¹ Abulahamu wkakwata umwi mwanakazi, izina lyakwe wali Ketula. ² Wakamuzyalila Zimilani, Jakisani, Medani, Midiyani, Isaki, Osua. ³ Jakisani wakaba isi wa Seba apee o Dedani. Lunyungu lwa Dedani bali bantu ba Asuri, bantu ba Letusi, ape abantu ba Leumi. ⁴ Bana ba Midiyani bali Efa, Eferi, Hanoki, Abida o Elida. Bense aba bali lunyungu lwa Ketula. ⁵ Abulahamu wakapa zyense ezyo zyajesi kuli Isaka. ⁶ Nekuba namu, kupona, wakapa zipo kubana babasimamambe bakwe okuba mwaisya kunyika yo kujwe, kuzwa kuli Isaka, mwana akwe. ⁷ Aya ali mazuba emyaka ya Abulahamu obumi mbwakapona myaka ili mwanda amakumi ali musanu abili amusanu. ⁸ Abulahamu wakayeka lwamamanino mponyina wakafwa acimo cibotu cobucembelele, mudala wali obumi buzwide, oku bunganisigwa kubantu bakwe. ⁹ Isaka o Ishimayeli, bana bakwe bakamuzika mupangala ili mu makipela, mumunda wa Efuloni mwna wa Zohali mu Hiti, ili afwifwi o Mamule. ¹⁰ Oyu munda Abulahamu wakaulide kuzwa nana ba Hiti. Abulahamu wakabambila kuko o Sala mwanakazi wakwe. ¹¹ Kuzwa lufu lwa Abulahamu Leza wakaleleka Isaka mwana akwe, ape Isaka wali kukala afwifwi ecikala ca Lahai Roi. ¹² Ino olu lwali lunyungu lwa Ishimayeli, mwana wa Abulahamu, wali Haga mu Ejipita mubelesi wa Sala, ngu wakazyalwa kuli Abulahamu. ¹³ Aya ngali mazina abana ba Ishimayeli, kwendelanya okuzyalwa kwabo: Nebayoti mwana okusanguna wa Ishimayeli, Kedala, Adibeli, Mibisamu, ¹⁴ Mishima, Duma, ¹⁵ Masa, Hada, Tema, Jeta, Napishi, and Kedema. ¹⁶ Aba bali bana ba Ishimayeli, ape aya ali mazina abo, ape emizi yabo, mponyina ezivuka zyabo. Bami bali kumi abili kwendelanya mumisyobo yabo. ¹⁷ Eyi yali myaka yobumi bwa Ishimayeli, mwanda amakumi otaywe eciloba yemyaka. Wakapona camamanino okufwa, wakazikwa bantu bakwe. ¹⁸ Bali kukala kuzwa ku Havila kusikila kuli Ashu afwifwi o Ejipiti, mbuli imwi iyakulubazu loku Asiliya. Bakakala mukukacilana kuli umwi oumwi. ¹⁹ Zyezi zyezi zyali kucitika kujatikizya o Isaka, mwana wa Abulahamu. Abulamu wakazyala Isaka. ²⁰ Isaka wajesi myaka ili makumi one nakabweza Labeka kuba mwanakazi wakwe, mwana wa Betuweli mualamu woku Padanalamu, mucizi wa Labani Mualamu. ²¹ Isaka wakakombela mwanakazi wakwe ku mwami kaambo talikwe mwana, mponyina mwami wakataba kombyo yakwe, mponyina Labeka mwanakazi wakwe wakamita. ²² Bana bakazundana atomwe muli nguwe, mponyina wakati,'' kaambozi eci cilikucitika kuli mebo'' wainka kobuzya ku mwami kuli eci. ²³ Mwami wakati kuli nguwe,'' zisi zyobile zili mwida lyako, ape bantu bobile bayoazanisigwa kuzwa kuli yebo. Omwi muntu unoli muyumu kwinda umwi, ape omupati uyobelekela munini.'' ²⁴ Nicakasika cindi cakwe co kutumbuka, amulange, kwali mambile mwida lyakwe. ²⁵ Mwana okusanguna wakazwa usalala kwense mbuli jasi lyoboya. Bakamwita kuti Isau. ²⁶ Kuzwa awo, muzyalwanyina wakazwa. Ijanza lyakwe lya jesi kasindidi ka Isau. Wakaitwa Jakobo. Isaka wali emyaka ili makumi ali musanu oumwi cindi mwanakazi nakabazyala. ²⁷ Balombe bakakomena, ape Isau wakaba musungu kukuvwima, muntu omusaka; pele Jakobo wali muntu mumunizi, wakamana cindi cakwe mumatente. ²⁸ Ino Isaka wakayanda Isau kaambo wakalya banyama abo mbali kuvwima, pele Labeka wakayanda Jakobo. ²⁹ Jakobo wakajika musinza. Isau waka kuzwa musaka, ape wali ngokendwe enzala. ³⁰ Isau wakati kuli Jakobo, ndisanine oyo musiza usalala. Ndakomba, ndakatala!'' Ncenci co eco zina lyakwe cilwakaitwa Edomu. ³¹ Jakobo wakati,'' Sunguna nduzizye bupati bwako.'' ³² Isau wakati, langa ndilafwi okufwa. Ino mbubotuzi bomupati kuli mebo?'' ³³ Jakobo wakati,'' sanguna kukonka kuli mebo,'' Mponyina Isau wakakonka cikonke ape muli eyo izila wakauzya bupati bwakwe kuli Jakobo. ³⁴ Jakobo wakapa Isau cikwa ape omusinza we nyangu. Wakalya okunwa, mponya wakanyamuka okwinka mulwendo lwakwe. Muli eci Isau wakasampula bupati bwakwe.