¹ Kumatalikilo kwali jwi, ape elyo jwi lyali o Leza ape ijwi lyali Leza. ² Oyu waliwo kumatalikilo o Leza. ³ Zyonse zintu zyaka pangwa kwindila mulinguwe, kunze lyakwe takwe cintu niciba comwi cakapangwa zipangidwe. ⁴ Mulinguwe mwali bumi, ape bumi wali mumuni wabantu, ⁵ Mumuni wakamunika mumudiima, mponya mudima takwe niwakazunda. ⁶ Kwali mwalumi wakatumwa kuzwa kuli Leza, izina lyakwe wali Joni. ⁷ Wakaza kali mumboni, kuzopa bumboni bomumuni, kutengwa bonse basyome kwindila mulinguwe. ⁸ Joni talinsi mumuni, pele wakaza kuti azo iminine mumuni. ⁹ Mumuni wamasimpe , upa mumuni bantu bonse, walikobuza munyika. ¹⁰ Wali munyika ape nyika yakapangwa kwindila mulinguwe, mponya nyika takwe niyakamuziba. ¹¹ Wakaza kuli batwe mponya batwe takwe nibakamutambula. ¹² Mponyina banji bakamutambula , abo bakasyoma zina lyakwe, wakabapa nguzu zyakuba bana ba Leza. ¹³ Abo takwe nibakazyaligwa kwindila mubulowa, na mukuyanda kwenyama, olo na kwindila mumuntu, pele lwa Leza. ¹⁴ Ijwi lyakaba nyama oku kala akati kesu. Twabubona bulemu bwakwe, bulemu bwa oyo alike mwini wakazwida kuli tata, uzwide luzyalo ama simpe. ¹⁵ Joni wakapa bumboni alinguwe okongolola, wati, oyu walinguwe ngudakali kwamba, oyo uza kwaza mebo mupati kundinda, kambo waliwo nketawo. ¹⁶ Mukuzulila kwakwe twatambula luzyalo kuli zyalo. ¹⁷ Kambo mulawo wakapegwa kwindila muli Mozesi. Luzyalo akasimpe lwakaza kwidila muli Jesu kilisito. ¹⁸ Takwe walinonga wamubona Leza, Leza alike , oyo ukede kumbali lya isi, wapanga kuti Leza azibwe. ¹⁹ Obu mbombubo bumboni bwa Joni awo ma Juda nibaka tuma bapaizi aba pati pati bomulawo kulinduwe kuzwa ku Jelusalema kuzo mubuza , ino ndiwe ni. ²⁰ Wakazumina takwe naka kaka, kono wakamba ati tandinsi kilisito. ²¹ Mponya bakamubuzya , ulini mpontina, ndiwe Elisya, wakati, tandinsi, bakati, ndiwe musinsimi, wakataba tandinsi. ²² Mponya bakamba kulinguwe, ndiwe ni,twambile tupe bwinguzi kuli abo bakatutuma, wamba nzi ali yebo. ²³ Wakamba, ndili jwi, lyongolola munkanda kulilamika nzila ya Leza, mbuli mbwakamba musinsimi Ayizaya. ²⁴ Bamwi bakazwa kuma falisi bakatumwa, ²⁵ Bakamubuzya oku mwambila kuti, ninzi nobbizya na toinsi kilisito na Elayija na musinsimi. ²⁶ Joni wakabataba, okwamba, ndi bbizya amanzi kono akati kenu kulimvwi umbi ngumutazi. ²⁷ Ngoguwe uza kwazwa mebo, oyo ngwete kozi kwangununa intambo zye mpanto zyakwe. ²⁸ Ezi zintu zyaka ctwa mu Betami kulubazu lumbi lwa Jodani, oko kwaliku bbizya Joni. ²⁹ Buzuba bwakacilila Joni wakabona Jesu uza kulinguwe mponya wakati , langa, njeyo mbelele ya Leza ibweza zibi zyonse munyika. ³⁰ Oyu ngoguwe ngudakamba kuti, oyo uza kwazwa mebo mupati kundida, oyo waliwo nketewo. ³¹ Takwe nindamwizi , kono cali obo kuti ayubunune kuli Izilayili, kuti ndakaza kebbizya amanzi. ³² Joni wakapa bumboni, wakati ndakabona muya kuseluka mbuli mombo kuzwa kujulu mponya waka kala alinguwe. ³³ Takwe nindakakozya kumuziba, kono oyo wakandituma kubbizya mumanzi wakandambila kuti, ali oyo ngoyobona muya kuseluka amana okasyala alinguwe ngonguwe ubbizya mumuya usalala. ³⁴ Ndabona okupa bumboni kuti oyu mwana wa Leza. ³⁵ Ape buzuba bwakacilila , Joni naivwi abasikwiya bakwe bobile, ³⁶ Bakabona Jesu kainda , mponya wakati, amubone imbelele ya Leza. ³⁷ Basikwiya bakwe bobile bakamumvwa kamba eci mponya bakacilila Jesu. ³⁸ Mponya Jesu wakacebuka okubabona kabamucilila amane wakababila kuti, muyanda nzi, bakamutaba kuti mwiyi ino ukala kuli. ³⁹ Wakabambila wati, amuze mubone, mponya bakaswena okubono mpalikakala. B aka kala anguwe obo buzuba, yali hola lyekumi. ⁴⁰ Umbi ali abo bolile wakamvwa Joni kwamba mponya okucilila Jesu kwali Andulu ,muzyalwanyina o Sayimoni petulo. ⁴¹ Wakatalikila kujana muzyalwanyina Sayimoni okumwambila, twamujana mesiya. ⁴² Wakamweta kuli Jesu mponya Jesu wakamualanga okuti , uli Sayimoni mwana wa Joni . Uyoitwa kuti Kefasi , eyo lyamba kuti Petulo. ⁴³ Buzuba bwakacilila, awo Jesu nalikuyanda kwinka ku Galile, wakajana Filipo okumwamaila kuti, ndicilile. ⁴⁴ Ino Filipo waliwoku Betisyemba, munzi mupati wa Andulu o pita. ⁴⁵ Filipo wakajana natali okwamwambila kuti, oyo musa ngwakalemba mumulawo , mponya abasinsimi , twamujana Jesu mwana wa Josefa, uzwa ku Nazareta. ⁴⁶ Nataneli wakati kulinguwe, ino kuli cibotu cinga cazwa mu Nazareta Filipo wakati koza ubone. ⁴⁷ Jesu wakazobona Natali ulikuza kulinguwe mponya wakati bona, mu Ezilayili wamasimpe, oyo utakwe kapenda, ⁴⁸ Natali wakati, ino wandiziba buti Jesu wakamutaba kuti, ketano kwita, Flipo niwali munsi womukuyo, dalikubwene. ⁴⁹ Natali wakati, omwiyi uli mwana wa Leza , ul mwan wa Iziyalili. ⁵⁰ Jesu wakamutaba wati, ndazokwambila, ndazokubona mansi womu samu womu kuyu, ulasyoma na, oyubona zipati zinda awa. ⁵¹ Mponya wakati, kasimpe, kasimpe, ndakwambila, uyobona majulu kajuka, aba ngeli ba Leza kabainka oku seluka amwana womuntu.