¹ Pene apo Petulo na Yohane bakayowoyanga ku banthu, baphalazyi na balala bamutempele na ba Saduki bakiza kwa iwo. ² Bakaba bakusuzyika mitima mwao chifukwa baka sanga Petulo na Yohane bakasambizyanga banthu na kuyowoya za Chiuka cha Yesu Kristu kufuma kubakufwa. ³ Bakayika mawoko bawo pa iwo na kuyika iwo muchitolokosi mpaka siku lakulondezyapo uchechelo, pakuti kukaba namise. ⁴ Kwene banthu banandi bakati bapulika zauthenga uwo bakagomezya; ndipo nambala ya banthu awo bakagomezya ikaba pafupi vikwi vinkhondi. ⁵ Chikachitika pasiku lakulondezyapo kuti balamulili bawo, ba balala bawo, na balembi bakakumana pamoza muyelusalemu. ⁶ Anasi mulala waba sambizyi wakaba nawo na Kayafa, na Yohane, na Alekizandala, na wose awo bakaba bale bake ba mulaliki mulala. ⁷ Apo bakaika Yohane na Petulo pakati, bakaba fumba, "kasi ninkhongono uli, kapena muzina yanjani, mukuchitila ivi?" ⁸ Ntheula Petulo, mwakuzuzyika na mzimu Mutuba, wakati kwa iwo, "imwe wolamulila banthu wose, nabalala balala, ⁹ pala tili pachiyezyo pasiku lino kulingana na nchito iwemu iyo tachita pa mwanalume wakulwala,nakuti na nthowa uli yene iyo mwanalume uyu wachizyikilamo, ¹⁰ lekani chibe chakumanyikwa kwa imwe mose na kwa banthu wose baku Isilayeli kuti uyu mwanalume wakumilila panthazi zinu na umoyo mu zina la kwa Yesu Kristu waku Nazaleti, wene uyo mukamu khoma pamphinjika, mwene uyo Chiuta wakamu usya kuba kufwa. ¹¹ Yesu Kristu ndiye libwe ilo womanga nyumba mukalikana ndilo yakhala yapakona. ¹² Palije kupulumusyika kupitila mumunthu munyake, pakuti palije zina linyake pa chalo chapasi yili kupelekeka kwa banthu kuti ba sangilemo chiponosyo." ¹³ Pene apo bakawona chikanga icho chikaba mwa Petulo na Yohane nakumanya kuti bakupambanako, bamuzila kusambil, bakadabwa, pakumanya kuti Petulo na Yohane bakaba na Yesu. ¹⁴ Chifukwa bakawona mwanalume weneuyo wakachizyika wakumilila na iwo, bakabevye chakuyowoya chakususya pa ichi. ¹⁵ Apo bakabalamulila ba positoli kuti ba fumepo pa chidumbilano cha balala balala, bakayowoyesyana pa iwo bekha. ¹⁶ Bakati, "nchivichi icho tingachita kwa aba banthu? Mwa unenesyo wakati chimanyikwilo cha iwo chibepo pa iwo mwakuti wose mwa iwo ba manyikwe kwa wose awo bakukhala ku Yelusalemu. Tingakana ichi yayi; ¹⁷ Mwakuti chileke kupita patali mwa banthu. Tibachinjezye kuti baleke kuyowoyaso kwa waliyose muzina ili." ¹⁸ Bakachema Petulo na Yohane nakubalesya kuyoboya naku sambizyaso mzina la Yesu. ¹⁹ Kwene Petulo na Yohane bakazyola ndipo bakati kwa iwo, "ngati nchakwenelela pa maso ya Chiuta kulondozya imwe padela pa iye, muyeluzye. ²⁰ Tingaba bakuleka yayi kuyowoya za vinthu ivo tawona na kupulika." ²¹ Mwakupitilzyapo kuchenjezya Petulo na Yohane, bakabaleka kuti balute. Bakabasanga bambula mulandu kuti babape chilango, pakuti mzinda wabanthu ukalambilanga Chiuta pa icho chikachitika. ²² Ndipo mwanalume uyo wakachitikila ivi viwonekelo vakuchizyika wakaba wakupitilila pa vilimika makhumi yanai. ²³ Bakati bamasulika, Petulo na Yohane bakiza kwa banthu babo nakuba phalila vose ivo basambizyi balala bakayowoya kwa iwo. ²⁴ Apo bakapulika za ichi, bakatumphusya mazyo yao mwa lingo imoza kwa Chiuta na kuti, "Fumu, mukalenga kuchanya na pasi na nyanja, vose io vilimo. ²⁵ Mukayowoya namuzimu mutuba kupitila mulomo waba kapolo binu, Dada withu Davide, 'nchifukwa uli bamitundu bakukalipa, ndipo banthu bakupanga masachizyo yambula kwenelela ya vinthu?' ²⁶ Mukati, 'mafumu ba chalo bakiza pamoza, na balamulili bakiza pamoza kukangana na Fumu, na Kristu.' ²⁷ Nadi, wose Helodi na Potiyasi Pilato, pamoza na kuwalo na banthu ba Isilayeli, bakaza pamoza mumusumba mwakuyimikana na mulunji kapolo winu Yesu, uyo mukamuzoza. ²⁸ Bakaza pamoza mwakuti bachite ivo vose woko linu na khumbilo linu lifisyike. ²⁹ Sono, Fumu, niwonani pa vose ivo bakuyowoya pa kapolo winu nipani kayowoyelo kamazyo yinu nachikanga. ³⁰ Tambasulani woko linu muchizye, nakupeleka vimanyikwilo na vaminthondwe muzina la kapolo winu Yesu." ³¹ Bakati bapemphela, malo awo bakakhalapo pamoza yakagwedezeka, ndipo wose bakazuzika na mzimu mutuba nakuyowoya mazyo ya Chiuta na chikanga. ³² Nambala ikulu ya banthu awo bakagomezya bakaba ba mutima umoza na thupi. Palije na umoza wakayowoya kuti vinthu vake ni vaiye yekha, kwene bakaba na vinthu vose mwakulingana. ³³ Nankhongono ikulu ba positoli bakatandaza za uthenga na kuchitila za ukaboni wa kuuka kwa Fumu Yesu, ndipo wezi ukulu wakiza pa iwo wose. ³⁴ Pakabevye munthu pakati pa iwo uyo wakasobelwa kanthu kalikose, kwa wose awo bakaba na malo yawo na manyumba yawo bakagulisa nakupeleka ndalama kufuma ku vinthu vawo bakagulisa. ³⁵ Nakupeleka pa malundi ya bapositoli, ntheula zikagabika kwa waliyose kulingana na makhumbilo yao. ³⁶ Yosefe, mwene uyo ba positoli bakachemanga kuti Banabasi (icho chikung'anamula kuti mwana wakuchisya), mu levi, mwanalume wakufumila ku kipro, ³⁷ wakagulisa munda uyo ukaba wake nakupeleka ndalama pa malundi ya apositoli.