¹ Upuluke, Minya-upilo esi sina kwiiya kwaaci; waale umone omo tunyefulelwa. ² Saanda setu na sikulondiwa kwa a macaba; tindoo tetu seli ta mushobo undina. ³ Natu kwiikala andiyala, nambulwa sitoo, ni anyina wetu kwanyi timbelwa. ⁴ Ameyi tunwa konji kuula, tinunyi no kuyota konji kuula. ⁵ Anyandisi etu natuleme ba kakoshi us; na tukukatala ka tukwite pumulo. ⁶ Natuba twenyene kwa Egepita ni kwa Maasirya nji tuwane ndima. ⁷ A sitetu na kufoseze, kame kaasabo, aci kame tu shimba uyi wawo. ⁸ Kame tubusiwa kwa abika, kame kakwisa oyusotu lamwena mu makaa awo. ⁹ Kame tulya ndima no nyamaluyoyo, libakano mbiinji mu linyungu. ¹⁰ Itumba yetu nila kwilola kwa sitofu libakano kuyondiswa ni lishebo. ¹¹ Nakushubula akati no Sione, ni akatana a mindi ya Juda. ¹² Akwambuyu nakulekwa ku makaa awo. Kakwisa likute limonahala kwa akulu. ¹³ Aaudumbana na kulwiswa ni mawe no kubela, anukana no alume na kutantalikiswa ni kulema kwa itondo. ¹⁴ Akulu na kutunda ku mwelo no mundi, andumbana naku lesela kupeta ni kwiimba. ¹⁵ Kuwabelwa kwa mucima yetu nakubukame kunenga kwetu na kubiluka kulila bamweya. ¹⁶ Nguwani no umbumu naikwi ku mitwi yetu; natuku maiba, kakuli natuku tenda sibi! ¹⁷ Elibaelyo mucima wetu naukukola, mu yambo eyi miyo atu nakunsufala ¹⁸ kakuli balilundu no Sione lima kushandoka, aluwawa alemine kweendabo. ¹⁹ Kono wene, Minya-upilo, kubusa kowe nikwakuta kutelela, kame uta kwiikala ba lubona lowe mwaka ni mwaka. ²⁰ Sike abo utupulama kuta-kutelela? Sike una kutulela maywa mundi? ²¹ Utuuse kwawene, Minya-upilo, kame mbatuuku. Maywa etu watateke kwanyi omwana kwikalelenga kukale- ²² kono mukutu siya kumanenena kame ututinene onene.