento samphoca Nkulunkulu, ngakoke wawajezisa ema-Izrayeli. Davide wase utsi kuNkulunkulu, ''Ngikonile kakhulu ngalesento. Nyalo susa sono kulenceku yakho, ngoba ngente bulima kakhulu.'' ^{9 10} Simakadze watjela Gad, umprofethi waDavide, ''Hamaba utsi kuDavide, 'Simakadze utsi: Ngikunika tintfo letintsatfu lokumele ukhetse kuto. Khetsa kunye kulolokutsatfu.''' ^{11 12} Ngakoke Gad wahamba waya kuDavide wafike watsi kuye, ''Simakadze utsi, 'Khetsa kunye kunaku lokutsatfu: iminyaka lemitsatfu yendlala, nobe tinyanga letintsatfu ugijimiswa titsa takho utfolwe tinkemba tato, nobe emalanga lamatsatfu enkemba yaSimakadze, lokukutsi, kubenesifo lesingujubajece eveni laka-Izrayeli.' Nyalo ke, khetsa imphendvulo lengitoyitsatsa ngiyoyinika lolongitfumile.'' ^{13 14 15} Davide wabese uphendvula utsi kuGad, ''Ngiselusizini lolukhulu! Angiwele esandleni saSimakadze kunekutsi ngiwele esandleni sendvodza, ngoba tento takhe temusa tinengi.'' Ngakoke Simakadze watfumela sifo ku-Izrayeli, kwafa bantfu labatinkhulungwane letingemashumi lasikhombisa. Nkulunkulu watfumela ingilozi eJerusalema kutsi iyawukuyibhubhisa. Ngesikhatsi seyitobhubhisa, Simakadze wabukela washintja ingcondvo ngaleludlame. Wse utsi kulengilozin yekubhubhisa, ''Sekwanele, Jikisa sandla sakho.'' Ngaleso sokhatsi ingilozi beyime lapho kubhulela khona Ornan umJebusite. ^{16 17} Davide wabuka etulu wabona ingilozi yaSimakadze ime emkhatsini wemhlaba nelizulu, ikhiphe inkemba yayo iyiphakamisele tikweJerusalema. Wabese Davide netikhulu, bambatsa tingubo letakhiwe ngeboya bembuti nobe belikamela, balala babuka phasi. Davide wase utsi kuNKulunkulu, ''Loku kungenca yekutsi ngitse akwentiwe lubalo lwemadvodza emphi? Ngimi lengonile ngaloku. Kepha laba timvu, benteni bona? Simakadze Nkulunkulu wami! Sandla sakho asehlele kimi nesibongo sami, kepha ungasivumeli lesifo sihlale kubantfu bakho.'' ^{18 19 20} Ngakoke ingilozi yaSimakadze yatfuma Gad kutsi atsi kuDavide, kutsi Davide kufanele enyuke ayokwakha lilati laSimakadze ebaleni lekubhulela la-Ornan umJebusite. Ngakoke Davide wenyuka njengoba bekatjelwe nguGad emageni laSimakadze. Ngesikhatsi Ornan asabhula kolo, wagucuka wabona lengelozi. Yena nemadvodzana akhe lamane lebekakadze akanye naye babhaca. ^{21 22} Ngesikhatsi Davide efika ku-Oranan, Ornan wabuka wabona Davide. Wasuka ebaleni lekubhulela wakhotsamela Davide wabhekisa buso bakhe phasi. Davide wabese utsi ku-Ornan, ''Ngitsengisele lelibala lekubhulela, kuze ngitokwakhalilati laSimakadze. Ngitokubhadala ngalokuphelele, kuze lesifo sisuswe esiveni.'' ^{23 24} Ornan waphendvula Davide watsi, ''Litsatse, nkhosiyami. Yenta ngalo lokubona kukuhle emehlweni akho. Buka, ngitokunika inkundzi uyente umnikelo wekushiswa, netihliphi tekubhulela utente tinkhuni, nalokolo abengumnikelo wenhlavu.'' Inkhosi Davide yatsi ku-Ornan, ''Cha, ngifuna kutsenga ngentsengo lephelele. Ngeke ngitsatse lokungekwakho ngikwente umnikelo loshisiwe waSimakadze nangabe angikakubhadaleli.'' ^{25 26 27} Ngakoke Davide wabhadala ngemashekeli langemakhulu lasitfupha eligolide kungenga lelibala. Davide wakha lapho lilati laSimakadze wanikela iminikelo leshisiwe neminikelo yebudlelwane. Wabita Simakadze, lowamphendvula ngemlilo lochamuka ezulwini etikwelilati leminikelo leshisiwe. Wabese Simakadze utjela lengilozi, lengilozi yabisela inkemba yayo esikhwameni sayo. ^{28 29 30} Ngesikhatsi Davide sekabonile kutsi Simakadze umphendvulile ebaleni lekubhula la-Ornan umJebusite, wase unikela ngemihlatjelo khona lapho. Kuleso sikhatsi, lithende laSimakadze, lelamiswa nguMose enhlane, nelilati leminikelo leshiswako, belisendzaweni lephakeme eGibeon. Kodvwa, Davide akakhonanga kunyukela khona ayobuta Nkulunkulu kutsi entenjani, ngoba bekesaba inkemba yengilozi yaSimakadze.