¹ Isaki wakaita Jakobo, ape wakamuleleka, tolukede ape okumulailila kukwata mwanakazi mukenanniti. ² Nyamuka winke kupandamu Alamu, kuganda ya Betueli kuli banyinakulu, mponyina ukakwate kuya. Omwi wabana wa Labani, bacizi babanyoko. ³ Leza singuzu zyense okuleleke, kuzwidilila okuya buyungizigwa, kuti ukabe makamu abantu. ⁴ Ape zileleko zya Abrahamu, kuli yebo, mponya o lunyungu luyokucilila, kuti ukakone nyika okukuwali kukala, elyo Leza jakapa Abulahamu. ⁵ Mponyina Isaka wakatuma Jakobo, Jakobu wakainka ku padalamu, kuli Lanani wa Betueli mu Alamu, mucizi wa Rabeka, banyina Jakobu ape Esau. ⁶ Ino Esau wakabona Isaki bwakaleleka Jakobo mponyina wakatuma ku pandanalamu, kuti akwete mwanakazi kuya. Ape wakabona kuteti Isaki wakamuleleka ape okumulailila, okwamba kuti,'' tolukede kukwata kumwanakazi wo ku kanana.'' ⁷ Esau anguwe wakabona kuteti Jakobo wakakuteka baisi ape abanyina, mponyina wakaika padalamu. ⁸ Esau nakabona kuti mwanakazi woku Kanani takwe naka mubotela Isaki abaisi. ⁹ Mponyina wakainka kuli Ishimayeli, ape okubweza, kumbali abanakazi mbajesi, Mahalati mwana wa Ishimayeli, mwana wa Abulahamu, mucizi wa Nebayoti, kuti abe mwanakazi wakwe. ¹⁰ Jakobu wakazwa ku Beeleseba ape okwita kumbali o Halani. ¹¹ Wakasika kucibaka cimwi ape okukala masiku ense, kaambo zuba lyakabila. Wakabweza ibwe lyomwi lyawo acibaka, wabika kumutwe wakwe mponyina okukala ansi awo acibaka okulala. ¹² Wakatola mponyina okubona lele ibambidwe anyika. Atala yakasika kujulu mponyina i bangelo ba Leza bali kutanta ape okuseluka ali jiyo. ¹³ Amulange mwami waima okwamba, ndime mwami, leza wa Abulahamu uso, ape o Leza wa Isaki. Nyika poimvwi alinjiyo, diyo pakuliyebo ape okulu nyungu lwako. ¹⁴ Lunyungu lwako luyoba anga ndusuko lomuse, ape uyo sabalangana kule amabililo ezuba, kujwe, okunyika, ape okumusanza. Kwinda muliyebo ape okwinda mulunyungu lwako mukowa wonse wanyika uyolelekwa. ¹⁵ Amulange, ndili anywibo, ape diyo mubamba konse komuyoinka. Diyomucitila zyense ezyozidaka mutodezya. ¹⁶ Jakobu wakabuka kuzwa mungonzi, ape okwamba,''cozyo mwami kwali ali cino cibaka, ape takwe dinola nzi.'' ¹⁷ Waliyowide okwamba kuti,'' ino eci cibaka cilayosya! eci tacisi cimbi kuze anganda ya leza. Oyu mulyango wo kujulu.'' ¹⁸ Jakobu wakabuka kasimbula mponyina okubweza ibwe ndasyengede kusi omutwe wakwe. Wakaipanga kuteti libe takozyo ape okutila mafuta atala alindilyo. ¹⁹ Ciya cibaka wakacuzika kuti Beleti, ape zina lyeni lyeni lye dolopo lyali Luzi. ²⁰ Jakobu wakakokezya ecikoke, okwamba kuti''Na Leza unoli amibo okundibamba munzila eyi jeyobwedela kwateni, mponyina uyondipa cikwa cokulya, ezizwato zyoku zwata. ²¹ Nkokuti dipiluke kabotu kuganda ya tanta mponyina mwami uyoba Leza wangu. ²² Ino eli bwe jindabika iyoba takozyo lyebwe isalala. Kuli ezyo zyense zondipa, cozyo ndiyopa cekumi kuliyebo.