¹ Jobo bilu atambula nji, '' ² Sina kuyupa e yaambo no kupula eyino ngeso; moshe mwiikalile aomba-ombi no kwenisa.'' ³ Amaywi asa tuso kama ata kubwa kamba ngaibi? sike sikususueza nji u ni tambule? ⁴ Nimene kama nitwesa kwaamba kwanhyi anyi; kambe nianyi mwikalile mu sibaka sange, konitwesa ku waneka maywi no kulwa ne nu bamweya, ni mi nyungele o mutwi wange. ⁵ Name kame ni twesa ku miongoto o mwima ni kanwa kange, kame ni mi omba-omba ni maywi no mu tunwa twange. ⁶ Simba ni amba, kutona kwange kakukuyuka, kame simba ni ondoka, ni tuso ibi nita kumona? ⁷ Mawe! Enako ino kame sina kunifokolisa oyi, e ndoo yange yoshe naikushandoka. ⁸ Nu kumibitela bashi! kame eyo kame ina kubiluka o pakiata ku ninunga! Okuyonga kwange, ni paki imana ku ni munjula. ⁹ Nakunikamuna, kame na kuni ndongwama ni kutweba kwae, kame uni kweceza a maeo; sila sange kame sini lutukela ni miyo no kutweba. ¹⁰ Nakuniyatululela o tunwa twao, na kuni mbakula ba litama kunienisa, na okuwana bamweya kulwa nge. ¹¹ Mulimu na kunibeka mu maata no anu aka naku mucila. Na kunikondela mu mataa anu no kwiiba. ¹² Kame sina kuyoya mu wiiketo, kono yonyene nakunicola bakaci, na kunilema ba ngwangwali, nakuni bomaka byemba-emba, na kunitenda e pakani yae. ¹³ Mashe ae kama yaleka mene feela, kama ani yaaka ku tipio, kakata nakuniyepela o kukola, kame itela enyoko yange bashi. ¹⁴ Nakuniyaaka imbongola, nakuni iyela kwanyi munu ata kukulwa. ¹⁵ Sina kulukela o lwaambi no saka ba situmba sange; kame sina kutwala o mutwi wange mu likungu. ¹⁶ Lubala lwange kame luciiswa ni miyoti. Akafifi no kufa naka kufuka tinobyo no miyo ange. ¹⁷ Imbo kakwisa esino kwiiba sina kutendiwa ni mataa angwe, kame kukumbela kwange kame kama kwikala okumo kukena. ¹⁸ Mawe, wene litunga, ulese kushweka o uyinga wange, kame ku kuwanga kwange kulese kubwa! ¹⁹ Mumona! Niabano, opaki wange kama ali kuwilu, kame oyu ani imela kama ali mu sibaka no muliwilu. ²⁰ Alukani ange kama anisheka, kono mene, kame ni lila e miyoti mo milemine ku kumbela Mulimu. ²¹ Nji abe munu titukelo tae mu saambo sae ni Mulimu, kame na ku imanena mwana ino munu kwa likani ae. ²² Kakuli myaka sina ku siyalelwa ni inyonyo feela, kame nita kuta mundila, omo sita okauka.