¹ Ijwi lya Nehemiah mwana mwalumi wa Hakaliah: ino cakacitika mwezi wa Kislev, mumwaka wa kamukumi obile, nindali mucisi cipati ca Susa, ² eyo yomwi yomuzyalwama, Hanani, ambi abamwi balumi boku Juda bakaza, ambi ndakababuzya kwendalanya ama Jew, abo bakacija, abo bakacija kuzwa kubuzike, ambi okwendelanya aba Jerusalem. ³ Bakamba kuli mebo, ''abo bali muzibaka bakakonzya kufutuka kuzwa mubuzike bali mumapenzi ambi okuvwisya luse akambo kobwanda bwa Jerusalem bwakajuka, ambi emilyango wakatentwa omululo.'' ⁴ Mponya mponya nindakavwa majwi aya, ndakakala ansi okulila, ambi kwamazuba ndakazumanana kulila okulimya kulya okukomba kuli Leza wokujulu. ⁵ Mponya ndakamba, ''Ndakomba, ndamikumbila, Mwami, Leza wejulu, Leza mupati ukomosya, oyo ubamba cikonke okwima nji muluyando abo bamuyanda ambi okubamba malailile, ⁶ Imenso enu ajuke ambi amatwi enu avwisisye kutegwa mukonzye kuvwa inkombyo yomuzike wenu eyo njemukombela sikati amasiku kubantu bana Isilayeli bazike benu. Ndili mukwamba zibi zyabana Isilayeli, ezyo zitwamubisizya. Mebo antomwi ena'nda yabatata twakamubisizya . ⁷ Twakacita zibi kuli nwyebo, ambi takwe nitwakabamba malailile, zibumbwa, ambi ezyeledwe kucililwa ezyo ziwakambila Mozesi muzike wako. ⁸ Ndakomba yeye majwi ngiwakambila Mozesi muzike wako, ' kuti na upone kotakwe lusyomo ambi okusyomeka kuli mebo, ndiyo kugwisya akati kabantu, ⁹ ambi kuti wapiluka kuli mebo ambi okucilila malailile angu okwacita, mponya bantu bako bakagwisigwa kuzwa kujulu lyaansi, ndiyo bagwisya kuzwa oko ambi okubeta kunyika eyo njindaka basalila oku kweyosiya zina lyangu.' ¹⁰ Ino mbazike bako ambi bantu bako, abo muwakafutula kwindila enjuzu zyako zipati ambi ejanza lyako lidide. ¹¹ Ndakomba, ndakukumbila, Mwami matwi ako aswilizye inkombyo yomuzike wako ambi enjunzu yomuzike wako oyo wakalipa kuti alumbaizye zina lyako. Ino pa kuzwidilila kumuzike wako sunu, ambi mufwide luse mumenso oyu munu,'' ndakabeleka ku mwami wangu mbuli musyomi.