¹ Mumazuba a Xerxes (oyu Xerxes wakalela kuzwa ku India okwindilila kusika ku Cush, kwama bbazu ali mwaanda amakumi obile ociloba), ² muli ayo mazuba mwami Xerxes wakakala acibbula co bwami mucibaka ci cingilizidwe ca Susa. ³ Mu mwaka watatu mukulela kwakwe, wakapa pobwe kubapati pati aba zike bakwe. Bendelezi boku Persia oku Media, balumi balemekwa, bendelezi bezibaka balimubuleli bwakwe. ⁴ Wakatondezya buvubi bwakwe obulemu bwakwe bwajasi kubenzu, kwamazuba ali 180. ⁵ Aya mazuba nakamana, mwami wakapa mpobwe lyakasekelelwa kwa mazuba ali ciloba. Lyali mpobwe lya bantu bonse mu Susa, kuzwa kubalemekwa kusikila ku bacete. Lyakapangilwa mukati ke gadi mukati mucibaka cakwe. ⁶ Cibaka ce gadi cali bambiwe kabotu amasila atuba, asubila kanini, ape ajesi mubala usubila kanini, alikulenjelela kutukoto twe nsiliva kuzwa kumatakozyo. ⁷ Zyokunywa zyakabambwa mukomoki zye golide. njaya komoki yaliindene ambi kwali wani inji akambo kobubotu bo mwami. ⁸ Kwali wani inji akambo kokuti mwami walikuyanda kuti benzu banywe mbuli mbubayandila, mulieyi nzila takwe wakasonjelezigwa kunywa ngwaya wakapegwa mbuli mbwayandila. ⁹ Ape, mwanakazi omwami wakapa pobwe kubanakazi mun'anda wo mwami Xerxes. ¹⁰ Mubuzuba bwasabata, awo mwami navwide kabotu mumuyo wakwe akambo ke wani, wakambila Mehuman, Biztha, Harbona, igth, Abagtha, Zethar, ambi o Karkas (bapati bati bali ciloba bakamubaelekela), ¹¹ mukweta mwanakazi omwami kulinguwe. Walikuyanda kutondezya bubotu bwakwe bantu abapati pati, kwanzwa kwakwe kwali kubotu. ¹² Kono mwanakazi omwami wakakaka kuza kwendelana ejwi lwakazwa ku mwami. Mponya mwami wakanyema; bunyemi bwakwe bwali mukati kakwe. ¹³ Mponya mwami wakambola abalumi bazibidwe kuti mbasongo, bazikaboyu ma). ¹⁴ Ino abo ali afwi anguwe bali Karshena, Shethar, Admatha, Tarshish, Meres, Marsena, ambi o Memukan, bana bumwami bali ciloba boku Persia ambi o Media. balipedwe nguzu kumwami, ambi balijesi bapati pati ¹⁵ .....''Mukwendelana omulawo, cinzi cilukede kucitwa kumwanakazi omwami Vashti kambo wakakaka kutobela zyamba mwami Xerxes, intume wakatumwa abapati pati?'' ¹⁶ Memukan wakamba akati ko mwami abapatipati, ''Kukali buyo ku mwami banakwe Vashti balubizya, ape okubantu abapati pati boonse bali mucibaka ca mwami Xerxes. ¹⁷ Banakazi boonse bayovwa zyacita mwanakazi omwami. Ciyobapa kuti ambabo batakacilizyi zyambwa abalumi babo. Kabati, 'Ensi mwami Xerxes wakambila bantu kuti bamwetele mwanakazi wakwe Vashti kulinguwe, kono wakakaka.' ¹⁸ Ezuba kalikana kubbila onse mwanakazi omuPersia o mu Media wavwa zyacitika oyomba ziswana kubapati pati bomwami. Kunoli kunyansilizya kunji oku nyema. ¹⁹ Kuti na cilabotezya ku mwami, tuma ntume kuzwa kuliyebo, ambi u lemba mumulawo wa Persian aba Medes, oyo utakozigwi kugwisigwa, kuti Vashti katasiki kuliyebo. Ape mwami ape busena bwakwe kumwanakazi welede kuba acibaka cakwe. ²⁰ Bakuvwa bonse banakazi mucisi cako, bonse banakazi bayolemeka balumi babo, kuzwa kulibabotu kusiila kubabi.'' ²¹ Mwami abana bakwe bakabotelwa kukambo ako, ambi mwami wakacita mbuli Memukan mbwakamba. ²² Wakatuma mangwalo mumasi onse, cisi ecisi mubulembo bwaco, ambi bantu abantu mumushoo wabo. Wakalailela balumi bonse kuti babe mbabendelezi mumanda abo. lugwalo olugwalo lwakapegwa kwindila mumishobo yabo.