¹ Kame uta kulemba o Levitani ngandu ni kashuto? kamba kuseta o lulimi lwayo ni muhala? ² Kame utwesa kwi ingenyeka o lumingo mu liyulu? kamba kwi itoyola o mutahali ni muwayo? ³ Mwendi kame ita ku kumbela onene? kamba kwaamba ni weene ni maywi aikalile ni musa? ⁴ Kamba kame ita kutanda o kuyupana ni weene, nji aikale mubika owe kuta-kutelela. Nji ⁵ kame uta kwibebisa omwa bebiseza kayunyi? kamba kwiilitela anowe mo a nungilwe? ⁶ A mandui nji kama ata kuifundota? kamba kwi mbataulela a uta kwiiya mu ku ulako? ⁷ E lisinga lyayo, nji kame uta kulitoyaula ni tushondiso? kamba kutoyola o mutwi wayo ni miwayo? ⁸ Utwale likaa lyowe, wi leme! E ndwa muta kulwa kame uta ku ipuluka; mbukafaokwitateka Mulimu! ⁹ Umone, okusepisa kwa yonyene kakwisa tuso; munu aba yaliketa feela kabebi na kucila. ¹⁰ Kwa andume kakwisa simba mu mweya oyuso kuongota, nji akaishomaete-nji ni ngeso anyine so inama ba lubala lwange? ¹¹ Anyine na kuni kolotisa esinu oweeli, nji ni musete e sikoloti sange? Eyi ikalile mushino liwilu yoshe ni yange. ¹² Nilese kupulama kwaamba eyilama no ngandu, kama o maata manene ayonyene, ni omo yuumbelwe wino. ¹³ Kwaali oyu nakubuwa e situmba sayo? ¹⁴ Anyine so twesa ku yatula eyaandi no lubala lywayo? Maeo ayo kama cilisa oyi. ¹⁵ Kame ikukumusa ni makakalapa no kuongola ayo, a kulemine bamweya kwanyi anakuwanekiwa ni kuongola no manolo. ¹⁶ Eliciili kame likalile mabapa ni liciili beebi luli, mane o mebo kakwisa omo uta kuitela. ¹⁷ Kame ana kuwanekiwa e liciili kwa liciili, kame ana kuongotiwa bamweya nji alese kualuana. ¹⁸ Aba iku timula, kame imonahalisa liseli, kame amiyo ayo kama fekile kwanyi mafume no liywaa aba likaula. ¹⁹ Mukanwa kayo kame kutunda a mamonji atumbuka, kutatakana no mulilo kame kubanene baundee. ²⁰ Muliyulu kame kutunda o wise, kwanyi muuku utunda mukaco kasheloka ba mulilo no kuma. ²¹ Aba iyoyaela kame itumbula a makala, kame o mulilo kame utunda mu kanwakayo. ²² Amaata ayo kama ikalile ku ndingo yayo, kame inu kame eyinu kame icila ba lubala lwayo. ²³ Misifa no mwiili wayo kame ikulemine ba mweya, kame yongolile kaitwese kunyanyanyiswa. ²⁴ Mucima wayo kame wongolile kwanyi liwe, kuongola kwanyi liwe no sibelelo. ²⁵ Aba imane, ano maata kama cila libakano kumbemuka, kama cila. ²⁶ Munu simba alwa nayo ni mukwale, kakwisa tuso wanebo, yonyene ni kwa mbiinji, kamba ni sishondiso, kamba ni muwayo no kushenga. ²⁷ Kame yaaliketa sipi nji ni moopu feela, ni sipino kopa kwanyi sifufu. ²⁸ A mashe katwese kwiicilisa; kwayonyene a mawe a kondiwa ni tufwililo kama biluka kwanyi cileke kwa yonyene. ²⁹ Tisukulu, kwa yonyene kwanyi cileke; aba ikondiwa kame isheka. ³⁰ Mushi no lipumo lyayo kame inonahala kwanyi tunetana no kutweba, mu ndowa kame isiya o mwaamba ufekile kwanyi sipuputiso no hala. ³¹ Kame ishelaukisa a meyi no mu mandunga kwanyi a mukaco, kame ikusha e liwate omo ku kushezwa a kaco no maati no okushokona. ³² Munyina wayo kame isiya o mwaanda no kumyaka, mane munu apuluke nji mu liwate kame mwikalile e tinuki no upuzwa. ^{33 34} Mulitunga ka kwisa sinu sikumana nayo, sinu kutendiwa na kwalimua kucila . Kaikata na kucila kwaliketa eyi nene yoshe, niyonyene mbumu no iyamana yoshe.