¹ Bama Falisi naa bamwi balembi bazila ku Jelusalema bakamuzingolo walo. ² Bakabona bamwi ba siciya kabalya cinkwa mumatashi abo asohwaani, ci ceco, kabatasambidi. ³ (Mbuli bama Falisi nalimwi na ba Juda tabeelede kulya cita basamba mumatashi, nkaambo bakakwata kutunsiya nsiya twaba masololi. ⁴ Bama Falisi naa bazila ku mushika tabalyi cita basamba beni, nalimwi balakwata izhintu izhimwi zhinji zhibatambula, mbuli kusazha inkomeki, mpoto, mbale zhe nsiliva, nokusalahya hyibalya.) ⁵ Bama Falisi na balembi bakamubuzha Jesu, ''Nkaambo ci basikiya bako tabeendi mutunsi nsiys twaba masololi, pele balya cinkwa kabatambidi mumatashi abo?'' ⁶ Pele wakaamba kuli mbabo, '''Isaya wakashinshima kabotu kuli ndinywe niba shikupaupa. Mbubwena mbu cilembedwa, 'Aba bantu balandemeka a mulomo yabo, pesi myoyo yabo ili kule kule nambebo. ⁷ Bakomba ndime ca buyo, balaisha milewo ku bantu ya buyo.' ⁸ Tamubambi milawo ya Leza nalimwi mulakwata kuhwambaana tunsiya nsiya twaa bantu.'' ⁹ Nalimwi wakaamba kuli mbabo, ''Nkubotu buti kukaka imilawo ya Leza lino ulabamba tunsiya nsiya twako! ¹⁰ Mozesi wakaamba, 'Kolemeka so na banoko,' nalimwi, 'Uyo ukanana zhibiibi kuli si nanyina cobeni unahwa.' ¹¹ Pele waamba, 'Na musankwa waamba kuli si nanyina, ''Kuhumbwa lugwasho nduwaka citambula kuli ndime ku Corbon''' (kukwaamba ukuti, 'kupegwa kuli Leza'), ¹² Lino utakamuzumizha linji kucita icintu caka si naciba canyina. ¹³ Ulabamba izwi lya Leza koyazha tunsiya nsiya tukwete utululi ansi. Nalimwi nazhezho zhintu nji zhikozhenya zhu cita.'' ¹⁴ Wakaita mabunga nalimwi nokwaamba kuli mbabo, ''Kamuswiizha kuli ndime, nyoonse, nalimwi muhwe. ¹⁵ Taku cintu cizila ansengwe cikozha ukusohwazha umuntu na canjila muli nguyo. Cita ico cazwa mu muntu cicikozha ukusohwazhi nguyo.'' ¹⁶ Naa muntu ukwete matwi okumwva, komuleka amwve. ¹⁷ Lino Jesu nakasiya mabunga nalimwi wakanjila mu n'anda, ba siciya bace baka mubuzha kukwatizha kaambyo. ¹⁸ Jesu wakaamba, ''Hena tamunamvwa nalino? Tamuna bona kuti kuhumbwa canjila mumuntu cizila ansengwe tacikozha kumusohwaazha walo, ¹⁹ nkaambo tacikozha kunjila mumoyo wace, pele cinaunka mwida lyace nalimwi caindilila kukuzwa?'' Kukaambu aka Jesu wakali kwaamba kuti zyoonse zho kulya zhina salala. ²⁰ Wakaambo kuti, ''Cizwa mumuntu ci cimusohwazha weni. ²¹ Kuzila mumuntu, kukuzwa mu moyo, kuti mizeezo mibiibi, kulalika, bubbesi, bujayi, ²² Bumambe, na makanze mabiibi, bubesi, mambonwa, matusi, kulinyemuzha, nokulisumpula, nobusilu. ²³ Izhi zhoonse zhibibi zhizila mumwena, nalimwi zhi zhi sohwanya umuntu.'' ²⁴ Wakabuka kuzwa kokuya nokuunka kubusena bwa ku Tyre na Sidon. Kuya baunka mu n'anda, nalimwi wakali kuyanda ukuti kuyabi nabo omwi umubona kwakali bede, na kuba boobo takali kukozha kusisika. ²⁵ Pele kuhwambaana mukaintu wakali kwete mwana ace mushimbi wakali kwete umuya mubiibi bakamuhwa wakaza nokuwa kumaulu ace. ²⁶ Lino mukaintu wakali mugiliki, Syrophoenician mushoko. Wakamulomba kuti amutandili myoza miibi ku mwana ace mushimbi. ²⁷ Wakaamba ukuti kuli nguyo, ''Kamubaleka bana basaninwa. Kutaanguna. Tacili cibotu kubweza cinkwa cabana kucisowela ababwa.'' ²⁸ Pele wakamvwila nokwaamba kuli nguyu, ''Ee, Jehova, nabalo babwa bali munsi lye tebulu balya zhilosha abana.'' ²⁹ Wakaamba kuli nguyo, ''Nkaambo kaceco nciwakakanana, uli angulukidi kuunka, myoza mibiibi yakuzwa kumwana mushimbi.'' ³⁰ Wakabwela ku n'anda yace wakajana mwana uliladi a bulo, myoza mibiibi ya kuzwa. ³¹ Wakaunka nalimwi kukuzwa kubusena bwa Tyre, nalimwi nokuunka kwiinda ku Sidon ku lwizhi lwa Galilaya kusika ku busena bwa Decapolis. ³² Bakaleta kuli nguyo umwi utahwi nalimwi wakali kukacilwa kukanana, nalimwi baka mulomba kuti atandabiki tashi lyace ali nguyo. ³³ Nalimwi wamutwala kumbali kumukusha amabunga, wakabika minwe yace mu matwi, nalimwi wakamuhula nalimwi wakamukwata ku mulaka wace. ³⁴ Wakaluula mujulu, wakakambuka, nokwaamba ukuti, ''Ephphatha,''kukwaamba kuti, ''Kojalula!'' ³⁵ Ciindi comwi matwi ace akajaluka, mulaka wace wakaangululwa, nakamana watalika kukanana. ³⁶ Jesu wakabashimwina kuti batambili naba omwi. Pele balo mbakashimwina kuti bataambi balo bazhikanana. ³⁷ Bakakata zhigwa, nokwaamba, zhoonsele zhintu wazhicita kabotu. Wakahwisha muntu watakali kuhwa nalimwi no utaambi wakamboola.''