¹ Nkhani yakale iyo nkhalemba, Teyofilo, wakaphalila wose ivyo Yesu wakayamba kuchita nakusambizya, ² kufikila pa siku ilo wakatoleka kuchanya, apo wakapa malamulo kupitila mumzimu mutiba kubotumikila awo wakasankha. ³ Kufuma pakusuzyika kwake, wakajipeleka wamoyo kwa iwo navimanyikwilo vinandi kwa masiku makhumi yanai wakaonekelanga kwa iwo, ndipo wakayowoyanga za Ufumu wa Chiuta, ⁴ Apo wakakumanaga pamoza nawo, wakabalamulila kuti baleke kufuma mu Yelusalemu, Kwene balindizye phangano ya Adada, pa ivo wakayowoya, "mukapulika kwa ine ⁵ kuti Yohane nadi wakabatiza na maji, kwene imwe mubatizike na mzimu mutuba mumasiku yadoko." ⁶ Apo bakati baungana pamoza bakamfumba, "Fumu, kasi iyi ndiyo nyengo muzawezyela ufumu kuba islayeli?" ⁷ Wakati kwa iwo, "nkhwaimwe yayi kumanya nyengo iyo Adada bakaika na mazaza bawo. ⁸ Kwene muzampokela nkhongono apo mzimu Mutuba wiza pa imwe, ndipo mukhalenge akaboni bane kose ku Yelusalemu na kose ku Yudeya na Samaliya, ndiposo kuumalilo kwa chalo." ⁹ Apo Fumu Yesu wakayowoya ivi vinthu, ntheula bakabekanga mchanya, wakakwezyekanga mchanya, ndipo thambo likambisa mumaso mwao. ¹⁰ Apo bakabekisyanga kuchanya pala wakalutanga, mochulusyika, banalume babili bakamilila pamoza na iwo mu vyakuvwala votuba. ¹¹ Bakati, "imwe banalume ba Galileya, chifukwa mumilila pano nakubekisisya kuchanya? Uyu Yesu watoleka kwa imwe kuluta kuchanya wamuwelaso munthowa yene yiyi mwaona walutilamo kuchanya." ¹² Sono bakawelela ku Yelusalemu kufuma kuphili yochemeka Oliveti, iyo ili pafupi na Yelusalemu, ulendo wapa sabata. ¹³ Bakati bafika, bakaluta mu chipinda chapachanya, umo bakakhalanga. Bakaba Petulo, Yohane, Yakobe, Andileya, Filipo, Thomasi, Batholomeyo, Mateyo, Yakobe mwana wa Alifele, Simioni wa Zilote na Yudasi mwana wa Yakobe. ¹⁴ Wose bakaba bakujipeleka na fundo imoza ya pemphelo, pamoza nabanakazi, Maliya amama ba Yesu, nabanung'una baye. ¹⁵ Mumasiku bala Petulo wakamilila pakati pa bali bake, mwakuti makhumi khumi nababili, ndipo wakati, ¹⁶ "babali, chikaba chokwenelela kuti mazyo yafisyike, kuti mzimu mutuba ukayowoyepo kufuma mumulomo mwa Davide vyakukhwasya Yudasi, uyo wakalongozya awo bakakola Yesu. ¹⁷ Chifukwa wakaba yumoza mwaise ndipo wakapokelelako utebeti." ¹⁸ (Sono mwanalume uyu wakagula munda nazosangika izo wakapokela mwauchimo, wakawa pasi kuyamba na mutu, ndipo thupi lake likaphumuka, ndipo matumbo yose yakafuma. ¹⁹ Apo wose bakakhalanga mu Yelusalemu bakapulika za ichi, nthene bakauthya munda ula zina muchitundu chawo "Akeledama," icho ndi, "munda wa ndopa.") ²⁰ "Apo chikalembeka mu buku la Masalimo, 'lekani munda wake walekeke, ndipo mngazomelezyanga yayi olo yumoza kukhalamo,' 'Lekani mnyake watole malo yake yaulongozyi.' ²¹ Nchakwenelela, ntheula, kuti yumoza mwa banalume awo bakatilondanga pa nyengo iyo Fumu Yesu wakanjila nakufuma mwaise, ²² kufumila ku ubatizo wa Yohane Kufikila apo wakatoleka kuchanya kufuma kwa ise, wakhale kaboni na ise pa chiuka chake." ²³ Bakayika panthazi banalume babili, Yosefe wochemeka Barasaba, uyo wakachemekaso Yusto, na Mateyo. ²⁴ Bakalomba ndipo bakati, "imwe, Fumu, mukumanya mitima za banthu wose, ntheula zumulani pa babili aba njani yumoza uyo mwasankha ²⁵ kuti watole malo muutebeti na mtumiki uyo yudasi wakazyoka nakuluta kumalo kwake." ²⁶ Bakapanga mayele yanandi, ndipo yanandi yakawila kwa Matiya, ndipo wakapiwa kubatumiki khumi na yumoza