¹ Bilidadi noku shuha kwaaba ana kwaamba nji, ² ''Kamwaka so ungule a maywi no ku tuteisa? Muyambute oweeli, kubinda tuta kwaamba. ³ Kame kufanene nji twaaliketwe kwnyi kame tuli iyamana? kame tumonahala kwanyi tuli aelo mu miyo no anyi? ⁴ Mawe! wene ukukayaula mu ku tina kowe, nji, enaha nai kushandoka mulibaka lyowe. ⁵ Ee, ni liseli lya uyo no kwiiba kame lita ku tima, kame o mulilo wae kauta ku benya. ⁶ Liseli kame lita kubiluka e lififi mu tenda yae, kame e lambi yae, ikalile beuli yae kame ita kutina. ⁷ Omwendelo wae no kuongola, kuuso kame uta kushwekiwa. A kwisiwe kwa eyi ayambuta yonyene. ⁸ Kakuli makondo ae kama ata ku mutwala mu kanyandi kana kuteiw, aka lyate ba mubeto. ⁹ Esiteyo kame sita kumulena ku lisito, e silaha si muleme. ¹⁰ O mubeto kame ushwekelwe yonyene mumbu, kame o musima na ukukalengelwa yonyene mundila. ¹¹ Eyi no kucilisa kame ita ku mumbemukisa oku noku, imushenje mu mwanda wae. ¹² A maata ae kame ata kufokolisa ni lishebo, tisinyehelo ti mu kumalele okwata kuta koshe. ¹³ Ilama no mwiili wae kame ita kumwanuluka, ee imaniswe ni mweeli no lifu. ¹⁴ Kame ata kukokiwa mu tende yae omo ana kuyoya mu wiiketo, a litwe kwa mbumu no kulisa. ¹⁵ Kakwisa mwabae ata kwiikala mu tende yae; e sibalule no silufula kame sita kuselaelwa ba sisa no ndoo yae. ¹⁶ Mibisi yae kame ita kukukuta kushi, kame kuwilu mitai yae kame ita ku temiwa. ¹⁷ Kaata kupulukiwa mu litunga, kame e litina lyae kalitae kwaambiwa mu makululu. ¹⁸ Kame ata kutundiswa mu liseli ni kukondela mu lifif, acitiwe mu litunga. ¹⁹ Kaata kusiya omwana, kamba lusika mu sicaba no abae. Simba oyuno kumuyola mu sisa sae. ²⁰ Ao ata kwelekiwa kuuso, kame ata kukomoka okuyunda kwae. ²¹ Luli no uta kutendelwa o mundi no munu wakwite e niti, kame mo yikalele eyi munu wa limukile Mulimu.